عييت بغيت نطلع ...عافك خرجني من هنا نضال: الصمت(كيشوف فيا وانا كنتلف بعينيا وكنسرط فالريق والكارتة انني معنقاه و ماقادراش نطلق منو حيت مكنوصلش الارض والماء غيغطي ليا راسي) انا: اففف.. ياربي هههنههن ... نضال اخويا خرجني من هنا بلييز(تصلبت فالماء و تعصبتوتخلطو عليا العرارم و هوا غير كيشوف فيا بحال الى غاياكلني ) بقيت هاكاك لاسقة فيك كنترعد وهوا معبس كيشوف فيا مافهمتش شنو كيضور ليه فراسو تا حل ليا رجليا بلطف و كيشوف ليا فعيني بغوباشة بحال الى كيفكر ، انا بديت كنتغبن بيني وبين راسي وهوا مخرجني من الماء وطالع مع الدروج تا شد ليا الرقبة ديالي بلطف و حطها على كتفو برفق وحتى انا تجاوبت معاه واخا مرتابكة مي ملي خرجني من الماء هازني وكرشو بين رجليا معنقاه وراسي على كتفو خاشية وجهي فعنقو سادة عيني وكيداعب ليا الرقبة ديالي بحال الى حاس بيا مثوترة و كيطمىءني تا ترخيت عندو وهوا غادي بيا كنحس بيه كيتمشى بشويا ماعارفتش فين غاديين تا حسيت بيه كينزلني على ضهري وانا مغمضة عيني مابغيتش نحلهم كنحس براسي نعست على ضهري وقلبي كيضرب وهوا فوق مني ونفسو فعنقي بلا مايبوسني بقا غير كي دور وجهو بين عنقي وكتافي بلا ميقيسني ونفسو كل مرة فين كنحس بيها مرة فسدري مرة حدا فمي ومرة فكتافي و فعنقي وانا كنتحرق بلا ميقيسني كنرتاعش غير من القرب ديالو ليا وروحي بغات تخرج من بلاصتها،شوية بديت كنحل عيني بشوية شفت فيه لقيتو مغمض عينيه و وعاقد حجبانو معصب وكيتفس بصعوبة ووجهو تزيير وكيستنشق ريحتي تا حل عينيه فيا بشوية لقاني كنشوف فيه والخزن على وجهي بكترت ماكنبغيه كيغرغرو عيني حتى وهوا معايا، بقينا كنشوف فبعضياتنا شحاال و وهوا يقيس ليا قنت دعيني بصبعو وبقا كيشوف و يشوف فيا و فيه عاد نتابهت للدمعة فصبعو ماحسيتش امتى نزلات من عيني ،صافي فالبلاصة تزيرت مافدرتش نصبر و انا نفاجر بالبكا وعنقتو وبديت كنخوي قلبي فالبكى وكاع داك الالم اللي كنحس بيه وهوا معنقني و كيداعبني من الرقبة ديالي وانا كنشهق فصمت تاهمس ليا فودني... نضال: نتي تاج فوق راسي ماعندكش علاش تبكي...بغيتك غير تحسي بقلبي للي دايب...مانصبرش على بعدك انا:(قلبي غيسكت بالبكى) سمح ليا هءه هءهء(كنشهق) سمح ليا عايرتك و.. نضال: ششوو ..صافي نساي..(شاف فيا) واعديني.... انا:باش غانواعدك؟(عيني مدمعين) نضال: واعديني نطفيو هاد الحرب...نساو كلشي للي خايب ونبداو من جديد(مع نضرات حنينة) انا: كنواعدك .. نضال: غنبداو من جديد واخا احبيبة؟ انا:(كنحرك ليه راسي ) نضال:(ابتاسم) توحشت مروى... انا:(حدرت عيني مبتاسمة وتزنكت) نضال: ههه هادي هيا اللي توحشت (طبع قبلة على شفايفي وكيبوسهوم مبتاسم وكيشوف فيا و كيقبلني ببطىء شديد كيشوف ردة الفعل ديالي وانا غير حاللة فمي وقلبي كيطبل و يفرفر وهوا كيجر ليا شفايفي برفق و انت شاداه من وجهو عاطاه فمي يدير فيه اللي بغا
أنت تقرأ
حبيبي مافيوزي الجزء التاني
حركة (أكشن)هدا الجزء التاني ديال قصة حبيبي مافيوزي للكاتبة غزال تروست
