حبيبي مافيوزي الجزء التاني

151

بقيت كنطل عليه هوا يالاه نزل من عندي تسيف ولا واحد اخر، شوفاتو كيخلعو و غادي كيزعف على رجالو فالجردة تا ركب فالفيراري خلا عير العجاحة موراه وتابعينو هما كيجريو بالطونوبيلات موراه ، بقيت متبعة ليه العين تا غبر من الفيلا ، جلست كنفكر غير بوحدي و كنقول، فاش كايكون معايا كايكون واحد ااخر ، وغير كايخرج كيتسيف يحلفو عليه ماعمر الضحك دازت على فمو !!!! كنتعجب انا كيفاش كايكون معايا الراس فالراس و كيفاش كيتحول مللي كايفوت الباب ديال البيت كيولي فحال اول مرة شفتو فيها ، نضرات قاصحين واخا زوينين وتعابير وجهو ماكتخليش بنادم يقرب حداه ، منطاوي على نفسو وغامض حتى واحد مايقدر يعرف شخصيتو كي دايرة نهاءيا، انا قبل مانعرفو ماكانش كيسحاب ليا ضريف واخا ضاسر وباااسل كيعصبني بهضرتو ماكنحملش يخصر معايا الهضرة كيحشمنيي ، مهم بقيت مخشية فالبيت ديالو مالقيت ماندير، اففف كن غير كنت فالبيت اللي انحت بعدا فيه جريدة ، نخرج غير نجاس فيها، هاد االبيت ديالو واخا عندو بالكون كبييير مي الشكل ديالو كيشبه لمولاه ، غامض و وستيلو اسود لامع كيخلعني ، اي واحد دخل ليه غير من الريحة الرجولية اللي فيه و الستيل ديالو الجريء وكل حاجة فبلاصتها غايعرفو مولاه كي داير ، البيت عندو منضبط وماعزيزش عليه الروينة خاصو كل حاجة تكون هيا هاديك ، الانضباط فكلشي، ولاكن فاش كيشدني ماكايبقى لا انضباط لا تا لعبة ...كيولي باسل و مكيحشمش وكي لليل كي نهار ماكاين غير طاق امارش.ماعلينا... جلست تا طبت ودخلو ليا الفطور... وحلسو مايضورو ليا فالبيت كل وحدة اشتو كادير ،لبست بيجامة لينا انني ماغانخرجش من اللبيت ماكاين لاش نزير على راسي بشي لباس اخر يقنطني، فطرت وساليت ودخل عندي كراميل لقاني جالسة . كراميل: غاتبقاي مخشية هنا؟ يالاه نديرو شي مساج لتحت...فين نضال؟ مروى: مشا لروسيا..🙁 كراميل: اممم... عليها مخشية هنا مغولة بحال الجن، نوضي يالاه نهبطو مروى: لالا غير سير، قاليا نجلس عنا تا يرجع. كراميل: ايوا نمشي يا حبيبتي انا نسرح ضلوعي ، (كيفقصني) باااي مروى: (كنعيبو) نننضلوعي...😬 تفووو. مشا وخلاني بقيت جالسة تا ضربات جوج وماجا عندي حتى واحد ، عيطت ليهم فتيلي وحابو ليا ولادي وجلست نلعب انا وياهم وشحااال زوييين تخشع فاللغب مع الدراري الصغار، هههه زوينين ز كيضحكو حيدو عليا القنط