حبيبي مافيوزي الجزء التاني

110

كراميل: رتاحي نتي بلا ماتعدبي راسك راه راه غنرجعو دغيا غير خودي راحتك الدار دارك يعني بلا مانوصيك راه ولات دارك مللي وليتي تعرفي الكوزينة وطيبي لينا 😜احححم يالاه هلينا ليك الراحة ... باي.(زاد وخلاها كتشوف) صوفيا: خراا تاهادا بقا ليا غير هوا فالحساب، ماقلت نتفك من العوجة ظ مروى زادني تا هادا حقو تفووو😠 ولاكن غير بلاتي كلشي مع الوقت غادي يتقاد وكل حاجة فوقتها زوينة. دخلنا انا ونضال للفيلا بغا يطلعني لفوق وانا نوقفو انا: حوايجي كاملين هبطتهوم لبيت لي هنا (كنعت ليه لبيتي) نضال: امم دونك مازالة غضبانة مني (مع ليبيتيز) انا: اااي ههه 😳(خورني)اااي هههه طلق مني ااي هههه نضال: ههه كضحكييي ههه امممم (كيشدني وانا كنفركل كي دجاجة) انا: لاااا هههه طلق منييي (تززت..حزقت)😳 نضال: ههههههه ههههه علقت كنجري ماضرتش من مورايا وهوا تابعني بعينيه وكيضحك ،دخلت لليت وسديت عليا حشمت تا بديت كنعراااااق ويييلي تفووو قلت ليه طلق مني ماتهرنيش 😖 وااع مالقيت حدامن نطلقها غير حداه، اوييييييلي حداااه!!!! عمرني تخيلتها فحياتي نحزق حداه.. ناري وجهي تزير غيتغركع سخن وحمار غينفاجر 😳ناااري على شوهة وباشمن وجه غنشوف فيه مرة اخرى 😨 اويييلؤ حزقة 😱وااااحزقت حدا نضال اعباد الله شغاندبر دابا 😭 تشوهت ماخليت بول وبلتو ديك المرة فوسط التلاجة ، وماخايت تيقة وتقيت عليه جوج مرات وماكتيقول والو وهاد المرة حزقت كااااع لاااا الا لحزاق هوا اللي منتقبلوووش 😨 صافي دابا بقات ليا غير كاكة راه جاية نوبتها وشي نهار يحل عليا لباب ديال طواليط وانا كالسة كنخرى 😭😭😭😭ههههنننههههنننن.. ويلي وحدي غادي نحماق و المنضر ماكايتحيدش من بالي والحزقة سمعها واخا رقيقة وبقا كيضحك عليا.شنو ندير دابا اهىءاهىء ، انا كنمووت منو بالحشمة غير فاش كيبدا يدير فيا دوك الشوفات كيغرقوني فحوايجي اما دابا حزقة وما ادراك ما حزقااا😱 ما غاديش نفلت من منها وغادي يشبع عليا طنز بااااينة، اوويلي ههههننننهن وعاد قبيلة جبد ليا ريحت العنبر تفوووو على بنادم مي داير و كيلسق فلحاجة كيبغي يمرضني بيها تفووو. جليت ندب بغييت نمووت مارضيتش نحزق والهران كيدير لحزاف وخرجات ليا مع الضحك بلا مانشعر وجاب الله مافيهاش الريحة ام كن شم ريحت العنبر ديال بصح ، لا مستحيييل يشم فيا شب ريحة خايبة ولا يشوف عليا شي حاجة خايبة وانا فعينيه اميرة وغيولي يشوف عليا دابا الحوايج الي كيعيفو اهىءاهىءاهىء..تفووو شنو ندير دابا نخرج ولا نبقى هنا ؟؟؟ لالا فين غنخرج ؟ واش انا عندي لوجه الي يخرج؟ (الدقان) مشيت حليت لباب وكنترعد كنطلب الله مايكونش هوا اللي كيدق و الحمد الله لقيت كلارا هي اللي كدق.. كلارا: وايالاه واش ماغاتخرجيش؟ انا: (مثوترة) افف ماعرفتش (دخلتها وسديت الباب) مابقاتش عندي تاكانة للجروج كااع .. كلارا: وعلاااش .. بلييز يالاه نخرجو ، ماديريش ليا هاكا عافاك انا: صافي خرجو نتوما وخليوني انا كلارا: راه على قبلك خارجين وكن ماكنتيش باغا تخرجي كاع ما يبغي تاصابر يخرج، يالاه عافاك ماضيعيش علينا الخرجة .. شوفي انا عارفاك الوحم اللي كيدير ليك هاكا وكل مرة شنو كيبغي خاطرك، ولاكن بلييز ديري خاطري انا عمرني طلبتك ولا هضرت معاك مني ليك... انا: ههه (بقيت غير كنشوف فيها ، زويونة ودلوعة وباينة شبعانة فشوش تاهيا وكترغبني بقات فيا) افف اوكي مي نركب انا مع صابر ونتي مع نضال. كلارا: وعلاااااش😨 دونك غير نبقاو فالدار حسن انا: مانقدرش نركب حدا نضال والله بلا ماتبززي عليا عافاك كلارا: 😰 اوكي مهم غنخرجو بعدا .. واخا انا كنت باغا نن .. ننن مهم لبسي انا واجدة نتسناك نتي تلبسي. انا: 😓واخا جلسي انا دغيا غانلبس... جلسةت فوق ناموسيتي و لبست انا دجين لاسق زرق طالع لكرشي و بودي ابيض معري وكيبين ليا كرشي وسبرديلة بيضاء طالعة شوية درت مكياج وهزيت ساكي ونضاضري وخرجت كنضور فعيني ووجهي مزنك كنتغكر لحزقة مرضاتني والله اخيب حاجة تحزقي حدا شي حد كتبغيه و زوين و طبعو راقي تفوو عليا تفوو