حبيبي مافيوزي الجزء التاني

86

رانيا: هيييهوو ههعه فين مشيتي انا:(ضرت عندها عاد نتابهت لكرشها) واااو 😍😍😍😍😍حاملة هههه .... وينوووو (عنقتها)😙😙 جاتك كريشة فنة ههه جهان ماما: هههه مشاء الله كبرو الدراري دغيا (هازة وعد) يخليلي الزين ديال ماماتي (وقف حداها عهد) اجي عندي يالحبيب ديالي ...اجي عند ماماتي ههه (هزاتو) ماتوحشتيش ماماتي يا الخانز... الميمة: ايوا الزين كيولد الزين ههه الشعر كحل بحال باباهم وماماهم(نضال هز عينيه فيا) والعوينات ديال نضال و اللوين ديال مروى مشاء الله صابر:ههه اجي عندي يا لبكوص د حبيبو . . (شد عهد) ماتمشيش عند ديك الشارفة هههخخخخ الميمة: هاااا الشارفة 😠(طلعات معاه قرصة) نتا زعما غتبقى صغير.. صابر: ااااااحح هههه جهان ماما: مشاء الله على هاد الوليدات غيطلعو فايقين صابر: ولاد نضال وبغيتي يطلعو مكلخين عههه الميمة: ايوا عشنا وشفنا ولادك انضال عهههه شحاااال عييت نطبل ونغيط ليك فودنك باش تزوج ودير وليدات ونتا واالو .. كنتي تقوليا(كتعيبو) انااا ماشيي ديال داكشيي اناااا مكنفكرش فداكشي... اوا دابا هانتا سبقتي صابر كاع... نضال:الاقدار الميمة.. (كيضحك بزز) عاقيل بابا : اودي البزز راه دغيا كيبرو العمر اللي غادي كيجري...هاهما عندهم عاماين ونص وبحال ايلا يالاه تزادو لبارح... رانيا: بصح الوقت كطيير.. انا غير ساكتة وكنسمع وكنضور فعيني وهما كيتجمعو و يتعاودو تا نزل عهد من عند صابر لابس سالوبيط كحل و كونفيرس كحلة وكاسكيطة مقلوبة كحلة ومشا عند نضال هزو وجلسو عندو كيهضرو بيناتهم... عهد...بيثو.. بيبي😯 نضال: بيبي!... فيك بيبي؟ عهد: اه... ديلو بيبي!!! شيير بصبعو للمربية جات داتو ورجعاتو ورجع جلس عند نضال نضال: درتي بيبي؟ عهد:امم😉 نضال:ههه😉 باسل نتا يا صاحبي...(معنقو عندو ) انا كنشوف فيهم بنص عين و نضال كيغمز ليه وعهد كيقلدو وكيغمز بحالو تا هضرات الميمة.. الميمة: هاداك غيطلع فوطو كوبي ديالك ...باااااينة صابر:هههههه وااييه.. نضال: ههه جهان : هاهيا اللي كتشبه لمروى ... دريويشة وماكيتسمعش صوتها رانيا: (فودني) مالكي بنتي ليا ماشي هيا هاديك؟؟؟ انا:(على سبة) ماتجبديش ليا الهضرة حيت غنبدا نبكي انا مازال ماكملتهاش بان ليا نضال ناض خرج وتبعو صابر... -خرج نضال هوا وصابر من الفيلا كيتمشاو وكيهضرو صابر: شنو تما؟... بنتي ليا ماشي هوا هاداك ؟؟مخاصمين عاوتاني.. نضال:اففف... (حل السنسلة) تخنقت... صابر: عاود ليا شنو كاين؟ باينة مروى تفكرات اللذي مضى وتقلبات عليك نضال: اودي كن غير تقلبات وبقات ساكتة حسن... صابر:ياك لاباس ؟؟؟ نضال: فاش تفكرات بدات كتغوت وخرجات للغابة وتبعتها باش نهضر معها ونحللو هاد المشاكيل اللي بيناتنا مي هيا والو مابغاتش تسمع وبدات كتغوت وقلت اجي نخليها على خاطرها تا تبرد ونهضر معاها وضرت باش نمشي وبدات هي كتسب ... حمار ... حيواان... صابر: 😰 اوااااه مروى قالت ليك هاد الهضرة؟؟ نضال: اه ... ولاكن انا اللي ضسرتها ومزال غتقول كتر من هادشي(معصب) صابر: ماتقولش ليا ضربتيها ديك الساعة... نضال: هه لا ولاكن غادي نقادها مزيااان باش تعلم تفكر عاد تصرف... حيت هاد الفشوش هما للي خلاوها طلع لسما... صابر: عنداك تمشي تفوت فيها شي دقة.. نضال: ههه مازال ماعطيتهاش لعصى ديال بصح... صابر: عااارف كضرب و تزكل هههه نضال: واخا هاكاك كنحن فيها و غير كنهد عليها وصافي اما كن نجيت نضربها بصح غادي نقتلها... وهي غير ما كتزييد تعصبني.. صابر: بففف... دابا شنو غادير؟ واش غتقوليها راك ماطلقتيهاش ولا شنو؟....اه فكرتيني ...راه خليت كلارا فلوتيل جات كتسول عليك..حيت شدات العطلة وجات عندك نضال: امم.. وعلاش ماجبتيهاش معاك؟ صابر: قلت يمكن ماغاتعطلوش هنا داكشي علاش قلت ليها تسنى فالاوتيل تا ترجعو.. ولا عيط ليها تجي لهنا ... نضال: داكشي اللي غندير