حبيبي مافيوزي الجزء التاني

111

خرجت كندور فعيني يمين يسار كنشوف لا نخرج فيه واخا شحال قدي نهرب غادي يشوفني يشوفني اهىءاهىء..خرجنا لباركين ديال الطوموبيلات للي فالجردة د لفيلا و وهوا يجي كراميل كيتكسول ويمضغ فالمسكة مفركس مءينتك وموراه جاي صابر ناشط ماشط لابس سروال رمادي مع شوميز بلو مارين و صباط بلو مارين وروايح ياسلاااام صابر:اووووه شهاد الزين ؟؟ منورين الغزالات (شافيا) سينيييورا (حللي باب الطونوبيل) مرحبا... انا:ههه شكرا(طلعت جلست كنتسناه يطلع حدايا! صابر:baby (مع غميزة حل لكارلا الباب فطونوبيل للي حدانا) تفضلي .. بقيت كنشوف فيه حل ليها الباب وركب حداها ..جيت نزل عرفت راسي جالسة فطونوبيلت نضال وبلا حشمة بلا حيا سابقاه انا اللولة غيقول هادي مابقاتش كتحشم.مع بغيت نحل الباب وانا نسمع..."حزاقة" مع ضحكة تقيلة عرفتو شكون! ضرت انالقى نضال جالس حدايا كيضيماري الفيراري شفتو بقيت كنسرط فالريق وكنعرق وهوا مازال ماشاف فيا وكيضحك كيزيد يوثرني نضال: ههههه سدي الباب الحزاقة انا:اصمممت (كنترعد وتزيرت وتقجيت و تخنقت بغيت نموت وماكنشوف جيهتو نهاءيا ابدا ومضورة وجهي وكراميل كيمضغ المسكة و يطرطقها مورايا زاد ستريساني و عصبني و نضال سايق كيشوف قدامو وكيفرنس ،ضبرت تا عييت وانا نصعر على كراميل. انا: كراااميييييل (شادة راسي) جمع ديك المسكة (كنترعد) جمعهااا واا نلسقها ليك فشفاارك .. نضال: هههههههه كراميل:(بتعابير مستغرب ) ويلي !!! مالها هادي؟ هاهيا اختي لمسكة بناقص كاع غير ماتموتيش تفو. داخلة ليا تا بين سناني يخ على جنس انا: (بثوتر كبير والسهدة طالعة معايا وكنشوف لقدام مكنضورش وجهي) سكت ما باغاش نسمع صوتك ...كتعصبنييي نضال: هههه(الله يهدي ماخلق) نزلنا حدا واحد ويسطو الستيل ديالو مستوحى م الطبيعة وبما اننا مصيفين فجزيرة فالطبيعة دايرة من كل الجوانب.مهم جلسنا و الزين الصافي جلس مقابل معايا وكيطلع ويهبط فيا وانا ياسلام راكم عارفين باش حاسة وغير كنرمش والبكية شاداني بصح تزيرت حتى بغيت نتفرقع .. صابر: واا ميمي راه معاك كانهضر! انا: شنووو(مضهشرة ، اويلي من الصباح وهما يهضرو وانا مخي ماراعش معايا) صابر: شنو بغيتي تاكلي؟ انا: هاا؟(تفكيري مشتت) بي بي بيتزا! (غا ماجا فبالي) وو عصير بامبلوموس بلا سكر(نفسي فشي حاجة مرة وحامضة ومع الثوتر كنتسنى غير فوقاش نشد داك الكاس د بابلوموس ، كلنا طلبنا ماعادا نضال وصابر اللي حطو ليهم قرعة د شامبانيا وسط واحد سطيلة فيها التلج . شديت داك تاكاس فيدي و كنهرنن من لداخل باغا نطرطق وفين ما ندوزي عيني كيبان ليا نضال كيشوف فيا و يضحك وانا متوترة و كنحك فراسي تا تزيرت ونضت ... صابر: فين غادا؟ انا: لطواليط ً!!! نضال: خودي راحتك هنا علاش معدبا حتى لطواليط ههههه بقيت كنبررررق وزدت ما ضرتش مورايا والبكى والدموع تا دخلت لطواليط ونفاجرت فيها