ကောင်းကျိုးမပေးသော သမီးပျို
အခန်း(၄၁၀)
"လောင်းဖန်က အကြီးတန်းသမားတော်အဆင့်ပဲ။ ရှောင်လေး မင်း သူတို့နှစ်ယောက်နဲ့ပြိုင်တဲ့အခါရောက်ရင် ရှန်ဂေါင်းရှောင်ကို မင်းထည့်မတွက်လို့ ရပေမယ့် လောင်းဖန်ကိုတော့ သတိထားရမယ်နော်။ အကြီးတန်းသမားတော်လုပ်တဲ့ ဆေးရည်တွေကို လျှော့တွက်လို့မရဘူး။ နောက်ပြီးတော့ လောင်းမိသားစုမှာ လျှို့ဝှက်ဆေးနည်းတော်တော်များများရှိသေးတယ်။ အဲ့ဒါတွေကိုတော့ ငါသေချာမစုံစမ်းရသေးဘူး ဒါပေမယ့် ဆိုးကျိုးဆေးရည်အသုံးပြုပြီး သူတို့နဲ့ယှဉ်ပြိုင်တာက သိပ်အထာမကျဘူးကွာ"လို့ပြောလိုက်တဲ့ ကြူရှီယာဟာ ရှားရှားပါးပါးနဲ့ မျက်မှောင်ကြုတ်နေတာကို မြင်တွေ့ရမှာပါ။
ထိုင်ခုံကိုမှီထိုင်နေတဲ့ ရှန်ယန်ရှောင်ပါးစပ်မှာ သရော်တဲ့အမူအယာရှိနေခဲ့သည်။
"အထာမကျဘူးလား။ မနက်ဖြန်ရောက်ရင် အထာမကျတဲ့သူက ငါပဲဖြစ်မလား သူတို့ပဲဖြစ်မလားကို ကြည့်ကြတာပေါ့။ စိတ်ချလက်ချနေကြစမ်းပါ အခြေအနေကို ငါကောင်းကောင်းပြင်ဆင်ထားပါတယ်။ မနက်ဖြန်ရောက်ရင် သူတို့အားလုံးကို ကြည့်ကောင်းသွားအောင် ငါဆုံးမပေးမှာပါ"
ကျန်တဲ့လေးယောက်ဟာ ရှန်ယန်ရှောင်ရဲ့ ယုံကြည်မှုအပြည့်ရှိသော မျက်နှာလေးကိုကြည့်ပြီး ဘာမှထပ်မပြောကြတော့ပါဘူး။ ဒီကောင်မလေးက လုပ်တဲ့အလုပ်တိုင်းကို ဆင်ခြင်မှုအပြည့်နဲ့သာလုပ်တာဖြစ်တယ်လေ။
မနက်ဖြန်ပြိုင်ပွဲအကြောင်းပြောဆိုပြီးကြတဲ့အခါ သူတို့အားလုံး မနက်ဖြန်မှာခွဲခွာရမယ့် တန်နာဇီအကြောင်းကို အာရုံပြောင်းလိုက်ကြပါတယ်။
သူတို့အားလုံး တန်နာဇီပြန်မှာကို မမြင်ချင်ကြပေမယ့် လိပ်နက်မျိုးနွယ်ခေါင်းဆောင်က နောက်ဆုံးတစ်ချက်လွှတ်အမိန့်ကို ထုတ်ပြန်ခဲ့ပြီးဖြစ်လို့ ဘာမှလုပ်လို့မရပါဘူး။
ယန်ယုက ညစာစားပွဲကို ပြည့်စုံခမ်းနားစွာပြင်ဆင် ချက်ပြုတ်ပေးခဲ့ပြီး ငါးယောက်လုံး မြိန်ရည်ရှက်ရည်စားသောက်ကြပါတော့တယ်။
