حبيبي مافيوزي الجزء التاني

85

راه غنفرع موك نتا😡...ديها فراسك.. كراميل: وا سكتيني خليني نتسط لعضامي ولا نوضي خرجي عليا من هنا ... تفووو ... ماتسكت ما تخلي للي يسكت .. انا: 😢😢 انا عارفا راسي تا واحد ما بقا حاملني ..اهىءاهىءاهىء... (بقا فيا الحال بصح ونضت خرجت من تما غادا لبيتي) كراميل: اويلي مالها !!! دغيا ناضت كتبكي.. (تقلب على هادوك اللي كيديرو لمساج) بسيييف ما تنوض ونتوما يديكم بحال المحرات تففوووو... يخخ على بشار اشهاد الحالة و عاد الزيوت و الزمر وهاد الريحة ..😠 (ناض كيشتف) سيرو رطبو دوك ليدين عاد اجيو بوكرو لينا .. هاهيا دابا حبيبتي مسيكينة مشات كتبكي ههننهن.. بسباابكم نتوما والمساج المزعطر اللي كاديرو ...: ولاكن راه حنا يلاه جبنا كلشي جديد و.. كراميل:(كيشيير بيدو) فييين كاين هادشي اللي جديييد فيين ... كن ماكانش الجو زوين ويديكم رطبين ماغادياش تنوض هيا مقلقة .. الله يخليها سلعة ..اففف...(كيقلب فجنابو) فين ساكي.. فين صندالتي ؟؟ اراو ليا حوايجي ... وجووه الوييل ... (غوت) سربيي اري داك الزمر (الصاك) لهنا ... (كيخشي رجلو فالصندالة بالزعفة) اففف ضاروري انا خاصني نتعصب ؟؟ واش ايلا ماعصبونيش مايرتاحوش.. (كيلبس بالزبة) غييير بشوية عليا راه جلدي حساس ماشي بحالك (كيطلع و يهبط فيها) جلدك بحال تيمساح... صافي طلقو مني.. مشا هاز ساكو فيدو وكيسب ويتكسول زربان تابع مروى. -مشيت لبيتي الجديد و سديت عليا وتلاحيت فوق الناموسية كنبكي تا سمعت الدقان فالباب ... انا:😄 نضال هادا ... باينة هوا .. كنت عارفاه ميخلينيش بوحدي... نضت كنطير حليت الباب وانا لقى كراميل.. انا:😰 اهااااهىءهىءهىء .... (خاب أملي) كراميل:😯�اوووه سمحي احبي ماسحابليش غتقلقي تا لهاد الدرجة ... انا:(عنقتو)اهااااهىءهىءهىء..😭😭 كن غير بقيت فاقدة الذاكرة حسن ... كن غير مابقيت عاقلة على والو... كراميل: صافي غير نزوة و غادووووز هههننهنهههن... ماديريش فراسك هاد الحالة... (معنقني ) انا: نضال ماجاش عندي وماسولش فيا من الصبااح اهىءاهىء كراميل: واراك نتي قلتي ليه حمار وحيوان ...حشومة ... ماكانش خاصك تقولي ديك الهضرة وهوا على ودك دار شحال من حاجة ...افف اجي نعسي شوية راك غتموتي ايلا بقيتي هاكا... مشيت تكيت فوق الناموسية كندمع و كل شوية كنقول هاهوا غيجي وماجاش فاللخر نعست وكراميل حدايا كيعاود ليا شنو طرا من اللول تا داني النعاس... -فقت فنصايص ديال الليل كنموت بالجوع و كنت النهار كامل ماكليت شي حاجة وجرجت للكوزينة كنقلب فالتلاجة تاجبدت كاع داكشي اللي فيها وجلست .. هادي تنفع هادي ضر هادي تنفع هادي ضر تا شبعت وهزيت طبسيل فيه كاو كاو واللوز والكركاع وبيسطاش الى اخ ..ديتو لبيتي وربعت فوق الناموسية و حطيتو قدامي وجلست نتفرج فالتلفازة و نبكي وناكل تا نعست... وفالصباح فقت على يد كتلعب ليا فشعري ...حليت عيني وانا نفرح... حليت عيني فرحت.. صابر : بونجوووور هههه .. انا: (طرت عليه عنقتو) صابر توحشتك 😢😢😢 اهىء اهىء ... صابر: اوووه ههه عاقلة عليااا ههههه .هانا جيت حتى لعندك .. (معنقاه) انا: سمح ليا اصابر بزاااف 😭 صابر :هههه حمقة نتي والله... علاياش غنسمح ليك ..اممم ههه انا: على كلشي 😢 صابر: صافي ههه رجعات مروى الحميمقة عاوتاني... والبكاية هههه انا: ههه (كنمسح عيني) فين جوليا؟؟ ...ماجاتش معاك؟ صابر: لا ماجاتش حيت خوها جا عندها وشحال هادي ماشافتو.. وقلت ليها تبقى معاه تا نرجع. انا: توحشت ماما وبابا اصابر .. و رانيا والميمة وكلشي... صابر: حتى هما توحشوك ههه اححم بغيتي تشوفيهم؟ انا: (الفرحة) اه ماكرهتش 😍 صابر: يالاه نوضي لبسي حوايجك باش نديك تشوفيهم... انا: واخا ... هي اللولة... تسناني هنا ماتمشيش نضت كنجري لدوش دوشت وطلقت شعري ولبست سروال زرق وبودي ابيض وخرجت عند صابر كان جالس فوق ناموسيتي... انا: يالاه هانا واجدة... غنجمع حوايجي بزربة (مشيت حليت لبلاكار) صابر:(ناض عندي) ههه لالا هه بلاش غير خلي حوايجك واجي معايا.. جرني من يدي وانا لابسة غير بانطوفة فرجلي وخرجني وكيشوف فيا وكيضحك وانا غير كنشوف فيه وغادا معاه تا دخلني وسط الصالة كبيرة وانا نغوت ....كانت جالسة ماما وبابا ورانيا و الميمة ومعاهم كراميل و عهد او وعد ونضال تاهوا كان جالس شافني وقلب عينيه ببرودة و ضور وجهو وديك الشوفة اللي دار فيا ختارقات صدري و دبحاتني.تا جات عندي ماما عنقاتني وبديت كنبكي وحتى هيا كتبكي مي انا ماكانبكيش على الراسي كنبكي على نضال وملي فرشوني الدموع لقيت راسي فحضن ماما و بابا كنعنق فيهم واحد واحد كاملين وجلست وسط منهم وهما فرحانين وانا عيني غير فنضال وهوا مكيشوفش كاع جالس لابس سبور كالعادة وكيهضر مع بابا و هما كيهضرو معايا وانا مرفووووعة مكنسمع والو وعيني فنضال و هوا عاقد حجبانو وماشافش فيا بحال الى مكيناش