حبيبي مافيوزي الجزء التاني

143

خرج صابر من البيت بعد ما خلا نضال شاد داك الملف وكيضور بيه فالفبيت ومشا كلف اللي يجيب ليه كاع داكشي للي طلب نضال وبغا يشوف بعينيه. خرج نضال و الملف ملوي فيديه و مشا نيشان للبيرو ديالو ، شافوه الرجال اللي واقفين فالباب جاي وحللو ليه الباب دخل وسدوه موراه وبقاو برا ، دخل تلاح فوق واحد الكرسي كايضور والملف فيدو كل شوية يحللو ويبدا يقرى شنو فيه و كيحقق فيه ويفكر حتى دخل عندو صابر ومعاه 3 درجال ... صابر: ها الحلوى د الريحان (هازها واحد) وها اللي صايبها (هضر مع التاني مسؤولين على الكامرات) طلقنا دغيا نشوفو لانيف من اللول حتى اللخر . تحط الطبسيل د الحلوى قدامو وهوا جالس كايشوف فيه وقبل ما يدخل اللي صايب الحلوى قاليه صابر الى سولك جاوب على قد السؤال وسكت بلا ماتزيد الهضرة . جلس صابر حدا نضال على واحد الكرسي اخر و الحلوى قدامهم د الريحان ، جر نضال الطبسيل عندو وجلس كيشوووف فيه نضال: هادي الحلوى دالريحان؟ (كيخزر) ....: اه هيا هادي نعام اسيدي. نضال: (كيشوف فيه) شكون طلب منك تصايبها؟ ....: القاءمة د الحلويات اللي وصلاتني فيها مجموع من الانواع د الحلوى ، انا نعام اسيدي شفت غير القاءمة د الحلويات وصافي. نضال: اممم ... وهاد الحلوى مولفين تصايبوها ولا اول مرة؟ ....: ديما كنصايبوها ، وحتى ف اعياد الميلاد (هز نضال طرف و داق منو ) صابر: صافي ممكن تمشي.(خرج) نضال: احححم (كيحرك راسو) ارا نشوفو هاد لانيف المشؤوم. بداو كيعاودو قدامو السينتة وهوا جالس كيتفرج من البداية فاش خرجات معاه تا هزها بدماياتها صابر: هانتا شفتي اصاحبي ، جلسات عند الحلوى كضرب فيها تا خرجات ليها من الودنين! فرطات فيها بزاف تا دارت ليها داكشي نضال: (كيفكر) واخا..كلشي مزيان وحتى واحد مادار ليها شي حاجة ياك؟ ايوا يجيني دااااابا اللي كتب القاءمة د الحلوى . صابر:(مشكييييلة هادي معاااه ، غادي يحمقنا) سير جيب لينا هادا اللي دار القاءمة دلحلوى (حرنا فحلوى بفففف) خرج السيد اللي قاليه صابر يجيب اللي مكلف بالقاءمة فالكوزينة. صابر: عمرك ما درتي لونكيط براسك؟ ديما كتخلي اللي مكلفين هما كايديرو لونكيط! نضال: الصمت (ساهي كيخمم) صابر: راه جلسات كضرب فالحلوى بنينة عجباتها تا سخنات ، راه عادي غير حلوى هادي وكيما مكتوب فالتقرير هاد الريحان كيسخن الدم وكان غيخرج عليها، وهانتا شفتي فالفيديو كااامل دوزاتو مع ولادها كتلعب تا هيا مع الكلون وضور ضور وتمشي تسرط فالحلوى د الريحان ، وحتى حنا كلينا منها كاملين ، بعني مافيها والو!!! تفووو النم ، مابانت ليها غير الحلوى د الريحان فوق منها السكر وهي كتوحم على الحلاوة زادت كملات الباهية نضال: اهاااه وعلاش يحطو ليها الحلوى فيها الريحان فوق البوفي ؟؟ عارفينها حاملة وحاطينها؟ صابر: وباش غيعرفو هما كتسخن ولا كتبرد اصاحبي نا نتا الله يهديك. نضال: صابر ...بلاااا ما تحاول تجااار معايا ، اللي كيقد القاءمة د الحلوى واحد قاري ومختص فهادشي ماشي جاي من الطرف ، دونك عااارف مروى حاملة والريحان كيدير الاجهاض وجا هوا وحط حلوى فيها ، هااادشي انا مادخلش ليا هنااا (حاط صبعو على راسو) صابر: ها حنا غنشوفو ، نتا مسوس ، شي نهار تسطى بهاد الوسواس (دخل مول القاءمة د الحلوى وهازها معاه فيدو مرعود) صابر: زيد نتا لهنا...ارى نشوف ديك القاءمة؟ عطاه القاءمة كيشوفها ونضال جالس كيشرب ساخط نضال: قااري على الطبخ ياك؟ (كيهضر و كيعبر بيديه و عينيه) حيت مايمكنش واحد كايكتب قاءمة ديال الحلوى وماعارفش مداق داكشي اللي كيكتب و الخصاءص ديالو 😉 الشخص: طبعا (مخلوع حيت عارف شنو وقع) نضال: دونك عارف الريحان كيدير الاجهاض.. الشخص: عارف نعام اسيدي، (مرعود) وقاري على انواع الاطعمة اللي ماخاصش تاكلها المرأة الحامل صابر: (مصدوووم فيه) نضال: مزياان... عارف هادشي كامل وحطيتي فالقاءمة الحلوى فيها الريحان؟ (كيخزر فيه) صابر: نضاال...واحد الدقيقة!!!!!هاد القاءمة مافيهاش الحلوى د الريحان!!!!!! نضال: (تأكد من الشكوك ديالو) الشخص: انا ماحطيتش هاد الحلوى بين الحلويات د لانيف ابد ( وجهو صفر) نضال: (عينيه غير كايدورو و عقلو خدام) صابر: وكيفاش وصلات القاءمة د الحلوى عند اللي كيصايبها وفيها الحلوى د الريحان؟؟؟؟ نضال: هه (بقا ساكت شاد الكاس فيدو وميزيير عليه تا تفركع ليه) صابر: (عندو الحق كاينة شي تخرويضة فهادشي) نضال بلا ماتعصب ، حنا غادي نفهمو كلشي!! (بفففف ..بقى كيجر يجر تا جبد راس الخيط