حبيبي مافيوزي الجزء التاني

part50

نضال كًاد الجلسة وبقى كيشوف فيها وصابر كيخزر فيها وانا مافهمت والو وعلاياش كلشي تلون؟ فديك اللحضة وقف صابر و شد لمريم فيدها وجرها كتزطم فحوايجها و بقينا حنا جالسين مخرجين عينين فالوقفة والزعفة اللي جر بها صابر مريم ،بقيت كنشوف فجوليا وهي كتشوف فيا وضرت شفت فكراميل لقيتو صفر مخبي وجهو بواحد الفرفارة فيدو كينش بيها على راسو مرة مرة بروطوكول ،شفت فنضال بان ليا متكي على ركابيه وعاقد حجبانو بحال الى كيفكر فشي حاجة ،شوية شاف فيا وكيدوزو لسانو على شفايفو بعصبية وقالي.. نضال: يالاه ترتاحي احبيبة راكي عيانة... ناض و شد ليا فيدي و داني معاه و هوا مقلق ماعرفتش مالو حتى صونا ليه تيلي فالجيب و جبدو كيهضر و هوا غادي معايا وزاد صعر مللي هضر فالتيلي مافهمت تا كلمة من داكشي للي قال تا دخلنا للبيت و قالي... نضال: (ابتسامة بزز) انا غنخليك دابا خاصني نمشي لباريس ضاروري ..وماتخافي من حتى حاجة و غتبقاي هنا حتا نرجع 2 جور وغنرجع ...اوك حبيبة انا تخلعت وحسيت براسي بحال الى غنتعرى و الغطى اللي مغطيني غيتحيد عليا الى مشا وخلاني بوحدي وخرجو عيني ولسقت فيه.. انا:(عنقتو) نمشي معاااك بليييييز ماتخلينيش بوحدي بلييييييز نضال: ماغاتبقايش بوحدك احبيبة راه معاك صابر و غيحضيك و حتى ماتقيسك غير جلسني هنا (طبع قبلة على فمي) مغنخليكش اكبييدة ماتخافيش يوماين وغنرجع عندك انا:(الحزن على وجهي) ديني معاك ...انا حاسة شي حاجة كاينة و مابغيتش نسولك وما شي شغلي وماشي من حقي نسول...ولاكن غير ماتخلينيش بوحدي (جاتني البكية) نضال: (بقات فيه) اففف اوك حبيبة غادي نقوليك علاش غنمشي مي واعديني متقلقيش و متفهمينيش غلط اوك خلعني و خفت نسمع شي حاجة ماشي هي هاديك و لا يقول ليا شي حاجة اللي دمرني و انا منقدرش نبقى بلا بيه ولا نتفارق معاه و ترددت كانقول واش نخليه يقولي ولا نسكت حسن منعرفش ونبقى هاكا فهاد السعادة اللي انا فيها معاه وفنفس الوقت غتبقى هضرتو فبالي و الفضول قاتلني و خاصني نعرف علاش غادي.شفت تا عييت ... انا: نضال الى كانت هاد الحاجة غتفارقنا بلاش ماتقولهاش ليا (ملامح بريءة) غير خلينا هاكا وانا غنتسناك تا ترجع ماعندي ماندير نضال: (صدمتيني بهضرتك) واش احبيبة لهاد الدرجة ولليتي كتبغيني؟(ابتسامة) لهاد الدراجة ماباغاش تعرفي باش تبقاي معايا؟ سكت وتزنكت منقدرش نقوليه انا كنبغيك مي هوا فهمها وحدرت راسي وهزو ليا وباسني من جبهتي نضال: حتى انا غنقول ليك اللي كاين و متسرعيش ومتقلقيش اوك.. شفت فيه بخوف خايفة نسمع شي حاجة تسالي معايا وقلبي بدا كيدرب... انا: لا نضال _____ماباغاش نتصدم عافاك ...الى كانت شي حاجة غتبدل ليا حياتي و تمرضني بلاش بليييز نضال:ههه يمكن تبدل ليك حياتك ولاكن مغتمرضكش وطال الزمان ولاقصار غتعرفي... بقا كيتاءمل ملاميحي و كيبوسني و انا مغمضة الاعين كنحس بيه و قلبي كيضرب كنقول واقيلا هادي اخر اللحضات بيني و بينو تا شدني من وجهي بلطف وكيبتاسم و فنفس الوقت كيحاول يخرج الهضرة من فمو...