مشيت كنشوف راسي فالمرايا وكنتبوزة ونتصور كنتسنى الوقت اللي نهبط فيه نديفولى ... بقيت جالسة تا دخل عندي كراميل منفخ..
كراميل: شوفي اختي ..انا ليوم كتاب ليا عمر جديد..هاد المرة فاش نكون معاك بلا متوقفي مع شي دري ولا تهضري معاه...
انا: (معجبة) و مااالك جاتك الغيرة منني ولا شنو ...اويلي مال هادا ؟ باقة شادة فيك الهستيرية ولا شنو..!!
كراميل: (كيطلع و يهبط فيها) لا غير انا عندي حساسية من الذكور وصافي ،وخصوصا فاش نكون معاك_____اجي مالكي على هاد البوكلي؟ حيدي خلي شعرك سامبل باش يبان طويل، هادا اللواية اللي درتي قصراتو ليك (كيبركك فيا) وبدلي داك الزواق اللي فضفارك ...زوقي غير صبع ماشي تادوري على الضفار كلملين!!!! بقيت كنشوف فراسي و نتاءكد وانا نبدل داكشي للي كًال ليا....سرحت شعري عادي و صبغو ليا ضفاري بالاكحل و زوقو ليا غير صبع...شفت فالمرايا عجبني راسي كتر ..فالصراحة غادي ينفعني هاد كراميل!
كراميل: ايوا داابا مزيااان! اري نشوف اشنو غتلبسي !!! (هز الكسوة كيشوف فيا) لاا علاااقة ...يخخ على دوق! مشى كيقلب بين الحوايج و جبد ليا كسوة اخرى بالسمطة مدهبة مع ليبا موس...و صباد عاااالي جدا كيعيط ياليل ياعين فالكحل.
كراميل: يالاه ...هانا مشيت ..نوجد راسي و نرجع عندك ...انا راني فالشومبر للي قدامك الى بغيتيني اجي عندي(مشى كيتكسول و يديه كيتحلونو) لبست وساليت وقفت قدام المرايا جيت وااعرة وشفت فالساعة لقيتها12h تفووو هاد الخرى تعطل !! غنهبطو مانلقاو تا بلاصة فين نجلسو تفووو... نضت خرجت كندق عليه ...
انا: غاتخرج ولا نهبط(خرى)
كراميل: صااافي ساليييت...هانا جاي.
بقيت واقفة مبندة كنتسناه يخرج تا خرج عندي بقيت حاللة فمي!!!! لابس سروال حمر كيدي العمر قصير من تحكك وقميجة بيضاء مح بابيون كحلة فيها العقيق وشعرو مسبسب قالبو جنب والضفار فالحمر و الخاتم كبير فصبعو د السبابة كيضوي،هبطت عيني لقيتو لابس صباط كحل منبت بالعقيق كيشعل ،هزيت فيه راسي ضارب مكياج خيالي شكيت فيه واش هوا!!!!!!
انا: (مصدومة) اناااا اللي سميتي كراميل!! اما نتا راك ملكة الجمال!!! شاف فيا وكيتقحبن وزاد قدامي كيتلوى فالهضرة.. كراميل: ايوا شنو دابا !!!! مابقيتيش معطلة؟ بقيت غادة موراه على وحدة ونص كنشوف فيه كيفاش كيتعوج والشيكي قاتلو و البوشيطة فيدو حمرة منبتة بالحجر ..دخلنا الاسانسور وبديت نشوف راسي ونشوفيه هوا !!!وصلنا لتحت وتحل الاسانسور وانا نلقى قدامي مايا صاحبتي للي كانت كدير ليا الترويض!!! بقيت كنشوف فيها وتشوف فيا وكان معاها واحد الراجل باغيين يطلعو فالاسانسور..
مايا: ايييميلي!!!!!!
انا: ماياا!!!!...شنو كديري هنا!!!
مايا: (عنقاتني) توحشتك ..شحال هادي ماتشاوفنا. انا ومايا ولفنا بعضياتنا بزااف وحتى انا توحشتها وكانت ديما معاوناني فالفترة اللي كنت تشللت فيها.جراتني من يدي بيني وبينها.
انا: شكون هادا ؟ شنو جيتي ديري هنا؟
مايا: هادا واحد الفيكتيم ههه اختي لوقت صعابت وانا داك الترويض ماكافينيش ...وهاد خونا خانز فلوس شوفي غير الاوتيل اللي جايبني ليه كي داير، وبغيتيني نفلتو
أنت تقرأ
حبيبي مافيوزي الجزء التاني
حركة (أكشن)هدا الجزء التاني ديال قصة حبيبي مافيوزي للكاتبة غزال تروست
