حبيبي مافيوزي الجزء التاني

117

كلارا: انا كنبغي صابر ا نضال ولاكن هوا ماكيبغينيش هىءهىءهىء (بقيت كنهضر ونبكي ومهبطا راسي تا عنقني بيدو و كيخربق ليا شعرو وكيقول نضال: هههه كبرتيييي تا نتييي وليتي تحبيي .. اممم (كيطل عيا و يضحك) هههه كاتبغي صابر هههه (انا وجهي حمرر وساكتة) ههه ولاكن هوا حمار مللي ماكايبغيكش ههه كلارا: 😢 نضال: فوقاش بديتي كتبغيه؟ كلارا: 😢 من.. 😢منين كنت صغيرة😢 نضال: اهااااه! وعلاش ساكتة؟ كلارا: منقدرش نقوليه كنبغيه😢 نضال: هههه كلارا: 😢 شنو ندير دابا؟ نضال: سمعي..ليفام كيقدرو يخبيو الحب ديالهم حتى ربعين سنة ولاكن ميقدروش يخبيو الغيرة حتة ساعة د المكانة وهادشي اللي وقع معاك دابا ، شحااال ونتي ساكتة تا شفتي المنافسة ديالك عاد ماقدرتيش تصبري. كلارا: 😢 هوا ماكيبغينيش وانا معندي ماندير هاكا غنبقى(كنهضر و نشوف فالارض ماقيدتش نقوليه هادشي فوجهو) نضال: (تنهد) الى كنتي كتبغيه غتعرفي كيفاش تخليه يبغيك كلارا:؟؟؟ (هزيت راسي شفت فيه) عافاك هضر معايا نيشان باش نفهم😟 نتا كيسحابليك كلشي كيفهمها طايرة !!! فكر فاللي عقلهم تقيل بحالي. نضال: نتي ماعليك والو هههه داك الضبع اللي ماكايشوفش ، عطيه علاش كيقلب وغادي تباني ليه . كلارا:😨 (شنو كيقصد ، شنو زعما نتلاح عليه نعس معاه؟؟ وعلاش هوا اصلا كايدير عالقات غير باش ينعس مع البنات، وانا كيحسبني بحال ختو يعني ايلا بينت ليه راني باغاه ماغايبقاش يشوفني بحال ختو) نضال: خدمي هاد الدماغ شوية😉 وغاتفهمي شكانقول ليك ، هادي مشكلتك وخاصك تحليها راسك مللي بغيتيه تحملي مسؤوليت هادشي ويلا فكرتي غير شوية راكي غتخلي لعور يبغيك. بقيت كنشوف فيه وعنقتو واخا مافاهمة والو مي راه سمعني و خففت على قلبي شوية مللي عاودت ليه وسمعني وهوا نيت عندو خبرة وعارف كي كيفكرو لبنات و كي كيفكرو الرجال بحالو ، خاصني انا مفهم هضرتو وشنو قصد وعندو الحق ، هادي مشكلتي انا بوحدي اللي كنبغي من طرف واحد. #مروى نضت من حداهم خليتهم كيتجمعو بربعة ، صوفيا و صابر وجوليا وخوها ومشيت نشوف فين كاين كراميل بديت كنقلب و طلعت لبيتو ما لقيتوش و خرجت للجردة كنقلب والضلام بدا كيطيح والضواف خفاف فالجردة الجو رمانسي ولابيسين شاعلين فيه الاضواء فالماء بالالوان، بقيت كنسرح عيني كنقلب على كراميل تا ضرت بجنب وهوا تبان ليا كلارا كالسة هيا ونضال بالشورط كري من لفوق مالابس والو ، اصلا ديما كيمشي عريان و السهد الموت، كن كنت غير انا وياه فالفيلا مامعانا تا واحد كوراه تا داك الشورط مايلبسوش نضال: baby..(ابتسامة وجلسني على رجلو وكيداعبني ) مروى: كلارا؟؟؟ مالكي ؟؟علاش كتبكي ! كلارا: لا والو... ماكاين والو. مروى: لاكن ما... (جيت نهضر هوا يجو بيا رجلو جيت ناعسة يدو وبدا يتغزل فيا) نضال: من قبيلة ونتي غابرة؟ فين كنتي غاطسة اممم..(كيبوسني فعنقي ويداعبني) مروى: اااي ههه.. (كيبورش ليا لحمي بالقبلات فالعنق) نضال: ههه توحشتك الخايبة... شنو كنتي كديري؟ مروى: ههه والو ، كنت جالسة مع صابر وجوليا كنهضرو (اححح على البووسان شوك ليا لحمي) كلارا: (وينووو 😍 سعداتهم هما دايبين فبعضياتهم كيتغزلو فبعضهم ، ماشي بحالي، حب من طرف احد قاااصح بزاف وخصوصا ملي كنشوف اللي كنبغي كيتغزل فوحدة اخرى ويمكن يكون كيبغيها، كنحس بقلبي كيشقق) مروى: ااح هههه ..اي! (كينخزني بصبعو فجنابي كيهرني) نضال: ماشفتيش ولادك هاد العشية واقيلا مروى: لا يالاه خرجت من البيت كنت غادة نشوفهم وانا لقى جوليا عيا وخوها مع صابر. نضال: مزيان، يالاه سيري جيبي ليا ولادي نشوفهم مروى: واخا.. نضت من عندو ومشيت نجيبهم ليه يشوفهم. كلارا: نضال هادشي يبقا بيناتنا بليييز نضال:(حرك ليا راسو و كيبتاسم زعما غير تهناي) كلارا: ههه ... باينة فيك كتبغي مروى بزاف نضال: 😉 كلارا: هههه