حبيبي مافيوزي الجزء التاني

part35

دخل للدوش وبقيت انا غير كنشوف ! هزيت تيليفون وعيطت لشومبر د كراميل يجي عندي يفكني،حيت بان ليا كيفهم فاللباس و الاناقة . فالبلاصة دخل عندي كيتكسول كيسالي معيا ديما ضارب على الحطة ومتيتز مع راسو .. كراميل: اكيييييد معيطة عليا حيت كاينة شي خرجة...ياكي.؟ انا: وي داكشي اللي كاين. وماعارفاش فين غيديني؟ وحاجة اخرى ...فيا ليغيكل (كرهت راسي) كراميل: اووووبس !! قطعي جد بوها بالكينة... انا: لالا خليني هاكا طبيعية اصلا دارت فيا خير باش نيت نعرف واش باغيني على النعاس ولا علاياش؟ كراميل:نضال تابعاه التابعة !! ويييلي ضربو تران! (تبعكيك) كل مرة تخرج ليه شي حاجة من الجنب !!!(شاف فيا) يالاه نوضي ...انا غنعيط ليهم يجيبو ليك فوطة صحية ، ودابا اجي نشفو داك الشعر و نقادو الحالة ...يلاه تحركي.. انا يالاه نضت وقفت على رجلي باش نجلس وانا نحس بالوجع شدني و دورني من ضهري و جنابي ورجعت جلست فوق الناموسية شادة كرشي كراميل: (مخلوع ) اويييلي مالكي؟ شنو وقع ليك؟ انا: ححح شدني الوجع ديال الدم(كنكمدها) واقيلا مغنقدرش نخرج ! كراميل: شتي نتي منحووووسة ...النحس تابعك ! انا اختي غنخرج ونخليك تسنطي لعضامك قبل ميخرج هوا من الدوش ونبان ليه فلبلان يصعر عليا...هاهما غيجيبوليك الفوطة الصحية انا:(كنتلوى بالوجه) احح ...عطيني بيجامة وسير الى بغيتي تمشي. جبد ليا دوبياس فالكحل وشورط قصير مزير مع ديباردور فالرمادي و مشا ،نضت حيدت البينوار و جابو ليا الفوطة الصحية و لبست حوايجي وتخشيت فالفراش كنكمد فالوجع قتلني ،تا خرج نضال ملوي عليه الفوطة من لتحت او وحدة دايرها على عنقو ... نضال: مازالة فبلاصتك؟ ماجاوبتوش و جلست نتقلب و نتشقلب كنتوجع. نضال:(تكى حدايا مستغرب) مالكي؟ كضرك شي حاجة؟ (يدو على وجهي) انا: اااييي كرشي كضرنييي...اااه نضال:(مخلوع ومعصب) ماالكي !! واش كليتي شي حاجة؟ ..(يديه كيتساراو عليا بلهفة) انا: لااا جاتني ليغيكل...(كنتعصر) نضال: هااا!!!(غوبش) واااااايلي!!...متقوليهااااش! انا:(عصبني) واسير دابا بعد مني...اه جاوني (كنفقصو) يالاه قلب عيا دابا!! داكشي اللي باغي ماكاينش....(خشيت وجهي فالمخدة) اممممممم....ااااايييايايياي نضال:(مصدوم) و اصلا ما gلنا والو دابا!! مالكي تعصبتي ! صافي احبيبة (باس لي يدي) ماشي موشكيل(بقيت فيه) دابا علاش كتوجعي!! شنو كيضرك؟..واش نجيب ليك الطبيب؟ انا: لا بلاش هادا غير ..اااييي..غير وجع عادي مممم دابا يفوت. نضال: نتي كتموتي وكتقولي ليا عادي؟(ناض هز تيلي) انا: وا صافي بلا متعيط لطبيب ...راه عادي ديما كيوقع ايا هاكا...امممممممممم..اه....شوف راك كتزيد تعصبني ... حط تيلي و جلس يطلع و يهبط فييا وانا كنتلوى وهوا مخرج عينيه مافهم والو .. نضال: فييين كتحسي بالوجع فيين؟ (كيدوز يديه على لحمي.) انا: ااه...افففف...كرشي وضهري ورجليا ...اممم نضال: هنا!(حط يدو على كرشي) انا: اااه...تما بقا دوز يديك تما كيخفاف عليا الوجع.. بغا يطلع يقاد الجلسة وهيا تحل لفوطة وزاد صعر..(ماشفت والو) نضال: خرااا...تفوو (ناض لبس كالصون ابيض و طلع جلس مقابل معايا كيدوز يديه على كرشي وانا كنتقلب مرة على ضهري مرة على كرشي و هوا كيطلع ويهبط فيا عاقد حجبانو و مخلوع نضال: هادشي ماشي طبيعي!! هاد الوجع بحال ديال الولادة!! متسوقتش اش كيقول وبقيت كنتلوى عليه ... انا: حرك ليا رجليا بحال الى غدير ليا رياضة! نضال: واخا! ...مي هادشي فشكل ! راكي خلعتيني عليك... واش سي نوغمال هادشي اللي كيوقع ليك دابا؟ انا: واا حرك ليا رجلي ...اااوووف ..هههننههن. جلس على ركابيه قدامي و كيهز ليا رجليا لفوق ولتحت ر ويحلهم ويسدهم و انا ناعسة على ضهري ستحليتها و غمضت عيني و بديك الحركات للي كيدير خفف عليا لوجع نضال: شوية دابا؟ انا:(مغمضة عيني) ااه...غير بقا كتحرك ليا رجلي. نضال: اوك ياربي غير يفوت هادشي ، ولليتي صفرة !!! واش مكتشربي تا دواء؟ انا: اااووف ههههنهن وا سكت كتعصبني ...مكنحملش للي يهضر معايا فاش كيكون فيا الوجع...كنبغي لكالم.. سكت ماعاودش هضر والغوباشة على وجهو و كيدير ليا الرياضة وانا رااخية رجليا ،بقينا هاكا شي ساعتاين وهوا مربع بين رجليا كيجمعهم تا لكرشي ويطلقهوم بلى مايهضر ومرة مرة حنحل عيني كنلقاه ساهي فيا و كيحرك ليا رجلي تا ماعقلتش على راسي ونعست .. من بعد التكرفيسة للي دازت عليها والوجع اللي خرجها منها تا سخفها حتى نعسات وهوا طلق ليها نضال رجليها وغطاها وشعل التلفازة وتكى حداها كيلعب ليها فشعرها ومتبع الماتش د الكورة .معمرو شاف هاد العجب ديال الوجع تا لعندها هيا ،خلعاتو فاش شافها كتعواج ووجها صفر و سخفانة.وفنفس الوقت طلع ليه الدم مللي جاتها ليغيكل...