حبيبي مافيوزي الجزء التاني

part37

فقت الصباح كنحل عيني لقيت راسي بوحدي فوق الناموسية غارقة وسط الفراش منفخ ونضال مكاينش. فين مشا هادا؟ شفت فالساعة لقيتها 9h0 دصباح ! فين غيكون مشا؟ باينة مشى خلاني تا نعست ومشا طلع شي وحدة من لابواط و بات معاها فبيتو لاخور؟ ...يمشي يخرى ،المكبوت لاخر اصلا ماشي سوقي انا ،كن موليتش كنبغيه والله مانزيد هنا الضربة. نضت مغوبشة وضربتها بتدويشة وخليت شعري ناشف ولويت عليا فوطة ومشيت طليت من الزاج ، واااو المنضر من هنا كيحمق ..جلست حدى الزاج وكنتاءمل المنضر وكنفكر . فاش غيكون خدام نضال؟ اللي عندو اوتيل بهاد الفخامة غيكون لاباااس عليه! فكرت نعيط لكراميل مي قلت غايكون باقي ناعس ..بقيت جالسة كنمتع عينيا فهاد الصباح الغزال و العلو اللي عاااليه والمنضر اللي كيبان ليا من لتحت ،والشومبر كطل على كاع الجهات .على البحر وعلى لابيسين وعلى البنايات ناطحات السحاب بحالها.فرحت بهاد اليوماين اللي دوزت مع نضال والمشكيلة غتكتاءب حياتي الى تفارقنا، ولفت معاه بزربة ومرتاحة واخا ماشي بزاف باش عرفتو مي ميسحابش ليا مجرد كام ف بيسي غتجمعني معاه بهاد السرعة. جلست نفكر وصورتو فبالي مكتحيدش واخا كيتسيف فأي لحضة و ممفهومش ليا وغاامض بزااف مي انا عاجبني لحال واخا هاكاك وماسخيتش بيه ،يبغيني ولا ميبغينيش مكيهمش المهم راحتي لقيتها هنا واخا نكون نمرة من النماري د البنات اللي كيعرف. بعد السهوة اللي دوزت حدا الزاج نضت لبست حوايجي شورط كحل قصير مع تيشورط كحلة واسعة ونازلة على كتفي و قصيرة وكونفيرس كحلة وطلقت شعري وشفت فالمرايا فرحانة وماناقصني والو واي حاجة حليت عليها فمي كتحضر فلبلاصة واللبسة اللي كنلبس مرة وحدة مكنعاودش نلبسها ،كنلوحها كيحضرو حوايج جداد..خرجت كنتكسول نضرب دورة ونشوف هاد نضال فين مخشي.. -نضال فاق قبل من مروى حيت عندو موعد فقاعة الاجتماعات فنفس الطابق اللي خاص بيه غير هوا بوحدو تا واحد مكيطلع للطابق الاخير من الموضفين اللي ف الاوتيل و غير للضارورة ، كان واحد من المستشارين ديالو دار موعد لناءبة رءيس اسراءيل مع نضال وجات عندو من بعد الادن ديالو ودخلات جلسات فقاعة الاجتماع هي والمستشار تا دخل عندها نضال بقميجة زرقاء طاوي لها لكمام جوج طويات و سروال توب بلو مارين و وصباط كلاص كحل و معبس و وزربان ماحاملش هاد الاجتماع دخل جر الكرسي بالجهد و جلس فوقو بالزعفة وهيا قدامو الخلعة شاداها و كتبين راسها قوية ولابسة كسوة سيكسي و الصدر مبندر معري وزعرة و وعينين زورق و النمس فسدرها والمستاشار جالس مقابل معاها. نضال: (مخزز وحاجبو طالع) اري شنو عندك وعلاش جايا...مامساليش وماعنديش الوقت .. الناءبة: (اللباقة) انا جيت نيابة على الرئيس كنطلبو المساندة بحالنا بحال جميع الدول للي كتستارد الاسلحة ديالها من عند سيادتكم. نضال: زييدي شنو اخر. النائبة: حنا غادي نخلصو بحالنا بحال جميع الدول وها الاوراق ديال الاتفاقية وقف عليهم الرئيس بنفسو وجبتهوم ليك ... نضال: (كيقلب فالاوراق بالنفخة) ومالو هوا ماجاش برجليه؟ النائبة : عندو اشغال اخرى ..(قاطعها) نضال: امم اشغال اهم من السلاح.!! (كيهضر بالزعفة) سمعي مزيااان...هاد الموضوع سديناه شحاال هادي وانا شحال هادي قلت ومغانعودش نقول مرة اخرى (هز الملف لاحو قدامها) انا مكنعتبرش اصلا اسراءيل كدولة ...والا سميتها دولة كيما كتقولي نتي غنكون كنساندها ديك الساعة فهمتي ودابا غتهزي هادشي ديالك وترجعي منين جيتي وهاد الهضرة سيري وصليها لهداك للي مسيفطك امدام. النائبة: (كتبين القوة) مادموزيل الله يخليك.. نضال: ههه (كيضحك عليها) مادموزييييل(كيطنز عليها ) مزياااان...(كيدور بالكرسي) علاش باقي الرئيس ديالك ماعتارف بللي مزوج بيك!!!(كيخزر فيها) ولا خاف تعرف المدام ديالو و طيرو من كرسي الرئاسة(ضكحة جانبية) نضال كيهضر و هي مصدومة وحتى المستشار ما عرفش منين جاب نضال هاد الخبار النائبة: و..وولاكن ...باش عرفتي..(قطعها) نضال: باش و كيفاش دكشي كيخصني انا و نتي ايلا عودتي جيتي لهنا مرة اخرى راك مغتعاوديش ترجعي لهاديك اللي كتسميها دولة فهمتي_____يالاه....طريق السلامة. -انا بقيت كنضور فالاوتيل فالطابق اللي جالسة فيه حتى دزت حدى واحط الباب كبييير د الزاج بحال المرايا بانت ليا وحدة خارج منو و ليكارد ديالها فالباب تسناوها تا خرجات وتبعوها ،دخلني لفضول وانا ندخل للقاعة كانت كبيييرة ولقيت تما نضال جالس مع واحد لابس كوستيم وكيزعف ،بغيت نرجع مع الباب هوا يعيط ليا. نضال: اجي اهنا...