حبيبي مافيوزي الجزء التاني

154

بقيت غير طالقة ودني كنسمع.... جوليا: عطيني التسجيل ديالي ولا غانمشي نقولها لصابر ونتهنى انا كاع صوفيا: ههه شنو غاتقولي ليه؟ غانقولي ليه بللي نتي مزوجة وكادبة عليه ، وبللي ماجيتيش معاه لهنا حيت مشيت تلاقاي راجلك اللي حتى هوا كادبة عليه؟ حياتك كاااملة كدوب فكدوب، كادبة على راجلك قلتي ليه بللي نتي مسافرة نتي وباريش خوك على خدمة وجايبة معاك باريش دايرة بيه السبة وحتى حمار تابعك فريك (كن ماكانتش مروى عاجباه كاع مايتبع طريقك ههه) وكادبة على صابر قلتي ليه بللي كان عندك ديفيلي ونتي كنتي مع راجلك ، ماكاين لا ديفيلي لا والو غير لكدووب ههههه شنو باغا تقولي ليه ها؟؟؟؟ جوليا: انا ملليت من هاد التهديدات هادي، وزايدون غانقولها ليه ونتهنى حيت نتي ماعندك كلمة ، قلتي ليا حطي اسم الحلوى فلاليست باش تاكلها مروى ويطيح ليها البيبي و ترجعي ليا التسجيل ديالي اللي سجلتيني مور ضهري و انا كنهضر فتيليفون مع راجلي ، ودابا رجعتي فهضرتك صوفيا: مارجعتش فيها ، انا قلت ليك طيحي ليها البيبي و نتي مزال ماطيحتيه ليها ، دونك احبيبة حتى طيحيه ليها عاد نعطيك التسجيل ديالك ، ونزيد حاجة اخرى راه الى مشيتي حتى قلتي ليه بللي نتي كديتي عليه غاتفضح القضية ديال الحلوى و انا غادي نكر بللي واش كنعرفك اصلا ونتي ماعندك حتى دليل ضددي و نتي هيا اللي بغيتي تجهضي ليها البيبي اما انا غير هضرت وصافي و نتي طبقتي وحاولتي طيحيه ليها سمعتي. حنا دابا كلنا فالهوى سوا بلا ماتحاولي تهدديني راه انا اللي عندي دليل ضددك ، واهوا التجيل ديالك احبيبة ونتي كتهضري مع راجلك خايفة يسمعك شي واحد جوليا: هادشي دابا ندمك عليه ، انا من اللول ماكانش خاصني نتبعك فطريقك وكن صارحت صابر ماكنتش غانطيح فهادشي كامل ، من اللول كان هاصني نقوليه كلشي فاش هددتيني ، وكان يقدر يسامحني ، اما دابا غرقيتيني و ربحتي الماتش برافو عليك ولاكن واها هاكاك غندمك على هادشي سمعتي صوفيا: هههههههه اللي فجهدك ديريه ، غير ماتنسايش راكي حاولتي طيحي لمروى بنادم جوليا: خاولت ولاكن تحت التهديدات ديالك ، اما انا مابيني وبينها والو وندمت للي تبعتك صوفيا: هههه بقيتي فيا (هاد الفيديو د مروى و باريش ماغنخلي حتى واحد يعرف عليه شي حاجة ههه ومروى ماعاقلاش مسكينة كايسحاب ليها سخفات فبلاصتها وفاقت فبلاصتها، وباريش مافراسوش صورتو كايبوس فيها وهيا كي الهبيلة كضحك صوت وصورة هههه ، جميع الادلة عندي و هاد المكلخين ما عندهم حتى دليل ضددي) سمعي احبيبة دابا اللي نطولوه نقصروه ، ماتبقايش كل مرة تعيطي ليا لهنا حتى نقولها ليك انا ،ودابا 5 دقايق ديالك راه سالات رجعي لبيتك ولا فين كنتي قبل مايبدى يقلب علبك صابر. -سمعت كلشي و عرفت بللي السخفة اللي شداتني فلانيف من وراهم بجوج وفهمت بللي الحلوى اللي سولت عليها نضال بلليل و قاليا نجيب ليك لحلوى اللي قطعتي وياكلعا معايا فير باش يتلفني و يدوخني و ماقلش ليا بللي راه كان غايطيح ليا لبيبي وعاد عرفت السيوم اللي كان معلق ليا لبارح فيدي ديالاش والسبب انني كنت غنجهض بسباب هاد القحبات بجوج ، والكداابة دجوليا مزوجة ومخبية على خويا، هادشي كامل واقع حنا مافراسناش. سمعتهم وقبل ما تخرج شي وحدة فيهم مشيت كنجري لبيتي بلا مايعيقو بيا عرفتهم والنار شاعلة فيا واللفاعي دايرين بيا وانا مافراسي والو، ولاكن غير بلاتي والله تا نوريهم على هادشي اللي دارو فيا و الكدوب اللي كدبو علينا و البيبي اللي بغاو يحيدو ليا ، تأكدت دابا من صوفيا باغا دور بنضال و لاكن غير حتى يجي و نوريها الكلبة الخامجة