ငရဲမှလာသောသူ [Chapter 1 to 200]

Chapter 48

#unicode

စာစဥ် (4) Chapter (48) ရောက်လာမှတော့ မပြန်ပါနဲ့ဦးလား!

နတ်ဆိုးနည်းပြ ယဲ့ဖန်အား တိုက်ခိုက်ပုံကို ကြည့်ပြီး အားလုံး ဆူညံပွက်လောရိုက်သွားသည်။

*ခန္ဓာကိုယ်အောက်ပိုင်း*

*လည်မျို*

*ရင်ဘက်*

*တိုက်ကွက်တစ်ခုချင်းစီတိုင်းက သေစေနိုင်တယ်*

တကယ်ကို နတ်ဆိုးနည်းပြ၏ တိုက်ကွက်တိုင်းက ယဲ့ဖန်အား သေစေနိုင်ပေသည်။

ကျောင်းသားတိုင်း မျက်နှာအမူအယာ ပျက်နေကြသည်။

ပိုင်ယီ၏ မျက်နှာသည်လည်း ဖြူဖတ်ဖြူရော် ဖြစ်နေဆဲပင်။ အရင်တစ်ခါတုန်းက ယဲ့ဖန် အန်ကယ်လ်ကျုံး၏ လက်ကို တစ်ချက်တည်းနှင့် ကျိုးသွားအောင် ထိုးခဲ့သည်ကို သူမ မြင်ဖူးသော်လည်း ဤသည်က အန်ကယ်လ်ကျုံး အားနည်းလို့ဖြစ်မည်ဟု သူမ ထင်နေသည်။

ဆက်တိုက် အထိုးခံရပြီးနောက် သူ ဘယ်လောက်လည်း သန်မာပါစေ သေချာပေါက် သူ ဒုက္ခိတ ဖြစ်သွားလိမ့်မည်။

"ရပ်လိုက်!"

ပိုင်ယီ ဒေါသတကြီး နတ်ဆိုးနည်းပြကို တားရန်ပြင်လိုက်သော်လည်း အရမ်း နောက်ကျသွားချေပြီ။

ယုဖေးနှင့် ယောင်နာတို့က ယဲ့ဖန်တော့ သွားချေပြီဟု တွေးကာ ခေါင်းတခါခါနှင့် ဖြစ်နေကြသည်။

ကုန်းဝမ်နှင့် သူ့လူနှစ်ယောက်ကတော့ ဝမ်းသာအားရ ထခုန်နေကြသည်မှာ ကောင်းကင်ကိုတောင် ခေါင်းနှင့် တိုက်မိမတတ်ပင်။

"သေလိုက်တော့…သေလိုက်တော့…ဟီးဟီး..ခွေးမသား.. မင်းတော့ ဒီတစ်ခါ အသေပဲ"ကုန်းဝမ် မုန်းတီးနေသော မျက်လုံးများဖြင့် ရေရွတ်လိုက်သည်။

ယဲ့ဖန်က သူ့ပိုက်ဆံကို ယူသွားရုံသာမက ပိုင်ယီရှေ့မှာပါ သူ့ကို အရှက်ခွဲခဲ့သည်လေ။ ယဲ့ဖန်တော့ ကြွပြီဟု တွေးရင်း ကုန်းဝမ် မတရား ပျော်နေရှာသည်။

နတ်ဆိုးနည်းပြက ယဲ့ဖန်ကို စက္ကန့်ပိုင်းအတွင်း ဆက်တိုက် ထိုးခဲ့သည်မဟုတ်ပါလား။

ဖြောင်း! ဖြောင်း! ဖြောင်း!

*သူတော့ သေပြီ*