جاب لينا النادل داكشي اللي طلبنا و يالاه بغيت ناكل هوا يصوني تيلي .... انا: احح اقلبي نضال كيعيط...اححمم الوووو... نضال: سويتي ههه هانا جاي .. انا: (حشمانة) اوك طريق السلامة ... نضال: ميغسي حبيبة، فالعشية غنكون معاك ..توحشتك بزااف.. انا: حتى انا(فلتات ليا عوتاني تفوو) نضال: هههه ايوا...فين شاداها؟؟ انا: (مبرزطة ماعرفتش مالي ) انا مع كراميل و الدراري برا... نضال: امم مزيان ...مهم بالصحة و الراحة و انا غنخليك حيت طالع دابا فالطيارة ...ومابقاش بزااف و غنجي ناكلك ههه وجدي راسك راه 15 وانا كنشوف فتصاورك السلكًوطة للي كتسيفطي ليا ... انا: الصمممت..(السلكًوط هوا نتا) نضال: شوفي دابا حيدي ديك الحشمة و جمعي حوايجك حيت غنوصل نديك معايا نيشان لواحد البلاصة.. انا: ااه ..اوك..واش اححم يمشي معايا كراميل؟ نضال: ففف ههه الي بغيتي انا: و حتى الوليدات ياك؟؟؟ نضال: وليفتيهم؟؟ انا: (تنهدت) اه بزااف نضال: اوك للي بغيتي..يالاه القطيطة و بالصحة و الراحة بيزووو(قطع) انا: كراميل: برااااكة من السرييط و نوض يالاه نمشيو راه نضال جاي و غنمشيو لشي بلاصة ... كراميل: ؟؟؟ حتى انا؟؟ انا: بيان سيغ ،..علاش انا نقدر نمشي لشي بلاصة بلا بيك يا االحب(فاش كنبدى نقوليه هاكا كيطلع لسما و يتحل هه) كراميل: ايوا غير باش ما تقوليش انا اللي لاسق غيك وصافييي ... حيت عارف الوجود ديالي مهم عندكم....اه وراه حتى نضال راه ميقدرش يستغنى عليا .. انا: ههههه يالاه نووض نوض ..انا اصلا نفسي مروعة عليا وماعندي كًانة
لماكلة...
اصلا نفسي مروعة عليا وما عندي كانة لماكلة... نضنا مشينا للاوتيل و دونا دراري للمربيات يجمعو ليهم حوايجهم و داكشي ديالهم و انا مشيت لبيتي كنجمع فحوايجي وكراميل تاهوا كذالك تا وصلات العشية وهوا يصوني عليا نضال... انا: الووو (فرحانة و مكنبينش) نضال: بيبي ههه انا كنتسناك فطيارة راه شيفور غيجيبك انا:(مافهمت والو 
😕) امم اوك ...(دخل كراميل) كراميل: اووووه بيبي انا فرحاااان وحاس براسي غنطييير .. (انا كنشوف فيه و تيلي فودني) اخييييرا غادي نبدلو هاد الاوتيل و نمشي نديفولاو 
😍 ااه كنموووت فيك انضال ...شي بعد المرات كنحس بيه كيفهمني.. نضال:ا ححم هه مهم احبيبة انا كنتسناك اوك انا: اوك نضال: يالاه بيزوو.. باي(قطعت) انا: قالي كيتسناني فطيارة ؟؟،
😮 كراميل : اااه ههه هادشي فيه الطيارة 😍 اااه يعلم الله فين غنمشيو 
😄 انا: وا يالاه سربي غايبدا يغوت عاوتاتي الى تعطلنا كراميل: هههه راه نتي اللي زربانة باغا تمشي تشوفيه ، اما هوا مغيغوتش عليك.. انا: (خارجة) صافي صافي دابا براكة من الهضرة 
😒 خرجت مشيت لشومبر ديال الدراري لقيتهم واجدين.. انا:(متوترة و قلبي كيزدح) يالله سربيو حنا نازلين دابا ...يالاه الى واجدين زيدو ! (اه ياربي مالي كنترعد !!) كراميل: (دخل عندنا) يالاه يالاه 
👏 طلقوني دغيا خرجو قدامي ... (باس وعد ) حبيييي موااااح جيتي فنة (باس عهد) وييينو على حياااتي نتوما عمري انا موااااح...(شاف فيا) زيدي زيدي ونتي غتسخفي الله يستر تقول اول مرة تشوفيه!!! نزلو المربيات هازين الدراري و الموضفين د الاوتيل هازين الشوانط وانا وكراميل اللور كنتحدثو ... انا: ناااري يا كراميل انا وليت ماشي غير كنبغيه وليت كنتسطى عليه ...(متوترة) شوف يدي كي كيرجفو حيت غنشوفو 
😯 اففف حاسة بقلبي غيطيح مني . كراميل: لالا زيري السمطة ومعمرك تبيني ليه راكي طايحة على زنافرك ...ديما دفعي كبير باش تبقاي اميرة فعينيه ، (كيتقحبن) راه هوا مولف بالبنات اللي كيبكيو عليه ويتبعوه كيجريو .. وعمر شي وحدة ما دفعات عليه كبير و عطات قيمة راسها وخلاتو هوا يجري موراها... انا: غير سكت (بتوتر*) راني دافعة كبير من تلقاء نفسي بلا مانحتاج نحاول ، اصلا غير كنشوف عينيه كنبغي نهرب من النضرات ديالو كنتمنى تشق الارض و تبلعني ما متيقاش راسي لدابا انا مصاحبة مع هاداك و كنمارسو ل ...اففف صافي مكنقدرش نتفكر 
😣 هادشي بزاف عليا ب زاااف كراميل: هههه طلعي طلعي هانتي قريبة تشوفيه هههه وزيري راسك . انا:(ركبت فلوطو) افف غادي نشوفو ... اه اه .. (متوترة) باقي غير شوية ونكون معاه !! اااه .. غادي نموت قبل ما نوصل... ركبنا كاملين ومشينا و الطوموبيلات ديال ليكارد مورانا و الطريق كاملة وانا متوترة تا وصلنا للمطار كان الليل وكنت لابسة لكلاس (الصورة ) وطالقة شعري سامبل.. مهم نزلنا و انا نشوف راسي قدام واحد الطيارة والمربيات هازين الدراري و طالعين و شفت بزاف ديال ليكارد واقفين برا !!! انا: فين حنا؟؟؟ و فين المسافرين؟ كراميل: ههه غنمشيو غير بوحدنا ف طيارتنا بلا ما يمشي معانا شي واحد، نتي اول مرة تركبي ف طيارة؟ انا: اه اول مرة كنسافر فشي طيارة!! خايفة بزااف.. كراميل: لالا بلا متخافي ...يالاه ... زيدي نطلعو انا: اوك ...نمشيو ماهيا خربانة خربانة (كنخاف من الطيارة) تميت غادا كنقرقب وطلعنا فدروج الطيارة و هيا تشد ليا المضيفة يدي تا طلعت و شفت فكراميل شادين ليه فيديه مطلعينو كيتكسول عهه تا دخلت وانا نتصدم !!!! كانت الطيارة كبييرة بحال شي دار فيها بلازما كبيرة و فوطويات و ديكور رااااءع خيالي...بقيت واقفة كنسرح عيني هوا يدوز كراميل من حدايه مشا جلس و سرح رجليه و انا غير حاللة فمي تا بان ليا نضال واقف عاطيني بضهرو هاز الدراري واحد فليمن واحد فليسر كيبوسهوم ... انا شفتو تهز قلبي بديت كنترعد و كنشوف فيه كان لابس دجين زرق فيه تقاطع خفاف و تيشورط زرقة مزيرة عليه كيبان ليا غير ضهرو و خيط كحل رقيق فعنقو و سبادري كحلة و كيضحك مع ولادو وهوما كيهضرو معاه و كيبوسوه ، اكيد توحشوه حتى هما بحالي . دار عندي شاف فيا وبدا كيطلع ويهبط فيا و ابتسامة وحاجبو طالع و انا نتزنك ماقدرتش نبقى نشوف فيه و جا قرب مني ونزل ليا وجهو عطاني حنكو و كيضحك ، سلمت عليه من لابيز هما يجو المربيات هزو من عندو الدراري و شدني من خصري
