حبيبي مافيوزي الجزء التاني

81

عنقت ولادي وغمضت عيني وبقا هوا جالس حدايا كيراقبني وانا كلشي فيا فشل مابقيتش قادرة نتحرك ولا نهز يدي ولا نهضر ... جلست هاكاك شحاال تا حسيت ب وعد نايضة عليا ، حليت عيني كنشوفيها مشات عند نضال وهزها جلسها على رجلو و كيبوسها و عينيه فيها و ابتسامة مخفية فوجهو تا هضرات معاه وعد .. وعد: بيثو.. (كتوريه بصبعها جيهت لابسين) نضال: امم؟ وعد : (كتعلق فيه باغا طلع على كتفو ) بيثو .. بيثو ..يالا.. مثيو... نضال: (جلسها على كتافو ) واخا هاحنا غنمشيو ههه بقيت كنشوف مفهمت والو ومافهمتهمش اشنو كيقولو تا ناض هازها على كتافو بحال شي بخوشة غادي بيها جيهت لابسين شوية هوا يجرها بيدو من فوق عنقو مقلوبة بحال الى كيحيد كسكيطة على راسو ماشي بنتو هيا عاجبها لحال ، شدها لاحها وسط لابسين كتفركل فالسما تا غطسات مابقاتش كتبان.انا خرجو عيني وقلبي بغا يسكت وهوا ينوض عهد من حدايا كيطير عندو ...شدو تا هوا ولاحو فالسما جا وسط لابسين ..بغيت نوض بالخلعة و شدني كراميل... كراميل: فين غادا؟؟؟ بلا متخلعي راه مولفين هاكاك. انا: اوييلي😨 راه لاحهم بحال شي ورقة مكمشة وسط لابسين وعما باقيين صغار!!! كراميل: اييه.. راه كيغرفو يعومو وعلهم السباحة فاش كانت عندهم 6 شهور .. كان كيدخلهون للماء و يطلقهوم وغطس بيهم تا ولفو بلا ماتخلعي... بقيت ساكتة كنتفرج فيهم وكراميل كيعاود ليا وهما كيطلعو عندو وكيرجع يهزهوم ويرميهم فالسماء تا واحد اللحضة نزل عندهوم و الماء واصل ليه لصدرو وكايرمي ليهم واحد اللعيبة فالماء و كيهبطو يجيبوها تا بان ليا هاز وعد جايبها جيهتي وحطها ... نضال: جمع لهادي شعرها ودير لها نضاضر.. كراميل : واخا ... شدها كراميل دار ليها بوني وحيد ليها شي فرافر كانو فالمايو و لبس ليها نضارات ومشات البرهوشة عند نضال كتغوت بالفرحة شدها هوا بالمقلوب راسها لتحت ورجليها لفوق و غطس هوا وياها وبقا داير ليهم الخاطر و كيىعب معاهم وانا كنشوف ممتيقاش ان هادا نضال اللي كنعرف والمافيوزي الخطير ..نضت انا لاوية عليا فوطة و طلعت لبيتي دوشت وكنتفكر ولادي اللي كبرو ومكنفهمش هضرتهم و داكشي اللي داز عليا كاااامل و الحيوان ديال دانييل اللي كدب عليا و قالي انا مرتو والخمد لله اللي ماخليتوش يقيصني ، وعاد عقلت على النهار اللي تخبيت فالتلاجة من ديك العصابة وعرفت بللي نضال اللي كان تما مللي شافني فلاكام وهربت منو وجمعاتني الصطافيط الكحلة تا دخل عليا هوا للبيت و ماعرفتوش .. تفكرت عاءلتي ..😨لاااا صابر !!!ويليي باش من وجه غنشوف فيه دابا !!!وااااع وانا شفتو ناعس مع جوليا!!!ويييلي على شوهتي