ကောင်းကျိုးမပေးသော သမီးပျို
အခန်း(၄၅၃)
ရှီးယွန်က လောင်းဒီကိုကြည့်ကာ အနားတိုးဆိုတဲ့သဘောနဲ့ လက်ညှိုးကွေးပြလိုက်ပြီးနောက် နားနားကပ်ကာပြောလိုက်ပါတယ်။
လောင်းဒီရဲ့ မျက်နှာအမူအယာက ချက်ခြင်းဆိုသလို ဇဝေဇ၀ါဖြစ်နေရာကနေပြီး ထိတ်လန့်သောအသွင်ပြောင်းသွားပါတော့သည်။
"ဘယ်လိုလုပ်ပြီး သူဖြစ်နေတာတုန်း"
ဒီလောကကြီးက ဆန်းကြယ်မှုတွေအပြည့်ပါပဲလား...
"ဘာပဲပြောပြော သူက ငါတို့ကျောင်းသားမှမဟုတ်တာ သိပ်စဉ်းစားမနေပါနဲ့"
စကားအနည်းငယ်ပြောပြီးတဲ့နောက် နှစ်ဦးသား ကိုယ့်အခန်းကိုကိုယ်ပြန်လိုက်ကြပါတယ်။
ညအချိန်ရောက်တဲ့အခါမှာတော့ နှင်းသက်လေမြို့ထဲမှာ စည်ကားသိုက်မြိုက်နေပါတယ်။ မြို့ဝင်တံခါးမှာတော့ မြင်းလှည်းတစ်စီး အပြေးနှင်လာတာကို မြင်နေရပါတယ်။ လူကြီးတစ်ယောက်နဲ့ အငယ်သုံးယောက်ကတော့ မြင်းလှည်းထဲကနေ လိုက်ပါလာပါတယ်။
"ဆရာ ဒီနေရာလား"လို့ မြို့တံခါးမှာ ရေးထိုးထားသော နှင်းသက်လေမြို့ဆိုသော စာသားကိုကြည့်လိုက်ကာ ရှန်ယန်ရှောင် သက်မချလိုက်ပါတယ်။
ကံကောင်းလို့သာပေါ့ နှင်းသက်လေမြို့ဟာ တော်ဝင်ရိုလန်ကျောင်းနဲ့ အရမ်းကြီးဝေးမနေခဲ့ပါဘူး မဟုတ်ရင် သူမတို့နောက်ကျသွားနိုင်ပါတယ်။
"အင်း"လို့ ယန်းချီကပြောလိုက်ပါတယ်။
"မမ လူတွေအများကြီးပဲနော်"လို့ ရှန်ယန်ရှောင် အင်္ကျီစကိုကိုင်ထားသော လန်ဖန်းလီက မီးရောင်တွေနဲ့ လင်းနေသော လမ်းတွေကို ကြောက်နေသလိုလိုနဲ့ ပြောလိုက်ပါတယ်။
"မကြောက်ပါနဲ့ အားလုံးအဆင်ပြေပါတယ်"လို့ ရှန်ယန်ရှောင်က ပြောလိုက်ရင်း ဂွကျကျအတွေးတစ်ခု တွေးမိနေပါတယ်။
အစကတော့ အလုပ်တွေရှုပ်နေခဲ့တာကြောင့် သူမ မတွေးခဲ့မိပေမယ့် အခုပြန်တွေးလိုက်ရင် ရွာထဲမှာတုန်းက သူမရဲ့ အသွင်အပြင်ဟာ ယောကျာ်းလေးတစ်ယောက်လို ရုပ်ပြောင်းထားတာဖြစ်တာကို လန်ဖန်းလီက မမလို့ ဘာလို့ခေါ်ခဲ့တာလဲ။ သူမက သူ့အမျိုးတစ်ကယ်ဖြစ်နေရင်တောင် ကိုကိုလို့ပဲခေါ်ရမှာလေ။
