ကောင်းကျိုးမပေးသော သမီးပျို
အခန်း(၄၃၆)
သို့ပေမယ့် ရှန်ယန်ရှောင်ကတော့ နားထောင်ရင်းနဲ့ ပိုထူးဆန်းတယ်လို့ ခံစားမိလာပါတယ်။
ဦးလေးပါက လိမ်လည်နေတာမဟုတ်ပါဘူး။ ဒါပေမယ့် ညအခါမှ ဒဏ်ရာရကြတယ်ဆိုတာက ထူးဆန်းပါတယ်။ ဒီရွာသားတွေ အနာတရဖြစ်တာက သရဲကြောင့်မဟုတ်ဘဲ ဂူဝံပုလွေအဖွဲ့နဲ့တိုက်ခိုက်လို့ ဖြစ်ရတယ်ဆိုတာကို သူမ ကောင်းကောင်းသိပါတယ်။
မေးစရာရှိတာက ရွာသားတွေက ဒီကိစ္စကို ဘာလို့မှတ်မိတဲ့ပုံမရှိကြတာလဲ...
နောက်ပြီး အဆိုပါဒဏ်ရာကြီးတွေက သူတို့မျက်လုံးထဲမှာတော့ ဘာမှမဟုတ်တဲ့အတိုင်းဖြစ်နေပါတယ်။ သူတို့နေရာမှာ တစ်ခြားသူတွေသာဆိုရင် ဦးလေးပါနဲ့ဂီလေးတို့လို သွားလာလှုပ်ရှားနေနိုင်မှာ မဟုတ်ကြဘဲ အိပ်ယာထဲမှာပဲ လှဲနေကြရမှာပါ။ သူမမျက်စိနဲ့သာ ကိုယ်တိုင်ကိုယ်ကျမမြင်ရရင် သူတို့နှစ်ယောက်မှာ အခုလိုမျိုး ဒဏ်ရာရထားမယ်လို့ သူမ ယုံမှာမဟုတ်ပါဘူး။
ရှန်ယန်ရှောင်တစ်ယောက် ဒွိဟတွေဖြစ်နေစဉ်မှာပဲ ဖုန်မှုန့်တစ်မှုန်က သူမနှာခေါင်းရှေ့မှာ ကျသွားပါတယ်။
သူမ တုံ့ပြန်ချိန်မရခင်မှာပဲ ဦးလေးပါးက ရုတ်ချည်းခုန်ထကာ လက်ကိုဆန့်တန်းပြီး သူမနဲ့ဇာမဏီငှက်တို့အား ပွေ့လိုက်ပြီး တံခါးနားကို ပြန်ခုန်ဆုတ်လိုက်ပါတယ်။
နောက်တစ်စက္ကန့်မှာတော့ ကြီးမားတဲ့ ကောက်ရိုးအမိုးတစ်ခု သူမတို့နှစ်ယောက် စောစောကရပ်နေခဲ့သော နေရာမှာပြုတ်ကျသွားပါတယ်။
"အားရား ဦးလေးကျူ ကျနော်ပြောပြောနေတဲ့အတိုင်း ဒီအိမ်ကို ပြင်သင့်နေပြီနော် ဘယ်တာ့ပြင်မှာလဲ"လို့ပြောလိုက်တဲ့ ဦးလေးပါဟာ ဒီအဖြစ်ကို မကြာခဏတွေ့ဖူးနေပုံရကာ မထူးဆန်းသလို ပြောလိုက်ပါတယ်။
ဦးလေးပါရဲ့ လှုပ်ရှားမှုဟာ အလတ်တန်းအဆင့်ပညာရှင်တစ်ယောက်ထက် ဘယ်လိုမှနိမ့်ကျမှုမရှိတဲ့အတွက် ရှန်ယန်ရှောင် အံ့သြသွားရပါတယ်။ သို့သော် ဦးလေးပါကိုယ်ထဲမှာ အတွင်းအားရော မှော်အားရောမရှိတာကို သူမခံစားမိပါတယ်။