ကောင်းကျိုးမပေးသော သမီးပျို
အခန်း(၄၈၃)
မှော်ဆရာကြီးအတတ်နဲ့ဆိုရင် ရှန်ယန်ရှောင်မပြောနဲ့ ပြိုင်ကွင်းကြီးတစ်ခုလုံးတောင် ဗုံးကြဲခံရသလိုဖြစ်သွားမှာပါ။
"ယုလေး မင်းငါနဲ့လိုက်ခဲ့တော့"
ဒီလိုပုံနဲ့ဆိုရင် ကြူရှီယာတစ်ယောက် လုပ်တော့မယ့်ကြောက်စရာအဖြစ်ကို ယန်းရှီစိတ်နဲ့တောင် ပုံဖော်မကြည့်ရဲဘူးဖြစ်နေပါတယ်။
လက်ရှိအဖြစ်က ကျောင်းပေါင်းစုံပြိုင်ပွဲမှာ ဘယ်သူချန်ပီယံဖြစ်မလဲဆိုတာ ဘာမှအရေးမပါတော့ပါဘူး။ ကြူရှီယာဟာ သူ့ကိုယ်သူမထိန်းနိုင်တော့တဲ့ အခြေအနေရောက်နေကာ ဆက်သွားမယ်ဆိုရင် တစ်ကွင်းလုံးကလူတွေကို သူနဲ့အတူမြေမြှုပ်တဲ့အဖြစ်သို့ ရောက်စေတော့မှာပါ။
မှော်ဆရာကြီးတစ်ယောက်ကတင် လူတွေကို ကြောက်ရွံ့နေစေပြီးဖြစ်ကာ ရှန်ယန်ရှောင်ရဲ့ ပုံစံတူကူးမှုကြောင့် မှော်ဆရာကြီးအဆင့်ရှိသူနှစ်ယောက်ရဲ့ မှော်တိုက်ခိုက်မှုတွေဆိုတာ ကပ်ဆိုးကြီးတစ်ခုဖြစ်သွားမှာပါ။
ပရိသတ်တွေကြားက အိုးယန်ဟွမ်းယူဟာ ကြူရှီယာရဲ့ တိုက်ခိုက်မှုမှန်သမျှကို မလွတ်တမ်းကြည့်နေခဲ့ပါတယ်။ ဖုန်မှုန့်တွေကြားမှာ ကြူရှီယာရဲ့မှော်တုတ်တံဟာ အလွန်တောက်ပစွာလင်းလက်လာတာကို သူမြင်လိုက်ပါတယ်။
"မှော်ဆရာကြီးရဲ့ အလင်းစက်ကွင်း...ဒီကောင်လေးက မှော်ဆရာကြီးတစ်ယောက်ပါလား"
ယန်းရှီနဲ့ယန်ယုတို့ စင်မြင့်ရှိရာကို ပြေးနေချိန်မှာပဲ ကြူရှီယာရဲ့ အလင်းစက်ကွင်းက ဖန်တီးစေလွှတ်ပြီးနေပါပြီ။ ရှန်ယန်ရှောင်ကလည်း ထပ်တူတိုက်ခိုက်မှုကို တစ်ပြိုင်နက်လုပ်လိုက်ပါတယ်။ ချက်ခြင်းပဲ တစ်ကွင်းလုံးကို တောက်ပလွန်းတဲ့အလင်းက လွှမ်းခြုံသွားပါတော့သည်။
အလင်းကြောင့် အားလုံးဘာမှမမြင်ရတော့ဘဲ စင်မြင့်ဆီကနေပြီး ပြင်းထန်လှတဲ့ အားလှိုင်းကြီးတစ်ခု ပျံ့လွင့်လာတာကိုသာ ခံစားမိလိုက်ကြပါတယ်။
