حبيبي مافيوزي الجزء التاني

part18

  سمح ليا (حيدت ليه يديه) انا غنقادو راسي ..غير حيت دخلتي عليا على غفلة داكشي علاششش.(تقحبين فالهضرة) مهم شكرا على داكشي للي درتي معايا ..ايلا سمحتي ممكن تخرج باش نقدر نلبس حوايجي... نضال:(ايييه الناس ولاو كيهضرو) اوك sorry(ابتسامة ) خليت ليك الراحة....(تم خارج) ااه..(تفكر ودار عندها) يمكن ليك تكلسي هنا شحال ما بغيتي ..مرحبا بيك(غميزة) ناااري على مشية وعلى حركات اففففف انا اكيد في الجنة..اما الصوت !!! خلاااص كوللو على بعضو حلو شي ينسيني فشي.بقيت واقفة ساهية فيه وفي الحوار اللي دار بيناتنا شحااال تا تحل الباب عاوتاني ودخل واحد لابس كوستيم ابيض وليكات فالابيض دافع طبلة مدهبة فيها الماكلة و معاه جوج بنات بلباس رسمي.لقاو عليا التحية ودخلوليا ديك الطبلة و عراو لقباب على الاكل و خرجو و سدو الباب.. الاااااه جا فوقتو واخا 3h دلليل هادي مي الجوع قتلني جلست عندها و بديت كناكل بلاباقة حيت اصلا طبعي هاكاك واخا نكون بوحدي . جلست كنتعشى وكنحمد الله اللي جاب ليا هادا فطريقي وفكني ،خرجات مني هاد النهار ،وماعرفت داك الحيوان د دانييل واش قتلتو ولا راه دابا كيقلب عليا؟ باينة مايكونش مات!!؟ حيت الدقة اللي عطيتو متسيلاتش ليه الدم !دونك غيكون فاق وراه دابا ميديهش النعاس حتى يلقاني!! ___هه حتى انا ماخرجاش ليك من هنا ،قلب تا تعيا وماغايطيحش ليك فراسك انا فهاد لوتيل هههخخ .. بقيت كنهضر بوحدي كي شي مسرفقة و كنضحك ،ومللي قال ليا هاد نضال نجلس شحال ما بغيت تا انا معطلتوش هه هنا نجلس ليه ،واش كاين شي قط كيهرب من دار العرس؟ لا ..غير لا كنت حمارة اللي نخرج لبرى باش يشدني دانييل يفركعني.مهم تعشيت وساليت و نضت كنتحرك ف ارجاء الغرفة مشيت طليت من الزاج بانت ليا الارض لتحت وانا فالسماء . واااو على منضر ! كيحمق بقيت كنتاءمل و مشيت جيهت البلاكارات كنبركك ،جليتو وهيا ضربني واحد الريحة ،احححح ريحت داك نضال !!! لقيت حوايجو معلقين ومستفين! حليت لبلاكار للي حداه لقيتو فحال شي مكازا د صبابط و صبادريات اشكال انواع ! بقيت غا كنشوف ! شوية حليت واحد خور كانت فيه بحتل فيترينة فيها السوايع غيكونو كيسواو لملاين و النضاضر مستفين .بقيت غير حاللة فمي ! شفت تاعييت وبقيت نقول مع راسي يمكن هادي الشومبر ديالو !! وي باينة ...حوايجو هنا دونك هادا بيتو وخلاه ليا !! مهم بقيت كنقلب وانا نمشي جيهت البالكون كنتاءمل المنضر لتحت ضرت شفت حدايا وانا لقاه هوا نيت !!نضال! واقف فالبالكون اللي حدايا وبيناتنا زاج بحال لحيط كيفصلنا ..واقف كيشوف ويتاءمل كنضن ماشافنيش .كان عريان لا بس غير شورط و بانطوفة ،انا يالاه جيت ندخل هوا يبان ليا الزاج للي كيفصل بيناتنا كيتحل وكيدخل فالحيط هزيت راسي شفتو ،واقف كيشوف فيا وتيليكوموند فيديه بارك فيه والزاج كيتحل !!بقيت مصدومة ما فهمت والو وحشمت نبقى نشوف فيه وهوا عريان ضورت وجهي بغيت ندخل حسيت بيه شد ليا يدي ،درت لقيتو شاد فيا وكيشوف فيا بابتسامة تلبكت ماعرفتش اش ندير وها كيقرب مني بشوية شدني من خصري بلطف و لسقني معاه !! بديت حاللة فيه عيني ماعرفتش اشنو كيوقع وانا بين يديه ،بدا كيقرب من فمي وانا مضهشرة فالفورمة ديالو والنضرات ديالو.طبع قبلة على فمي سخونة حسيت بقلبي كيضرب ونفسي كطلع وتنزل ويديه دايرين بيا كيتحسسو جنابي وضهري والبنوار طلع حتى حسيت بيديه على لحمي وهوا كيكالي ليا شفايفي بلطف ،نسييت راسي ماعرفتش اشنو وقع ليا وزاد الجو الدافء مع الليل والضوء خفيف سفرني معاه بعيد ماعقلتش على يدي محطوطة فوق صدرو بقيت معاه بلانشعر اشنو كندير. فقط تابعة احساسي وهوا مطلقنيش . من بعد القبلات الساخنة للي حسيت بيهم فعنقي وشفايفي ستوعبت معطلة وانا ندفعو مخرجة فيه عيني ... شفت سمية د بنت كاتبها فصدرو..مارضيتش انا: حمااار (سرفقتو) دخلت كنجري كنهبط البينوار ونغطي سدري خليتو واقف مصدوم متبع ليا العين ودخلت لدوش سديت عليا. نضال: ههه ولاهيلا سرفقاتني ! ____كبرتي يا لبرهوشة ...(ابتسامة) مي