ငရဲမှလာသောသူ [Chapter 1 to 200]

Chapter 64

#unicode

စာစဥ် (5) Chapter (64) သူ ဘာလို့ ဒီကို ရောက်လာတာလဲ?

…..

အဖြစ်အပျက်က မြန်ဆန်လွန်းလှသည့်အတွက် သူ့ကို တားရန် နောက်ကျသွားချေပြီ။

သူတို့ တုန့်ပြန်နိုင်သည့်အချိန်တွင် ယဲ့ဟူ၏ မျက်လုံးသည် အသေဖြစ်နေကာ အလောင်းအဖြစ်သာ ရှိနေတော့သည် ထို့နောက် သူက မြေကြီးပေါ်သို့ အမှိုက်အိတ်လို ပြုတ်ကျသွားတော့သည်။

*သူ သေသွားပြီ!*

*ယဲ့ဟူ သေသွားပြီ!*

ယဲ့ကလန်သားတိုင်းက ယဲ့ဖန်အား ကယောင်ချောက်ချားနှင့် ကြည့်နေကြသည်။

ယဲ့ဖန်က ယဲ့ဟူအား သူတို့ မျက်စိရှေ့မှာတင် သတ်ရဲလိမ့်မည်ဟု သူတို့ မထင်ထားခဲ့ကြ။

*ကျုပ် လူတွေကို အမြဲ ဒီလိုပဲ သတ်လေ့ရှိတယ်!*

ယဲ့ဖန်၏ ထိုစကားက ငရဲမှ တိုက်ရိုက်လာသလို ခံစားလိုက်မိပြီး အားလုံး ထိတ်လန့်ကြောက်ရွံ့လာသည်။

*ရူးနေပြီ!*

*သူ ရူးနေပြီ!*

ယဲ့ကလန်သားတိုင်း၊ အထူးသဖြင့် ယဲ့ဖန့်ချန်နှင့် ယဲ့ယွင်ရှန်တို့ မှင်တက်နေကြသည်။

*မယုံနိုင်စရာပဲ!*

"ယဲ့ဟူ!"

ယဲ့ယွင်ရှန် တုန်ယင်နေကာ ဝမ်းပန်းတနည်း ငိုယိုကာ ယဲ့ဟူ၏ ကိုယ်ကို ပြေး၍ကောက်ပွေ့လိုက်သည်။

အဖြစ်အပျက်တွေက ဆန့်ကျင်ဘက် ဖြစ်သွားလိမ့်မည်ဟု သူ မထင်ထားခဲ့။

ယဲ့ဖန်ကား သူထင်ထားသည်ထက် ပို၍ ရက်စက်လှချေသည်။

ယဲ့ဟူ၏ အလောင်းကို ပွေ့ဖက်ထားရင်း ယဲ့ဟူ၏ အလွန်တရာ ကြောက်ရွံ့နေသော မျက်လုံးတစ်စုံကို ကြည့်ကာ ယဲ့ယွင်ရှန် ဒေါသမီးတောက်လောင်လာသည်။

"ယဲ့ဖန်! မင်း..မင်း မင်းရဲ့ကလန်သားကို အားလုံးရှေ့မှာ သတ်တယ်! မင်းတော့ သေချင်နေတာပဲ..မင်းတော့ ကိုယ့်သေတွင်း ကိုယ်တူးတာပဲ!"

ယဲ့ယွင်ရှန် အသိစိတ်လွတ်သွားချေပြီ။

သူ့သား အသတ်ခံရသည့်အတွက် သူ ယဲ့ဖန်ကို သတ်၍ လက်စားချေချင်နေသည်။