ကောင်းကျိုးမပေးသော သမီးပျို
အခန်း(၄၀၁)
တူလန်းနဲ့ကြမ်းကြုတ်ဝံပုလွေကလွဲပြီး ဘယ်သူကမှ အဲ့ဒီကောင်ကလေး ကူလောင်တောင်ကနေပြီး အသက်ရှင်ရက်ထွက်ခွာနိုင်မယ်လို့ မယုံကြည်ကြပါဘူး။ ဒါပေမယ့်လည်း ဒီလောက်အချိန်အကြာကြီး အတူတူတွဲလာခဲ့ကြရတော့ ကောင်ကလေးကို မထားခဲ့ချင်ကြတာကြောင့် သူတို့အားလုံးက တိတ်ဆိတ်စွာစောင့်နေခဲ့ကြပါတယ်။
နေ၀င်ချိန်ရောက်တဲ့အခါမှာတော့ အားလုံးစိတ်လျှော့လိုက်ကြပြီး သူတို့စိတ်လျှော့လိုက်ချိန်မှာပဲ ကူလောင်တောင်ခြေကနေ သေးကွေးသောလူနှစ်ယောက် ထွက်လာတာကိုတွေ့မြင်လိုက်ကြပါတယ်။
"သူတို့တွေ ထွက်မသွားကြသေးဘူးပေါ့"
စောင့်နေကြသူတွေကို တွေ့လိုက်ရတော့ ရှန်ယန်ရှောင်အံ့သြသွားခဲ့ပါသည်။ သူမနဲ့ ဒီလူတွေဟာ ကံဆုံလို့အတူခရီးသွားခဲ့ကြရတဲ့ သူစိမ်းတွေသာဖြစ်ကြပါတယ်။ ဖီးနစ်ငှက်တို့၏ တိုက်ခိုက်မှုအပြီးမှာ သူတို့အနေနဲ့ ဒီနေရာကနေ အမြန်ဆုံးထွက်သွားသင့်ကြပေမယ့် မသွားကြဘဲ သူမပြန်အလာကို စောင့်နေခဲ့ကြပါတယ်။
ရှန်ယန်ရှောင် နှာခေါင်းကိုလက်နဲ့တို့လိုက်သည်။ ဒီခံစားချက်က မဆိုးဘူးပဲ ဟုတ်တယ်မလား....
"ဇာမဏီငှက် မင်းပုံစံကိုပြောင်းလို့ရလား"လို့ သူမဘေးက ဇာမဏီငှက်အား ရှန်ယန်ရှောင်ပြောလိုက်ပါတယ်။ ဆံပင်နီနီနဲ့မျက်လုံးနီနီတို့ဟာ အရူးကတောင် လူမဟုတ်မှန်းပြောလို့ရတဲ့ အချက်တွေဖြစ်တယ်လေ။
စိတ်ညစ်နေဆဲဖြစ်ပေမယ့် ဇာမဏီငှက်က ခွန်းတုံ့မပြန်ခဲ့ဘဲ မျက်တောင်တစ်ခတ်အတွင်းမှာပဲ ဆံပင်တွေကနက်မှောင်သွားကာ အနီရောင်မျက်လုံးကလည်း အညိုရင့်ရင့်ဖြစ်သွားပါတယ်။ အလွန်သပ်ရပ်လှပတဲ့ မျက်နှာကလွဲရင် ကျန်တာတွေက သာမန်လူနဲ့မခြားတော့ပါဘူး။
သူမတို့နှစ်ယောက် ဂူဝံပုလွေအဖွဲ့ဆီသွားလိုက်ကြပြီး လူတွေဆီမရောက်သေးခင်မှာပဲ ကြမ်းကြုတ်ဝံပုလွေက လူကြားထဲကနေ ပြေးထွက်လာကာ သူမရဲ့ခေါင်းလေးပေါ်ကို သန်မာလှတဲ့သူ့လက်ဝါးနဲ့ ပုတ်လိုက်ပါတယ်။
