حبيبي مافيوزي الجزء التاني

88

الصمممت (مصدومة و عيني كيبكيو) رانيا: ففف.. ماتديش عليه راكي عارفاه كيداير.. غيضور تا يعيا و يجي يقول ليك سمحي ليا.. انا: لا بصح عندو الحق...😢 شكون غيبغي يجلس معايا انا فهاد الجو المريض و العقد اللي فيا ، الناس كتقلب على الضحك و النشاط ماشي على الهموم و النكد ...اهىءاهىءاهىء..(تكيت على الناموسية) رانيا:اووه😣 امروى حتا نتي كديري من الحبة قبة ... تكيت كندمع ورانيا عند راسي كتهضر معايا تا نعست. رانيا: ماستاهليش هادشي اللي كيوقع ليك ففف (تنهدت) نمشي نشوف انا فين وصلات الميمة مع الدجاج بالدغميرة ... خرجت من البيت د مروى و خليتها ناعسة و كتنخصص فالنعاس وانا نلقى نضال و صابر داخلين ... رانيا: جيتو ههه ليوم تغداو بالدجاج والدغميرة ههه نضال: شنو ؟؟؟ صابر : الميمة اللي مطيبة الغدا هههه باينة رانيا: الدجاج انضال هههه راك ديجا كليتيه غتشوفو غتعقل عليه.. الميمة:(جاية كتكسول بالكارية و الميني حتى للركبة و القميجة بيضاء و الصبيبيط دوني طالون) يالاه التغداو راه الغدا واجد.. يالاه يالاه سربيو... (كضور فعينيها) فين مروى؟؟ نضال: بالصحة ... (تم غادي) الميمة: شنوو؟؟ هه كيفاش بالصحة ... زيد قدامي قالك بالصحة نضال:مافيا ماياكل الميمة غير خليني عليك صابر: وا لااا .. واتخللي هاد الزين كااامل واقف فالكوزينة من الصباح (كيتحرش بالميمة) وفاللخر تقوليها بالصحة!!! الميمة:(تيقات راسها) ايوا هانتا كاتشوف ... انا من الصباح وانا فديك الكوزينة كنطيب بالشهوة ودوك الخدامات حمقوني حتى الكوكوت ماعندهم. رانيا: هههههه فين عارفين هما شي كوكوت الميمة راه ماعارفينكش علاش كتهضرب ههه نضال: اااففف (تنهد) واخا ... يالاه نشوفو هادشي اللي موجدة يالاللة ... -تجمعو كاملين على السفرة طوييلة والطواجن مغربية والدجاج محمر و الخدم واقفين عليهم كيتسخرو... جهان: فين مروى... رانيا: ناعسة. صابر: وا عاد فاقت ؟؟ عاوتاني رجعات نعسات نضال معبس و ساهي وكيسمع تا جراتو وعد من سروال مادة يديها كتقوليه هزني.هزها وجلسها على رجلو وعهد جالس عند صابر شاد معلقة كيلعب بيها عاقيل: ايوا هي متغداش؟؟؟ مافطرات ما كلات والو من الصباح؟ الميمة:راني مشيت عندها و عييت فيها مابغاتش ، خليوها تا تفيق و ندي ليها لغدا لبيتها... نضال: ففففف (تناهد) .. (غادي تحمقني هادي ..) صابر: اححم ههه مافيها باس خليوها على خاطرها ... راه دابا عيانة ويالاه رجعات ليها الداكرة ... حسن ترتاح ... كراميل: (انا السبب هههننههن) غانمشي عندها حتى نتغدى انا وياها...بالصحة.. -انا كنت ناعسة و ماناعساش .. فشلانة و مافيا اللي يجلس ومرة كنغيب تا كنعس ومرة كنحل عيني و نبقى ساهية تا سمعت اباب تحل و تسد و هوا يجي كراميل كيهرنن كراميل: ميمي .... اهىء اهىء ...مييي ميي سمحي ليا راه غير كنت معصب قبيلة داكشي علاش قلت ليك هاكاك انا:الصمت (ماضرتش كاع جيهتو وخاشية وجهي بين يدي ومشبحة على كرشي بالشورط و الديباردور طالع لفوق ) عيا يرغبني و يبكي عليا وما جاوبتوش كاع هوا يتجبد حدايا فوق الناموسية و كيلعب ليا فشعري وبقينا هاكاك تا دخلات لميمة سمعتها كتهضر الميمة:(معاها خدامة) حطي داك البلاطو فوق الطبلة.. (جات عندي) مروى ... نوضي ابنتي تغداي