حبيبي مافيوزي الجزء التاني

part41

بعد السكرة للي قلبات مروى داها النعاس فيدين نضال و هوا كيعاودلها على حياتهم و ولادهم تا نعسات و حطها فبلاصتها و لبس حوايجو وخرج من البيت مشا البيرو يشوف شغلو .بينما كان صابر فبيتو كان طالع ليه الدم حيت مريم جات عندو على غفلة وتبدلات ولات انانية وكتبغي غير راسها حيت ضسرها تا ولات تكول انا هي كلشي. وفالبيت ديالو كانو مناكرين وهيا جالسة على الناموسية دايرة رجل على رجل و كتعوج عليه.. مريم: مالك ماعجبكش الحال علاش جيت؟ صابر: جيتي مرحبا،ولاكن سدي داك الفم و عنداك تخرجي شي هضرة ماشي هي هاديك ولا تقولي لمروى شي كلمة وتخرجي عليها حيت غندفنك حية الى وقعات ليها شي حاجة بسبابك. مريم: اجي بعدا ...هي مطلقة من نضال وكاتبات معاه فبيت واحد.؟ واباااز صابر:(كعا) شهاد التفكير عندك؟ وزايدون ماشي شغلك ،واصلا هوا كيتفنى عليها (طلع و هبط فيها) واجي نتي بعدا ....مزوج بيك انا؟ جالسة تهضري ...شوفي راسك نتي اللولة عاد هضري عليها هيا،مللي بغيتي نهضر معاك بتقافتك هانا جاوبتك (كيلبس الكابيتشو) هادي ختي و نضال خويا وكيخاف عليها كتر من والديها ..(تم خارج زعفان) يالاه بسلامة وسدي فمك. خرج وخلاها جالسة والغيرة كلاتها وكتهضر غير بوحدها... مريم: افف ديما مروى مروى مروى غير هيا اللي كاينة تفووو كلشي داير الخاطر لديك البهلة ...تا قلنا تهنينا منها و صابر ولا كيعطيني وقتي فاللخر راجعة(معصبة) تقول عندها سبعة د رواح ...كتوصل حتى للموت وكترجع ، يخخخ ....من نهار عرفوها حية و كلشي غيموت عليها ،وانا ممسوق ايا تا واحد!! مريم البنت للي دار فيها صابر خير و بعدها من العيشة للي كانت عايشة مع مها وراجل مها فالمغرب وجابها لعندو لباريس ضسرااات بزاااف حيت صابر مامخليها مخصوصة من حتى حاجة و شاري ليها طوموبيل اخر موضيل و مدخلها تكمل قرايتها ف ارقى الكليات و عايشة معاه فالفيلا فباريس غير هيا وياه و مكتحطش يديها فالماء بحال من قبل فاش كانت عايشة مع مها و فدار كاريينها و ديما الصداع والحساب على المصروف زيادة على هادشي راجل مها للي كل ليلة كيتحرش بيها .صابر عجباتو ونوى يتزوج ةبيها من بعد هاد المدة للي دوزات معاه ،ولاكن مللي شافها كتزنزن و تحللو ليها العينين وبغات تبان و لات باغا ديرو تحت الصباطو و دار بناقص و ما تلاش كيفكر فالزواج وزادت طلعات ليه فراسو و هوا معندوش مع النكير وكثرت الفهامة ومامساليش لتخربيق ديالها .خرج مشا عند نضال لبيرو للي كان كبيير و كلو بالزاج ،لقاه جالس داير رجل على رجل وقدامو شاشة كبيييييرة فيها قنبولة كدور و كتحرك و كتبين الخصاءص للي فيها و الصوت ديال الشخص اللي مكلف بيها كيتسمع وكيشرح كل حاجة كيشوفها فالشاشة وكل شوية كدوز قدامو قنبولة فشكل وكيطلع معاها صوت كل واحد مكلف بيها وكاع ليزافير كيدوزو واحدة تابعة الاخرى مع الشرح المفصل للمستاشارين للي واقفين عليها وكل واحد كيهضر بلغة وكيفسر ليه الخدمة للي مكلف بيها كيغادة تا دخل صبر لقاه مغوبش كيما العادة ومتبع الخطوات فالشاشة و فيدو تيليفونو كيتحم فيها وفالسهم ديالها.ومع صابر مولف كيشوف هادشي وعارفو مكيبغيش للي يقاطعو مللي كيكون مركز فكترت الارقام و الخطوط الى اخ. خلاه تا سالا داكشي وتجمعات الشاشة عاد ضار عندو... نضال: مالك؟ صابر: مريم... نضال: مالها؟ صابر: (واقف عند الزاج كاعي) جات... نضال:(كيشعل سيكًار) مزياان. صابر:(بدا يشكي عليه) راه هاد البنت تقول ماشي هي اللي عرفت نهار اللول...ماعرفتش علاياش كتقلب؟ ولاياش باغا توصل؟ نضال: هههه صافي متفاهومتوش قلب 6____9 صابر: مابغيتش نخدم معاها ولد القحبة مي هادشي اللي بان ليا...غنسيفطها لدارهم ..(كيعمر كاس) فين مروى؟ نضال: (وسيكًار فيدو) خليتها ناعسة... صابر:مافهمتش واحد الحاجة(كيشرب) واش نتا عصبي تا مع مروى؟...بغيت غير نعرف كي كدير تعامل معاها وتفاهم نتا وياها؟ نضال: هههه بيان سيغ لا ... غير تهنا انا ضريف معاها ههه صابر: لعجب! نضال: ههههههه (كيضحك) هي للي كتخليني نكون ضريف معاها ...(هز لكاس فعين صابر، نخبك) وغير معاها بوحدها...(شرب جغمة فخاطر مروى). صابر: ههه الله يجعلني نتيق...مهم انا مشيت ،(حط الكاس) داير مع واحد الساطة ههههه ينعل بو لعلام