ငရဲမှလာသောသူ [Chapter 1 to 200]

Chapter 178

ငရဲမှလာသောသူ
ဘာသာပြန် Han Shin
The Man from Hell
Author Autumn Wind 123

စာစဉ် (12) Chapter (178) ကျန်းနန်စီရင်စု ဒေသမှာ ဘာအင်အားကြီး အဖွဲ့အစည်းမှ မရှိစေရဘူး

မကြာခင်မှာပင် တစ်ရက်ကုန်ဆုံးလို့ သွားလေ၏။

ကျန်းရှီမြို့၏ ဆင်ခြေဖုံး ရပ်ကွက်အတွင်း၌ လူလေးယောက်ပါသော အဖွဲ့တစ်ဖွဲ့သည် အလွန် လျင်မြန်သော နှုန်းနှင့် တိုက်ခိုက်လို့ နေကြသည်။

ဘန်း! ဘန်း! ဘန်း!

သူတို့သည် ပြင်းထန်သော တိုက်ကွက်များဖြင့် ဆက်တိုက်ဆိုသလို တိုက်ခိုက် နေကြသည်။

ချက်ချင်းဆိုသလိုပင် သားရဲရိုင်း လေးကောင်က အသက်ကိုစွန့်၍ တိုက်ခိုက်နေသကဲ့သို့ မြေကြီးများ၊ ကျောက်တုံးများနှင့် သစ်ခက်များက နေရာအနှံ့ လွင့်ပျံလို့သွားသည်။

များစွာသော ဆန်းကြယ်ရေခဲ ပန်းဆွဲများက ငွေဖြူရောင် မြွေများ ပစ်လွှတ်လိုက်သကဲ့သို့ ထွက်ပေါ်လာသဖြင့် တိုက်ပွဲက အထွတ်အထိပ်သို့ ရောက်ရှိလာသည်။

မြေကြီး၊ ကျောက်တုံးများ၊ မြက်ပင်များ၊ သစ်ပင်များနှင့် လူများ ချက်ချင်းဆိုသလို အေးခဲသွားကြသည်။

ကြမ်းတမ်းသော တိုက်ပွဲကို ကြည့်ပြီး အခြားသူများက မြန်နိုင်သမျှ မြန်မြန် နောက်သို့ ဆုတ်သွားကြသည်။

သို့သော် အချိန်နှောင်းသွားလေပြီ။ လေတိုက်သံနှင့်အတူ ဆန်းကြယ် ရေခဲပန်းဆွဲများက သူတို့ ခြေထောက်အောက်သို့ ရောက်ရှိလာသည်။

မည်သို့မျှ မခုခံနိုင်ခင်မှာတင် သူတို့အားလုံး အေးခဲသွားကြသည်။ ထို့နောက် ပြင်းထန်သော တိုက်ကွက်တစ်ကွက် ကျရောက်လာကာ လူသုံးယောက် သုံး၊လေးမီတာခန့် လွင့်ထွက်သွားပြီးမှ မြေကြီးပေါ်သို့ ပြန်ပြုတ်ကျသွားသည်။

ထိုအခါတွင်မှ မိန်းမလှလေး တစ်ယောက် ပေါ်ထွက်လာသည်။ သူမကတော့ အန်းရှီပင် ဖြစ်သည်။

သူမနှင့် မျက်နှာချင်းဆိုင်တွင် ညအဖွဲ့မှ အရှင်သခင် သုံးယောက်က ဖိုသီဖတ်သီ ဆံပင်များ၊ ပေရေနေသော မျက်နှာများနှင့် ထိတ်လန့်ကာ အရှက်ရနေပုံ ပေါ်နေသည်။