ကောင်းကျိုးမပေးသော သမီးပျို
အခန်း(၄၀၃)
ကျောင်းကို သူမပြန်ရောက်တော့ နေမွန်းတည့်နေပါပြီ။ နေ့လည်စာစားပြီးတာနဲ့ ရှန်ယန်ရှောင်က ဒီနေ့ခင်းမှာ လေးဌာနကိုသတင်းပို့ရန်အတွက် ပြင်ဆင်ရန်အလို့ငှာ အဆောင်ကိုပြန်လိုက်ပါတယ်။
သူမအဆောင်ကို ပြန်ရောက်ကာစမှာပဲ အပြင်ထွက်မယ့် လင်းရွှမ်နဲ့ဆုံသွားပါတယ်။
အတန်ကြာမတွေ့ခဲ့ရသော အခန်းဖော်ကိုတွေ့လိုက်လို့ လင်းရွှမ်အံ့အားသင့်သွားကာ သူ့မျက်လုံးတွေထဲမှာက စိတ်လှုပ်ရှားမှုတွေနဲ့ ရှောင်ဖယ်မှုတွေရှိနေပါတယ်။
"ရှန်..ရှန်ဂျူ မင်းပြန်လာပြီပေါ့"
လင်းရွှမ်ဟာ မူမမှန်စွာပြောလိုက်သလို သူ့မျက်လုံးတွေကိုလည်း ရှောင်လွှဲနေခဲ့ပါတယ်။
လင်းရွှမ်ရဲ့ ပုံမှန်မဟုတ်တဲ့အပြုအမူကြောင့် သူမ သိလိုစိတ်ဖြစ်ပေါ်သွားပေမယ့် အခုမှပြန်ရောက်ကာစဖြစ်တာကြောင့် လုပ်စရာတွေရှိသေးတဲ့အတွက် အရေးတယူမလုပ်တော့ဘဲ ပြန်ဖြေလိုက်ပါတယ်။
"အင်း ငါ အခုပဲ ပြန်ရောက်တာလေ"
လင်းရွှမ်က တောင့်တောင့်ကြီးပြုံးလိုက်ပါတယ်။
"အဲ့ဒါဆို...မင်းအရင်...အရင်...ငါစာကြည့်တိုက်ကို ယူစရာရှိလို့ သွားယူလိုက်ဦးမယ်"
ရှန်ယန်ရှောင်က လင်းရွှမ်သွားလို့ရရန် ဘေးကိုတိမ်းပေးလိုက်သည်။ အဲ့ဒီနောက် အခန်းထဲကိုဝေ့ကြည့်လိုက်တော့ တန်နာဇီကိုမတွေ့ရတာနဲ့ ဖွင့်ဟမေးလိုက်ပါတယ်။
"နာဇီဘယ်သွားတာလဲ။ နေ့ခင်းပိုင်းဆို အခန်းထဲမှာ ဒီကောင်အိပ်နေကြမဟုတ်လား။ ဒီကောင်ဘယ်လစ်သွားတာလဲ"
တော်ဝင်ရိုလန်ကျောင်းမှာ တန်နာဇီဟာ သူမနဲ့မခွဲမခွာ အမြဲတမ်းလိုလို တပူးပူးတတွဲတွဲရှိနေကြဖြစ်လို့ သူမပြန်ရောက်တဲ့အခါ ဒီကောင့်ကိုမတွေ့ရတာ တစ်မျိုးကြီးဖြစ်နေပါတယ်။
