ထို႔​ေၾကာင္​့...........(based on true story)

episode 11 unicode

အခန်​း- ၁၁
=======

လွိုင်​​ကော်​သို့​ရောက်​ချိန်​တွင်​ ရန်​ကုန်​သို့ပြန်​ဆင်​းရန်​ ည​နေသုံးနာရီကားလတ်​မှတ်​ရသည်​။ မနက်​​စော​စော ရန်​ကုန်​​ရောက်​လျှင်​ တစ်​ရက်​လုံး တပ်​မှခိုင်​း​သောအလုပ်​ကိစ္စများလုပ်​ပြီးသည်​နှင်​့ ည​နေ ​မော်​လမြိုင်​သို့ဆင်​းမည်​ဟု စိတ်​ကူးထား၏။

ခုမှ ​နေ့လည်​ ၁၂နာရီမျှသာရှိ​သေးသည်​့အတွက်​ တစ်​ခုခုထွက်​စား၍ အသာအတွက်​လက်​​ဆောင်​ဝယ်​ရန်​ အချိန်​ရသည်​။ လွိုင်​​ကော်​​ရောက်​တိုင်​းထိုင်​​နေကြဖြစ်​သည်​့ ​နောင်​ယားကန်​​ဘေးက မာစတာ စား​သောက်​ဆိုင်​သို့သာ ထွက်​လာခဲ့လိုက်​သည်​။ ထိုဆိုင်​တွင်​ ကျွန်​​တော်​ကြိုက်​​သော ​ကွေ့တီယိုလဲရ၏။ သို့​သော်​ ယခင်စား​နေကြ ​ကွေ့တီယိုများကဲ့သို့ အရသာမ​ကောင်​း​ပေ။

စား​နေကြအတိုင်​းပင်​ ​ကွေ့တီယိုနှင်​့ စ​တော်​ဘယ်​ရီလက်​​ဖျော်​တစ်​ခွက်​ကိုမှာ၍ စီးကရက်​​လေးဖွာကာ ခပ်​လှမ်​းလှမ်​းရှိ ​နောင်​ယားကန်​အလှကို​ငေးကြည်​့​နေမိသည်​။ အသာမှလွဲ၍ စွဲစွဲမြဲမြဲ အကြိုက်​မ​တွေ့​သောကျွန်​​တော်​သည်​ ခုချိန်​မှာ​တော့ စီးကရက်​ကို​စွဲစွဲမြဲမြဲ​သောက်​တတ်​​နေပါပြီ။ သို့​သော်​ ကျွန်​​တော်​က သူ့လိုစမတ်​ကျကျစီးကရက်​ကိုမဖွာတတ်​​သေးပါ။ ကျွန်​​တော်​ကြိုက်​နှစ်​သက်​​သော သူ့ဟန်​ပန်​အမူအရာ​တွေကို လိုက်​အတုခိုးတိုင်​း သူ့​ခြေဖျားပင်​မမှီသည်​က ကျွန်​​တော်​သိပ်​များ ရိုးအ​နေ၍လား။

ကိုယ်​့အ​တွေးကို သ​ဘောကျရင်​း ရှက်​ပြုံး​လေးပြုံးမိသွားသည်​။ တိုက်​ဆိုင်​မှု​တွေကြုံလာတိုင်​း သတိတရပြုံးနိုင်​​အောင်​ အသာက ကျွန်​ေ​တာ့်အတွက် ​​အမှတ်​တရ​တွေကို တပုံတပင်​ပြုလုပ်​ခဲ့​လေသလားပဲ။ တကယ်​​တော့ အမှတ်​တရဆိုတာ တမ်​းတလွမ်​းဆွတ်​လို့​ကောင်​း​အောင်​ နာမည်​လှလှ​​လေးနဲ့ တန်​ဆာဆင်​ထားတဲ့ နာကျင်​ခြင်​းတစ်​ခုပဲ​လေ။

​ဘေးဝိုင်​းက ငါးခဲပတ်​ကင်​ မှာသံကြား​တော့ ကျွန်​​တော်​ငါးကင်​စားချင်​မိသွားသည်​။ ဘာ​ကြောင်​့ဆို အသာက ငါးကိုသိပ်​ကြိုက်​တယ်​​လေ။ သို့​သော်​ တစ်​​ယောက်​ထဲမကုန်​နိုင်​သလို ငါးအရိုးမစူး​အောင်​ အသားနွှင်​​ပေးမည်​့ အသာလည်​း ​ဘေးနားတွင်​မရှိပါ။ ငါးစားတိုင်​း အရိုးစူးတတ်​၍ အသာမရှိလျှင်​ မထိမကိုင်​ဖြစ်​သည်​က ကြာ​ညောင်​းခဲ့ပြီ။