ضرت بقيت كنشوف مخنزرة و مصدومة ..شكوون هادا؟!!! ...فين فايتا شايفااه!!! (رجعت السينتة للور) اااه !!!!!!هادا اللي شاطيت معاه ودرت ليه لاكام!!!!!وهوا جاي جيهتي و انا حالاة فمي مفهمتش اش كندير هنا وهادا اش لاقاني بيه ...وشنو اللي واقع.____قرب مني و كيبتاسم وانا مخنزرة قلبي بغا يسكت..ضورت عيني بانت ليا شينويا هازة ماطيريالها و خارجة...تزاد معايا الزايد و حناكي حومر بالحمام ومخرجة عيني وهوا واقف قدامي كيطلع و يهبط فيا وكيبتاسم وعينيه كيتساراو عليا وانا ساهيا فيه و فالجمال ديالو والطولة والفورمة وباتسامتو ونضاراتو المثيرة حسيت بقلبي كيضرب بجهد ماعرفتش اشنو وقع ليا حسيت بداتي كترجف وانا كنشوف فيه ،لابس قميجة فبلو مارين وسروال زرق موكاسان ديال دراري فالزرق انييق بزااااف والمكانة فيدو طاوي لكمام وريحتو ...ااااااه على ريحتو !!!! زعزعات ليا مشاعري دقة وحدة ..رجعت خلفة اللور وانا نطيح فوق الناموسية وهزيت رجليا بالبانطوفة تكمشت .وكنغطي طرمتي بالبينوار ..يخخخ قصير!! اش غيغطي ليا تفووو ...ناااري كي كيشوف فيا !!! ياكما بغا يغتاصبني!!! كيفاش تا خرج ليا هادا من البيسي؟!!! واش انا تسطيت ولا بعقلي؟ اش هاد الاحدات !!!!فين انا!!!؟! سكت تا عييت وانا مخنزرة فيه خايفة...
انا: ششش شششكون نتا؟؟؟هاه!(مصدومة)
نضال شاف مروى بحال شي عروسة كتشعل وضوي كيما موالف بيها والوجه البريء والنضرات البريءة اللي فيها والانوثة فحراكاتها وهضرتها وصوتها التلقاءية بلا متصنع ولا تمثل .وقف قدامها وهوا كيشوف فيها و المفاتن ديالها باينين والبينوار واسع على صدرها كيبان واقف و نص لي سوتيان باينين جاها الاسود اتيري بزاااف مع شعرها كحل وزاد طوال ورطب بقا غير حال فمو وكيبتاسم تا سولاتو شكون هوا عاد فاق وتبت راسو
نضال: اححم (جمع الضحكة) ماتخافيش ..انا غير جيت نشوف كي بقيتي و غنخرج...
انا: و ووشكون جابني لهنا؟!!ها!!
نضال: انا جبتك ...(كيحاول يتمالك راسو)
انا: وعلاش خطفتيني؟!!!(حزنو تعابير وجهي) انا مادرت والو والله ...علاش خطفتوني ؟؟' شنو بغيتو؟!!!(عاضة ضفاري ومكمشة) نضال:(وييينو على الخوافة ديالي ،اححح توحشتك كي غندير نصبر يا ربي ونتي كتسالي معايا ،اففف ...الله يصبرني ) ماخطفتكش انا غير فكيتك من ديك العصابة و جبتك لهنا(ابتسامة)
انا: هااه؟ ونتا فين لقيتيني؟
نضال:(ااففف كترو فيك الاساءلة) شفتهم فاش خطفوك وتبعتهوم وهربتك منهم.
انا: بصصح (تسرحو تعابير وجهي) شكرا بزاااف ..انا كنت غادي نموت بالخلعة ،ماعرفتش اشنو وقع ...فين داوني؟
نضال: (مشكلة هادي معاك) خطفوووك!! يمكن شافوك غادة بوحدك فهاد الليل داكشي علاش.
انا: لالا ماشي هاكاك(نضال كيصبر راسو وهوا واقف قدامها) انا سمعت واحد هضر فتيليفون و قال بللي لقاوني ؟!! هضر مع شي حد كيقلب عليا.(بديت ندورها فدماغي) يمكن دانييل ..
نضال:(دار راسو ماعارف والو ..تعصب)شكون دانييل؟
انا: لالا والو ...غير كنهضر بوحدي ...(باينة داك الحيوان ديال دانييل سيفط ليا هادوك يشدوني مللي ضربتو لراس)
نضال:(معصب: كتهضري بوحدك !!بااز) ههه ماعليش كتوقع
انا(ابتسامة بزز) تهنيت مللي فكني هادا جابو الله فطريقي ،فيمن درت شي حسنة... وقفات معايا فهادي!!
نضال بقا كيتاءملها من راسها تا لرجليها وبغا يجبد معاها الهضرة ..
نضال: ديجا تعارفنا ..اولا!(مربع يديه)
انا: ااه ..بصح ههه (وقفت عندو) مي كان سوء تفاهم (فرحت مللي تلاقيتو) انا ايميلي(مديت ليه يدي)
نضال: (ايميلي يا الحمارة ..نسيتي كلشي) وانا ...نضال..(تصفحنا) سلم عليا فيدي وكيشوف ليا فعيني حسيت بيديه حنينة وزوينة تنملات ليا يدي وانا كنسلم عليه ..بديت كنجرها وها شادها ...تا سليتها من يدو.
انا: هيهيهي (كنفرنس بزز) شكرا مرة اخرى على المساعدة...
نضال: هادا واجب ..ا ..مدموزيل ولا مدام؟! يخخ على سوءال ...شغانقوليه؟! مجوجة وهاربة؟ اصلا عمرني حسبت راسي مجوجة بدانييل.
انا: لا مادموزيل..(شفت الخاتم فصبعو)
نضال:(الله يمسخك والدة جوج و مدموزيل!!) متشرفين امدموزيل(مد يديه على بينوادي جمع ليا صدري غطاه ..ويييلي على شوهة!؟ شهاد الزعامة؟ بقيت غير مصمرة قدامو حشمني فاش غطا ليا صدري. نضال: هاكا حسن ...(قبل مانشدك ندير فيك شي موصيبة..معرياه عليا ..باغاني نتكرفس عليك
أنت تقرأ
حبيبي مافيوزي الجزء التاني
Actionهدا الجزء التاني ديال قصة حبيبي مافيوزي للكاتبة غزال تروست
