ကောင်းကျိုးမပေးသော သမီးပျို
အခန်း(၄၈၅)
ဆုယူပြီးတာနဲ့ ရှန်ယန်ရှောင်နဲ့ငနာသုံးကောင်တို့ဟာ ယန်းချီ၊ ဇာမဏီနဲ့လန်ဖန်းလီတို့ကို ခေါ်လိုက်ပြီးတော့ ကွင်းထဲကနေထွက်သွားကြပါတယ်။ သူတို့က စပ်စုချင်နေကြတဲ့ လူတွေကို အနားအကပ်မခံတော့ဘဲ ဟိုတယ်ကိုတန်းပြန်လိုက်ကြတာပါ။
"ဆရာမျှော်လင့်ထားသလို ကျနော်အနိုင်ရခဲ့ပါပြီ"လို့ ယန်းချီအား ဦးညွှတ်အရိုအသေပေးရင်း ပြောလိုက်ပါတယ်။
ဆင့်ခေါ်သူပညာရပ်မှာ သူမ တိုးတက်လာခဲ့ခြင်းက ယန်းချီရဲ့သင်ကြားပို့ချမှုကြောင့်ဖြစ်သလို ပေါင်းစပ်ကျိန်စာတွေအားလုံးကလည်း ယန်းချီသင်ကျေးဇူးကြောင့်သာ သူမ တတ်မြောက်ခဲ့တာဖြစ်ပါတယ်။ တစ်ရက်တာဆရာဖြစ်ဖူးရင် တစ်သက်တာဖခင်ဖြစ်ပါတယ်။ ရှန်ယန်ရှောင်အနေနဲ့ လူကောင်းတစ်ယောက်မဟုတ်ပေမယ့် ဆရာဖြစ်သူအပေါ်မှာတော့ အလွန်လေးစားရိုသေပါတယ်။
ယန်းချီက တပည့်ဖြစ်သူကို ပျော်ရွှင်ကျေနပ်စွာကြည့်လိုက်ပြီး ပြန်လည်ဖေးမတွဲထူပေးလိုက်ပါတယ်။
"မင်းကောင်းကောင်းလုပ်ပြခဲ့တာပဲဟေ့ ငါထင်ထားတာထက်တောင် ပိုကောင်းပါသေးတယ်။ မင်းလိုတပည့်မျိုး ပိုင်ဆိုင်ခွင့်ရတာက ငါ့အတွက် တစ်ကယ့်ကို သိကြားမကိန်းပါပဲ"
"နောက်သုံးရက်နေရင် နေပြည်တော်ကို ကျနော်ပြန်တော့မှာ နောက်ပြီးတာနဲ့ စွန့်ပစ်နယ်မြေကို တန်းသွားမှာဆရာ။ တော်ဝင်ရိုလန်ကျောင်းကို ပြန်သွားဖို့စိတ်ကူးမရှိဘူးဆရာ"လို့ ရှန်ယန်ရှောင်က ပြောလိုက်သည်။
"ကျောင်းမှာ မင်းဆက်လေ့လာစရာလည်း မရှိတော့ပါဘူး။ အပြင်လောကမှာ လျှောက်လှမ်းချင်ရင် ဆရာက မင်းကိုတားစရာအကြောင်းမရှိပါဘူး။ ဒါပေမယ့် စွန့်ပစ်နယ်မြေက အရမ်းအန္တရာယ်များတဲ့နေရာဖြစ်လို့ ပိုသတိထားဖို့တော့လိုမယ်နော်"
"ကျနော်နဲ့ စွန့်ပစ်နယ်မြေကို ဆရာမလိုက်ချင်ဘူးလား"
