حبيبي مافيوزي الجزء التاني

part71

كراميل: اييه نديوهوم فير عما غيحمقوونا فالزنقة. انا: وصافي انا نهز واحد و نتا هز واحد ... كراميل: اوك يالاه زيدي و نيت نفطرو برا .. مشينا عندهوم البيت لبسنا لوعد سالوبيط بالشورط ديال الدجين و تيشورط بيضة وكونفيرس بيضة ودرت ليها كًرينات و كانت دايرة حويلقات فودنيها و سنيسلة فعنقها بسميتها و كورميط فيدها و خاتم ههه (انسومبل ديال الدهب) و عهد تا هوا كذالك نفس اللبسة و كاسكيطة كحلة وتا هوا داير انسومبل فالابيض خاتم و كرميط و سنسلة هههه... انا: كراميل شكون مهتم بهاد التفاصيل كااااملة؟ حيت بان ليا نضال ديما مشغول و ممساليش ؟ كراميل: اااه هههه واخا مشغول مكينساش ولادو ...وهوا للي داير ليهم هاد ليزاكسيسوار بيدو ،وانا مشيت جبتهوم ليه تا لعندو . انا: امممم للي شافو ميقولش كيفكر فبحال هاد الامور...ديما صارم و عابس و هضرتو قاسحة مع الناس.. كراميل: ومعاك نتي؟ انا: ف فف ف..مم معايانا انا فشكل !!! كنتصدم فيه! كراميل: ايوا راه هاكاك حتى مع ولادو ، عمرهم شافوه عابس ولا مقلق ديما كيدخل معا داك الباب كييبتاسم واللحضة فاش كيخرج منو كيتسييف. كيولي واحد اخر، فالصراحة هوا براسو مكانش عارف الجانب العاطف اللي فيه حتى ب(ارتابك) بانو ..بانت بانو ليه..ف ف انا: زيييد كمل...حتى بانت مرتو وولادو،ياك كراميل: اااااففف علاش انا كيوقع لي هاكا علاااش (كيهرنن) علاش كنطييح فبحال هاد المواقف ،تفوو ..كنبقى نهضر نهضر نهضر تا كنزبلها...انا شي نهار يطير ليا لسان..هههنههن انا: صافي صافي دابا صافي اصلا (تقرصت) اصلا كانو قبل ما نجي انا،ما كاين لاش نخلق مشاكل راسي من والو..و ..و بيما ان نضال مخليني مع ولادو ..اكيد غيكون مرتاح ليا (كنشوف فكراميل مترددة) اولا لا...ياك حيت انا ضريفة و زوينة (شكار راسو) و ..و ..و كنبغيه داكشي علاش ،ياك؟ كراميل:(مطلع حاجبو) اكييييد هادشي كاين احبي.. انا: احم ...اوك...مزيان. يالاه شنو دابا ! نتحركو؟ كراميل: وي هزي هادك باش تحمليهم قدامك ، انا نهز وحدة ونتي وحدة... انا: كيفاش كيتركب هادشي... كراميل:(عيط على المربيات) يالاه ...سربيو عاونوها تحمل عهد قدامها وانا هزو لياو وعد(هزها) ياااااا حبي على بنووووتة كتحمق و الشعر طويييل مواااااح ...احح شحال كنموت فيكم. هزيناهم و تمينا نازلين ركبنا مع شيفور ومشينا كنضورو ما خلينا تا قنت و اكيد ليكارد كورد مورانا و بخبار نضال خارجين ،مهم تسارينا تا شبعنا و مشينا جلسنا فوتحد الريسطو و حطو لينا الماكلة ... انا:(شادة عهد عندي) اففف ما عجباتنيش هاد الماكلة! جاتني فشكل... كراميل: اصلا نتي فشكل!!! هاد الايام كتر فيك التبوحيط و نكًير بلا قياس.. انا: كرااامييل! بدينا عاوتاني؟؟؟ شنو درت ليك دابا انا شنووو(غرغرو عيني) كراميل:(حزن) اوييييلي حااي جيبو لي شي فلفلة سودانيا حاااارة نحكها لهاد الفم عندي راه ما بغاش يسكت(شاد وعد عندو) اففف صافي سمحيلي ...غير كنهضرو مالكي دغيا بغيتي تبكي... انا: (تمرت) صافي دابا!!!! يهز عليا هادشي و بجيب ليا شي حاجة خرى ... كراميل: اري ليا داك الطبق لهنا ناكلو انا و وعد...(هزو من حدايا حطو حداه و هيا ترفس فيه وعد يدها كاااملة غطساتها تما وهزها لها كراميل كينكًر و مساحتها فيه) لاااااا واش بنت ليك انا جفاااف تمسحي فيا!!! ويلي ويلي مشات انوثتي هاباءا منشورا!!! مشااات 3 دسوايع اللي وقفت كنقيس ونعاااود ههىءهىء (تبعكيك) انا: هههههههههه وصافي عااادي راه ماكتعرفش ونتا حاطو قدامها جاب الله داكشي بارد ماسخونش!! اما كن تحرقات مسيكينة. كراميل: ايه ايه بصح كن حط ليا باها قزيبتي فوق المجمر ديك الساعة ويمشي ليا كلشي هههننهن ...انا بغيت غير نفهم!! مالي كلشي كيتعكس ليا علاش؟ افففف شنو ندير با اهىءاهىء غابقا هاكا !!! لالا غانمش لطونوبيل نبدل ونلبس شي حاجة من داكشي للي شرينا. ونتي شديهم تا نرجع. انا: شناااهواا نشدهم بجوووج!!!!!! لالا ديها معاك ولا جلس تا نرجعو فحالنا. كراميل: لاا مستحييييل نبقى هاكا وهاد الطبعة فيا و كلشي كيضحك عليا!!! باراكا غير حوايجي للي تكمشو ولاو فحال الكرشة نزيد تا هاد شلادة للي حطات عليا بنتك.. انا:(خرجو عيني) شنووو؟؟؟؟ عاو ..عاووود اش قلتي دابا