بقيت مكمشة خايفة منو وهوا معنقني وعتارفت ليه بللي فاقدة الداكرة ومفهمتش علاش تصرف هاكا ؟ فشكل داير!! غريب الاطوار؟ خايب وزوين فنفس الوقت ،....ولا يمكن انا اللي تسطيت ؟ نضال:(فودني) سمحي ليا ...انا تسرعت و زعفت عليك ... دابا ترجعي ذاكرتك احياتي (قبل فعنقي) بقيت ساكتة دايرا ليه خاطرو وكنساوي معاه حسن مايقتلني ...وانا كنموت بالخوف منو و حتى الراحة طارت خفت على راسي منو !! بان ليا يمكن مريض فعقلو وفاءي لحضة يصفيها ليا... انا: و وو واخا نمشي لطواليط؟ ناض عليا وكيشوف فيا بلامح معبسة وطبع قبلة على فمي وانا كنشوف وخايفة .. نضال: يالاه ...سيري. بقيت غير مخرجة فيه عيني والخوف قتلني كنقول يا ربي غير فوقاش نخوي من قدامو ،بديت نتفتف تا جريت لبينوار لبستو وكنترعد و نضت كنشوف فيه بنص عين ..غير نضت من حداه طاح على كرشو وخشا وجهو فالمخدة .سلت لطواليط سديت عليا و فشيت قلبي فالبكا و كنتنفس بسرعة تا رتاحيت شوية ،جيت ندير بيبي وانا لقى الدم هبطات ليا وماشي وقتها،وبالخلعة نزلات ...حليت الرشاشة ودخلت تحت منها كنغسل و كنترعد بالخلعة تا ساليت و درت فوطة على شعري ولبست بينوار وخرجت كنقلب فالبلاكارات على شي حاجة نديرها مالقيت والو ! غير الفوطات مستفين و البينوارات ! مابانت ليا غير واحد الفوطة صغيرة طويتها وهزيت سليب من المجر لبستو ودرتها وجلست على واحد الفوطي فالدوش ماقدرتش نخرج لعندو والخلعة قاتلاني باغا نهرب وماعرفتش كي ندير!! بقيت تما شحااال ..شويا كنسمعو كيدق عليا.. نضال: ايميلي..! صافاا!!... (دقان ) اييميليي.. تزاد معايا الزايد مالي سمعتو و بديت كنترعد فبلاصتي ... انا: (كنتفتف) ها هانا خارجة... نضال: (متكي بجبهتو على الباب(.تنهد) افففف غير حللي راني عارف راسي قودتها معاك) اوك ...هانا كنتسناك... اويلي شبغا عندي هادا عاوتاني هههننهنهن . بقيت جالسة ماخرجتش تارجع كيدق عليا عاوتاني وانا نوض كنجري حلليت لقيتو واقف متكي على يدو حابس الباب ولابس الشورط ومكشر فوجهو وكيشوف فيا ...وانا الخوف منو طغى عليا... نضال: بالصحة (كيضحك بزز) انا: ل ل ا..لله ي ي يعطيك الصحة! (كنترعد) قربني عندو وباسني من جبهتي مافهمتش مالو بغا يسطيني !! مرة ضريف ومرة بحال الوحش؟!!! مي مابقيتش مرتاحة ،صافي والليت كنحس بالخوف من جيهتو ! وغير تالفة ماعارفة ماندير وكنترعد كنطلب لله يفكني بعضامي صحاح. وانا كنترعد تحنى هزني بين يديه و عيني خارجين ماقدرتش نهضر وغير كنساوي معاه لمصلاحتي باش متوقعش ليا شي حاجة، هزني حطني فوق الناموسية بالبينوار والفوطة فراسي و كنبرقق فعيني ...حطني وتكى حدايا ودار يدو مور ضهري
نضال عارفها مخلوعة و خايفة منو وكيحاول يصلح داكشي اللي شافت منو وكيشوف فيها مي مكيهضرش وحاس بيها خافت ومشات سكنات فالدوش ولاكن فكرة ديال ان مروى قاصها شي حد كتخرج ليه العقل و كيفقد السيطرة وكيتسطى ما كيبقاش متحكم فراسو ومروى معششة ليه فدماغ شي حاجة اللي مستحيل يصبر عليهاولحب وصل عندو لدرجة الجنون يقيصوه فعينيه و ميقصوش ليه مروى .عمرو بغا شي وحدة ونهار بغا طار ليه الفرخ فمرة... حل واحد المجر حداه و كيتنهد و يعاود وجبد واحد المجلة غير باش يتلفها وينسيها فداكشي اللي شافت .وكيحاول يتصنع الضحكة حيت هوا براسو معجبوش اكشي اللي دار. نضال: هاكي...(عطاني مجلة) ياك كنتي باغا تشوفي الطوموبيلات...ايوا نشوفوهم بجوج... -عنقني بيدو مور ضهري حط ليا لمجلة على فخادي وانا مكمشة حداه و وبدا كيقلب فالصفحات و انا كنشوف و ساكتة ... نضال: ايوا يلااه...ها المجلة علاش مصدعاني ...(ابتسامة) قلبي نشوفو واش كتفهمي فطوموبيلات ولا لا؟ شديتها وبقيت مصدومة فيها وكنقلب الوراق وعيني فيها وكنترعد . ماقدرتش نقوليه تا كلمة . نضال: (شد ليا يدي اللي كترعد) ماتخافيش...انا مغندير ليك والو (باسها) عارف راسي خلعتك ،انا ماكنتش قاصد نخلعك ولاكن لاسبابي الخاصة درت ديك ردة الفعل بحال هاكاك ...(كيشوف ليا فعيني) مابغيتكش تخافي مني ...وماعندكش علاش تخافي ... انا:الصمممت مافاهمة والو.. نضال: (حط يدو على حنكي) عرفتك دابا فاقدة الذاكرة ومغنسولكش علاش وكيفاش ...وداك الكلب ديال دانييل ما عمرك تعاودي تشوفيه ، وشوية بشوية غترجع ليك الداكرة وغتعرفيني علاش كنهضر.. غرغرو عيني وبديت كنبكي فصمت و نتنخصص نضال: ششششوو (كيمسح ليا دموعي) ماتبكيش القطيطة ديالي (تكا ليا راسي على سدرو) وماتخافيش ونتي معايا ، مايقدر حتى واحد ياءاديك و لا يقرب ليك..(باس ليا راسي) حطيت راسي عندو والدنيا دايرة بيا ومشاعر تخلطات عليا ،حسيت براسي كنبغيه و فنفس الوقت خايفة منو و مافاهمة والو ومغنسولش حيت اصلا الذاكرة للي غتفهم ماكايناش ،عارفة راسي فدوامة و شحال خايب هاد الاحساس ماتعرف راسك من رجليك وكتبقى تابع غير داكشي باش كتحس و صافي.. نضال: (مع ضحيكة) يالاه ورينا شطارتك ...شوفي واش تفرقي بين طوموبيلان او واش تعقلي على انواعهم.؟ شفت فالمجلة مضهشرة مخلطين عليا الاحاسيس حتى سكتوني وليت غير كنشوف بعيني وهوا كيقلب ليا الصفحات. بان ليا غير الحديد الوااااعر ،ماعرفتش واش هادشي فالخيال ولا بصح كاين فالواقع؟ نضال: (كنعرفك كتموتي على الفراري هه ، واجي دابا نشوفو واش تعرفيها ولا لا) شنو سميت هادي؟ انا:(كنشوووف فيها ونحقق) ماعرفت؟ (مغطي ليا لكتابة بيدو باش منعرفش سمية) نضال: حاولي تفكري سميتها بلا متقراي . بقيت غا كنشوف فالمجلة ونشوف فيه هوا بنص عين! كيخلعني...خايفة يتسيف عليا فشي دقيقة. نضال: مابقيتي عارفة تا سمية د شي وحدة؟ ____ماعليش ..فين اللي عجباتك دابا؟ بقيت كنقلب ونشقلب بان ليا هادشي خيالي! انا: هادي ! (حطيت عليها صبعي وشفت فيه) نضال: (مع ضحيكة) عجباتك هادي؟ (كيشوف فيها) مي هادي ماشي فيراري.. انا: وشنو الفرق؟ نضال: الفرق هوا ان هادي مافيهاش لا علاقة ومافيهاش خاصيات كتار بحال(كيهرني بيدو للي معنقاني) داكشي للي كاين فالفيراري...وانا كنضن فيراري غتعجبك حسن . انا:(معجبة) واصلا تعجبني ولا متعجبنيش كتبقا غير فتصاور! نضال: هههه ونتي مالك ! ..انا قلت ليك شوفي اللي عجباتك ! بغيت نعرف دوقك كي داير. انا: اوك (شقلبت ديك المجلة وهيا تبان ايا وحدة) هادي زوينة... نضال: امم (كيشوف فيها) وي زوينة...هاهما الالوان ديالها...(كيوريني) شوفي هاد اللون د هيلو كيتي بحالك هههه غتجي حسن. انا: اه غتجي حسن (لحت ديك المجلة) وانا مالي علاش كتوريها ليا...(جمعت يدي عندي مغوبشة) -نضال دغيا دوخ مروى و نسات الخوف مي عارفها على سبة كتغضب دغيا وتنسى دغيا ،ماكتشدش فقلبها خصوصا معاه هوا ودايها على قد عقلها ،واخا فاقدة الذاكرة مي احساسها بالحب اتجاهو تولد من جديد قبل مايفيق عليها الحب القديم.وهوا نهار على نهار كيزيد يبغيها كتر وكتر وكيعرف كيفاش يسايسها و ينسيها ... نضال: علاش لحتيها!! ههه انا: الصمممت (جالس يفقص فيا هادي زوينة هادي خايبة ،خرى ..و انا مالي ...غنشريها؟ جلسنا النهار كامل انا وياه الراس فراس كنهضرو تا ضلام الحال،..نسيت الجوع و نسيت كلشي وحتى واحد ما دق علينا و لا سول فينا ... نضال: انا داخل للدوش...واهربي عاوتاني !...نخرج نلقاك لابسة حوايجك ...غتمشي معايا لواحد البلاصة.(مع غميزة)
أنت تقرأ
حبيبي مافيوزي الجزء التاني
حركة (أكشن)هدا الجزء التاني ديال قصة حبيبي مافيوزي للكاتبة غزال تروست
