ကောင်းကျိုးမပေးသော သမီးပျို
အခန်း(၄၂၀)
လောင်းဖန်နဲ့ရှန်ဂေါင်းရှောင်တို့ကို ယိအကယ်ဒမီကျောင်းသားတစ်ချို့အား အဆောင်ကိုသယ်လာဖို့ ဖန်းကြူမှာကြားခဲ့သည်။ ပူလီစီကတော့ မျက်နှာမည်းကြီးနဲ့ ရပ်နေခဲ့သည်။ အဓိပ္ပါယ်ရှိတဲ့ အကြည့်တစ်ချက်နောက်မှာတော့ ယိအကယ်ဒမီကျောင်းသားတွေက သူတို့ရဲ့ ဆေးစပ်ပစ္စည်းတွေကို ထုတ်ယူလိုက်ပြီး စားပွဲပေါ်တင်ပေးလိုက်ကြသည်။
ပူလီစီက ဆေးမြစ်စာရင်းကို ရေးလိုက်ပြီးဖန်းကြူအားပေးကာ လှုပ်ရှားနှေးကွေးဆေးရည်အတွက် ဖြေဆေးကို ပြုလုပ်ရာမှာ လိုအပ်သော ဆေးမြစ်တွေကို တစ်ယောက်ယောက်ကို ယူခိုင်းလိုက်ဖို့ ပြောလိုက်ပါတယ်။
ဆေးမြစ်တွေက ပူလီစီထံမြန်မြန်ပဲ ရောက်လာခဲ့ပါတယ်။ ဒါပေမယ့် ဖန်းကြူက တစ်ခုခုကို သံသယမကင်းစွာနဲ့ ဖွင့်ဟပြောလိုက်ပါတယ်။
"သမားတော်ကြီးပူလီစီ သူတို့ကိုယ်ထဲက လှုပ်ရှားနှေးကွေးဆေးရည်က သာမန်လှုပ်ရှားနှေးကွေးဆေးရည်တွေထက် ပိုပြီးအာနိသင်ပြင်းပုံရတယ်နော်"
ပူလီစီက အေးစက်စက်နဲ့ ဟင့်ကနဲလုပ်လိုက်သည်။
"နည်းနည်းလေးအဆင့်မြှင့်ထားတဲ့ လှုပ်ရှားနှေးကွေးဆေးရည်ပါကွာ ဘာလဲ ငါက မဖြေရှင်းပေးနိုင်ဘူးလို့ ထင်နေတာလား။ ဒီလိုဆိုရင်လည်း ရှန်ဂျူဆီကိုသွားပြီး ဖြေဆေးတောင်းလိုက်လေ"
ပူလီစီပြောတာကို ကြားတာနဲ့ ဖန်းကြူပါးစပ်ပိတ်လိုက်ပါတယ်။ ရှန်ယန်ရှောင်ရဲ့ လှုပ်ရှားနှေးကွေးဆေးရည်မှာ ပြောင်းလဲမှုအနည်းငယ်လုပ်ထားရင်တောင် သမားတော်ကြီးဖြစ်သော ပူလီစီအတွက် ဘာအခက်အခဲမှ ရှိစရာမလိုပါဘူး။
ဘယ်သူမှ မကန့်ကွက်ရဲကြတာကြောင့် လောင်းဖန်နဲ့ရှန်ဂေါင်းရှောင်တို့အတွက် ဖြေဆေးကို ပူလီစီ စတင်ဖော်စပ်လိုက်ပါတော့တယ်။
လှုပ်ရှားနှေးကွေးဆေးရည်ရဲ့ အာနိသင်အတွက် ဖြေဆေးကို အနည်းငယ်ခန့်ပြုပြင်ဖော်စပ်လိုက်ပြီး သိပ်မကြာခင်မှာပဲ ဖြေဆေးရရှိသွားခဲ့ပါတယ်။
