ကောင်းကျိုးမပေးသော သမီးပျို
အခန်း(၄၄၉)
ကောင်ချောလေးက ရှန်ယန်ရှောင် မလှုပ်မယှက်ဖြစ်နေတာကို တွေ့လိုက်ရတော့ တစ်ခုခုလွဲနေတယ်လို့ ခံစားမိလိုက်ကာ ထရပ်လိုက်ပြီးတော့ ရှန်ယန်ရှောင်ဆီကို ဖြည်းဖြည်းချင်းသွားလိုက်ကာ ရှန်ယန်ရှောင်ရဲ့လက်ကို ဆွဲယူလိုက်ပြီး နာကျင်နေတဲ့သူ့ခေါင်းပေါ်ကို တင်ပေးလိုက်ကာ သနားစဖွယ်အမူအယာနဲ့ ပြောလိုက်ပြန်ပါတယ်။
"မမ ဥုံဖွလုပ်ပေးဦး"[လခွမ်း]
"...."
ရှန်ယန်ရှောင် ဘာပြောရမှန်းမသိအောင် ဖြစ်သွားရသည်။ တော်သင့်ပြီထင်တယ်နော် ဘာလို့ အခုလို ချစ်စရာကောင်းအောင် လုပ်ပြနေရတာလဲ သူ ဘာဖြစ်ချင်နေတာလဲဟင်.....
ကောင်ချောလေးပြောလိုက်တာကို ကြားလိုက်ရတော့ ဦးလေးကျူ မျက်လုံးတွေ နီရဲတက်သွားပါတယ်။
"အနာဖြစ်တဲ့အခါ ဥုံဖွလုပ်ပြီး လေမှုတ်ပေးတာက ဒီကလေးကို ငါလုပ်ပေးနေကြပဲ"လို့ပြောကာ မျက်ရည်တွေကျလာပါတော့တယ်။
ရှန်ယန်ရှောင်တစ်ယောက် ကျားကနေကြောင်ဖြစ်သွားကာ ပွေ့ချီချော့မြှူတာကို လိုချင်နေသော မေတ္တာငံ့လင့်နေသော လူသတ်နတ်ဘုရားလေးကိ ငေးကြောင့်ကြည့်နေမိသည်။ သူမပါးစပ်က လှုပ်လှုပ်ရွရွဖြစ်သွားသလို ကျန်လက်တစ်ဖက်အား မြှောက်လိုက်ကာ ကောင်ချောလေးရဲ့ခေါင်းကို လက်နှစ်ဖက်လုံးနဲ့ တောင့်တောင့်ကြီးကိုင်လိုက်ပြီး အလွဲလွဲအချော်ချော်နဲ့ လေမှုတ်ပေးလိုက်ပါတယ်။
"မမ ဥုံဖွလုပ်လိုက်တာနဲ့ ဖန်းလေးမနာတော့ဘူးနော် သိလား"ဟု လူသတ်နတ်ဘုရားလေးကို ကလေးတစ်ယောက်လို ချော့မြှူပေးနေရတာက ဘာအထာကြီးလဲလို့ ဥုံဖွလုပ်ပေးနေရင်းနဲ့ သူမ တွေးမိလိုက်ပါတယ်။
ရှန်ယန်ရှောင်ရဲ့ အချိုးမပြေတဲ့ လှုပ်ရှားမှုတွေက ကောင်ချောလေးကို ပြုံးသွားစေခဲ့ပါတယ်။ စောစောတုန်းက လူတွေရဲ့နှလုံးသားကို ဆွဲထုတ်သတ်ဖြတ်နေခဲ့တဲ့ လူသတ်နတ်ဘုရားလေးဟာဆိုရင် အခုအခါမှာတော့ ရိုးသားဖြူစင်လှတဲ့ အပြုံးတစ်ပွင့်ကို လန်းလန်းရွှင်ရွှင်ဖူးပွင့်စေလိုက်ပါတယ်။
