حبيبي مافيوزي الجزء التاني

142

الطبيب: ماا ماماتتش ...😩 ماوقع والو، و وو لبيبي مزيان كلشي مزيان (سخف) نضال:(نتر يديه بالزعفة) صاافي طلاق تقااوودو عليا من هنا.(دخل عندها ) صابر: افففف... ...: راه الطبيب سخف لينا جوج مرات لداخل بالخلعة صابر: (كيحرك راسو) شكرا.. ديوه يرتاح ورتاحو تا نتوما ، واحد فيكم يتبعني. مشا صابر ومعاه واحد من الطاقم الطبي داه بعيد للبيت فين كيجلس يداكر فيه هوا و نضال و دخلو وسدو الباب وبقا برا جوج من الرجال واقفين فالباب. صابر: شرح ليا السبب...#كلارا مللي خرج الطبيب وشفناه سخفان سحابلينا شي موصيبة وقعات ، ماطلقنا النفس حتى كالينا كلشي مزيان وسخف ، جلست على واحد الكرسي حدايا فشلانة بالخلعة وكلشي تفرق كل واحد فين مشا. --دخل نضال عند مروى لقاها ناعسة ومعلقين ليها السيروم ومغطيا بليزار نقي ومابقا لا دم لا والو كلشي مزيان، بقا واقف قدامها و كايشوف فيها شحااال وهيا ناعسة نضال: عمر الفرحة ديالك ماكملات (عابس وكيحرك راسو) غادي نعرف سباب هادشي. حيد القاميجة اللي لابس والمكانة وكاع داكشي اللي فيدو وحوايجو كاملين ودخل للدوش كيدوش و صورتها فبالو جالسة حداه كضحك ليه فوجهو وعينيها كيتسدو تا غابت فيدو والدم اللي شاف نازل معاها ، كيتفكر وكيتنهد وكايشوف فالدم ديالها اللي لسق فيه نازل مع الماء وهوا واقف جامع بونية فيديه بجوج و متكي بيها على الحيط وكيشوف فالارض والماء فوقو كيهبط عليه والدم غادي مع الماء. صابر: كيفاااش !!!! ...: هادشي اللي لقينا سبب فالنزيف اللي جاها.كانت غتخسر الجنين بسباب شي حلوة كلاتها فيها الريحان ،و عشبة الريحان كتسقط الجنين وهيا كترات منها بزاف، ولحسن الحظ ماوقع ليه والو وتعتق فالوقت المناسب ، حقنا ليها حقنة بطلات ليها النزيف ومفعول هاد العشبة قبل ما يتأدى الجنين ، هاد العشبة كتسخن الدورة الدموية وكتنشط الرحم وهادشي علاش جاتها ايموغاجي وكان يقدر يطيح ليها لبيبي صابر: افففف...نتوما متأكدين ماكاينة حتى حاجة اخرى للي تسببات ليها فالنزيف (كانو كيهضرو تا دخل عليهم نضال ،دوش وبدل حوايجو وخرج) نضال: ارا داك التقرير (بغضب خدا التقرير وماهضر مع تا واحد وواقف كيقلب فالاوراق وكيشوف السبب دهادشي وحجبانو معقودين و صابر كايشوف فيه والولد واقف كيقفقف غير شافو صفار وجهو) هوا كايقرا فالتقرير وكيحقق بعينيه وكيسول نضال:(معبس) هادا هوا السبب؟؟؟ ....:الصمت (خايف) صابر:داكشي اللي كاين نضال:الريحان؟؟؟؟ (حاجبو طالع) صابر: الصمت نضال: (كمش داك الملف فيدو) لبيبي كان غايطيح بسباب حلوى فيها الريحان؟؟؟؟ صابر: (غمز الولد خرج حيت مادنبو والو وخايف) الريحان عشبة كتسخن الدم ولحسن الحظ ماوقع الجنين والو نضال: هه (مابغاتش دخل ليه لراسو) واش متاءكد هادشي اللي لقاو عندها (الشك باين فعينيه) صابر: عمرني جبت شي تقرير غالط اصحبي؟ راه بحت فهادشي من الصباح و فليناه ومالقينا نا حاجة من غير الريحان نضال: هههه واخا، انا باغي نشوف هاد الحلوى ،وهادا اللي جابها و اللي صايبها واللي عطى منها لمروى كلاتها و الكامرات ديال الجردة كاملين نشوفهم بعيني وفين ما حطات مروى رجليها ومعامن وقفات وفين جلسات و فين مشات وفين جات صابر: ففففف ناري يا صحبي واش خاصك تجبد المشكل واخا ماكينش. نضال: (كاعي) صابر غييرها هاد الساعة، انا عارف اش كانقول. صابر:صافي اصاحبي ها حنا غنجبدو هاد الحزاق كامل باش نتهناو (كيعيط فالتيلي) عارفك مايديكش النعاس هاد الليلة تا تعرف شنو كاين. بقا نضال واقف وحل عاوتاني داك الملف وصابر خرج وهوا بقا كيقرى ويعاود و كيضورها فعلقو نضال: هه الريحان .. -من بعد ما تفرق كلشي هبطات جوليا لتحت لطواليطات و وقفات حدا المرايا دايرا يديها تحت الماء كيبردو وتبعاتها صوفيا دخلات وسدات الباب ديال الطواليطات صوفيا: متأكدة ماشافك حد؟ جوليا:(بغضب) بغيت نعرف شنو مشا ليك نتي ، وعلاش هادشي كامل؟ صوفيا: ماشي شغلك ، نتي نفدي وسكتي جوليا: نفدت داكشي اللي قلتي ليا ؛ ويلا حصلت غنجرك معايا سمعتي؛ ودابا عطيني التسجيل ديالي. صوفيا: ههه لا احبيبة، ماغانعطيك الو،وخا نفدتي ما وصلتش لداكشي للي بغيت وكيما سمعتي الطبيب قال بللي عيا والجنين مزياني، التسجيل دابا غايبقا عندي ،نقدر نحتاجك فشي حاجة اخرى هههه كيما كتعرفي نتي حتى واحد مايشك فيك ، ماشي بحالي اي حاجة وقعات غاتقوليهم مروى انا سبابها. جوليا: هادشي كااامل غندمك عليه سمعتي. صوفيا:هههه جربي وتشوفي ههههه كنشوف وجه صابر مللي يسمع التسجيل شنو بدير معاك هههه جوليا: هاهاها ابنتي القاضية وصلات لراس الحربة لكبير مابقاتش دابا غير فصابر ، حنا ماعرفينش اشنو يقدر يدير مللي يعيق بينا حنى سباب تا كانت مروى غاتجهض. صوفيا: نمووووت ونعرف فاش خدام جوليا: بغيتي تعرفي نتي فاش هاداك شغلك ، انا ماشي شغلي ماباغا نعرف والو باغا نتهنى فحياتي وصافي، مافهمتش لاياش باغا ت صلي وعلاش بغتي تنزلي ليها البيبي وشنو هدافك .....ولاكن انا اللي حمارة تابعاك ، اما كن خليتك تعطي التسيجيل لصابر كاع ما كنت غنتورط فهاد المعماعة معاك صوفيا: ههههههه باش المرة جايا تحضي راسك و حضي حوايجك راه الفيلا كلها مراقبة وزايدون ماتخافي من والو ماحدك كتنفدي داكشي اللي كنطلب ماعمرني نعطي التسجيل، (بغات تخرج)اااه وحاجة اخرى، ماتهضريش معايا و ماتشوفيش فيا ، ويلا لغيتي تقولي شي حاجة اجي لطواليط وانا غنتبعك... يالاه باي
__________
هانا البنات راه واخا كانتعطل راني ماكانساكومش 😊😊😊