'' អន្ទាក់ចិត្តអន្លង់ស្នេហ៍'' 🍂

ភាគ២១

Laacy រត់ចូលបន្ទប់ទឹកបិតទ្វារគ្រាំង នាងអង្គុយសម្ងំនៅខាងក្នុងមួយសន្ទុះបណ្តោយឲ្យទឹកភ្នែកស្រក់មួយសេរីសិនទើបលើកដៃមកជូតចេញ នាងទ្រាំសម្លឹងរូបភាពប្តីខ្លួនឯងស្និទ្ធស្នាលជាមួយស្រីផ្សេងទាំងដែលបណ្តើរនាងមកជាមួយដែរបើគង់តែបែបនេះដដែលមិនបាច់នាំនាងមកទេ ទៅបណ្តើរស្រីៗដែលស្គាល់មកចុះ។
Laacyបើកទ្វារចេញពីបន្ទប់ទឹកមកឈរឆ្លុះកញ្ចក់រួចយកក្រែមលាបមាត់ចេញពីក្នុងការបូបមកថែមដើម្បីកុំឲ្យមើលទៅវាឃើញស្លេកពេក។
'' ត្រូវចាំថាឯងជាប្រពន្ធមិនមែនមិត្តភក្តិលេងសើចឬក៏ស្រីកំដររបស់គេឡើយ'' នាងនិយាយដាក់ខ្លួនឯងឆ្លើយឆ្លងជាមួយកញ្ចក់រួចក៏ញញឹមឡើងវិញ ទើបចូលទៅក្នុងកម្មពិធីវិញ តែនាងកាន់តែស្រងាកចិត្តលើសមុនថែមទៀតនេះសង្សារបស់គេក៏មកដែរឬ? ព្រះអើយតើគេនៅមានស្រីផ្សេងទៀតដែរទេនាំមកឲ្យអស់មកងាយស្រួលនិងនាងបានចំណាំមុខទុក។
Sugaក្រឡេកមកឃើញប្រពន្ធគេក៏ព្រលែងដៃពីចង្កេះសង្សាមករកនាងវិញ មកធ្វើដូចជាបារម្ភណាស់ទាំងមុននេះឃើញអោបចង្កេះសង្សាសោះពូកែសម្តែងដ៏ហើយប្តីរបស់នាង។
'' ទើបមកពីណា? នាងកើតអីឬអត់? Okay ដែរទេ?''
'' okayគ្រប់គ្រាន់និងមើលលោកអោបស្រីបាន'' នាងទាញដៃគេពីផ្ទៃមុខ ញញឹមទាំងសើមត្របកភ្នែកដាក់គេ នេះហើយអារម្មណ៍ស្រលាញ់ចំពោះគេដែលផ្តល់មកវិញគឺជាទឹកភ្នែករបស់នាង មិនគិតកោតក្រែងចិត្តអ្នកផ្សេងដែលមើលមកខ្លះទេឬ?
'' នាងokay ល្អហើយចឹង..ចាំមើលបន្តទៀតក៏មិនអី'' គេឌឺមកវិញហើយគិតចង់ឲ្យនាងកកឈាមស្លាប់មួយរំពេចតើមែនទេ? យល់ចិត្តនាងខ្លះដែរទេបើមិនបានស្រលាញ់ក៏គួរផ្តល់កិត្តិយសឲ្យនាងខ្លះផងនាងជាប្រពន្ធរៀបការចាស់ទុំដឹងលឺគ្រប់គ្នា។
'' ចា៎..លោកប្តីខ្ញុំចាំមើលបានជានិច្ច'' នាងអោនជំទើតជើងខ្សឹបដាក់ត្រចៀកថែមទាំងយកដៃមកអង្អែលដើមទ្រូងគេទៀតវាកំពុងតែដាសអារម្មណ៍គេឡើងមកហើយដែលធ្វើបែបនេះ។
'' ប្រពន្ធខ្ញុំល្អបំផុតដែលមិនចេះប្រច័ណ្ឌប្តី'' គេទាញនាងមួយវឹបមកផ្អឹបជាប់ចង្កេះ ដោយមិនខ្វល់ពីភ្នែកដែលកំពុងសម្លឹងមកឡើយ។ Yanieក្តាប់ដៃ ខាំបបូរមាត់ស្ទើរស្រក់ឈាមពេលសម្លឹងចំមកពួកគេ។
'' សង្សាលោករករឿងកំបន្ទោសខ្ញុំឲ្យសោះ''
Laacyថើបថ្ពាល់គេមួយខ្សឺតឌឺអ្នកជាសង្សា នាងញញឹមស្អាតណាស់ពេលបញ្ចេញអាការះហួងហែងរបស់ខ្លួនតាំងពីដើមមក សង្សាវាយ៉ាងម៉េចតែនាងជាប្រពន្ធកុំមកចង់ហក់ដាក់ កុំឲ្យដល់ពេលនាងកាចថានាងអាក្រក់។
'' ចាំដល់ផ្ទះខ្ញុំឲ្យរង្វាន់ដែលនាងថើបប្តីកណ្តាលពិធីបែបនេះ''
'' គិតថាខ្ញុំចុះញ៉មលោក?''
'' ថាមិនត្រូវដែរ'' sugaញញឹមចុងមាត់ភ្នែកគិតតែពីសម្លឹងមើលដើមទ្រូងរបស់នាង។
'' មនុស្សចង្រៃ..'' នាងច្រានទ្រូងគេចេញដើរទៅកន្លែងផ្សេងរំងាប់អារម្មណ៍ដែលគេធ្វើដាក់នាង វាជាឱកាសរបស់ស្រីផ្សេងហើយបើនាងដើរចេញបែបនេះ។
Yanie ចូលមកអោបដៃអូសគេចូលក្នុងវង់ដែលមានគូរស្នេហ៍ជាច្រើនកំពុងតែរាំរែក គេរាំបញ្ឈឺចិត្តប្រពន្ធដែលសម្លឹងមកគេ ដឹងលឺហហើយថានាងស្រលាញ់តែចាំបាច់អីធ្វើបាបចិត្តនាងដល់ថ្នាក់នេះថោកទាបបំផុតហើយ។
'' មនុស្សចង្រៃ..''
'' កុំយំទៅបញ្ឈឺគាត់វិញទៅ'' laacy បែរក្រោយមើលអ្នកដែលនិយាយមកកាន់នាង គេលើកដៃមកជូតទឹកភ្នែកឲ្យនាង ព្យាយាមធ្វើឲ្យនាងញញឹមឡើងវិញ ។
'' Taehyungលោកមកទីនេះដែរ?''
'' កុំសួរច្រើនតោះទៅរាំខ្ញុំនិងធ្វើឲ្យនាងដឹងថាគាត់កំពុងតែប្រច័ណ្ឌជាមួយនាង'' laacy ត្រូវTaehyuungអូសដៃចូលក្នុងវង់រាំជាមួយគេ។ ដៃអោបចង្កេះរបស់នាង ភ្នែកសម្លឹងមើលអ្នកជាបង ។
'' នាងមិនគួរយំទេ..លែងស្អាតអស់ហើយដឹងទេក្មេងតូច'' Taehyungធ្វើឲ្យនាងញញឹមបានទៀតហើយពេលក្បែរគេ នាងញញឹមគ្រប់ពេលមិនដែលពិបាកចិត្តឡើយទុក្ខសោករត់ចាកឆ្ងាយភ្លាមតែម្តង។
'' លោកសង្ហារណាស់''
'' នាងស្អាតដាច់គេនៅក្នុងកម្មពិធីតែម្តងហើយដឹងខ្លួនទេ?'' ពួកគេរាំបណ្តើរនិយាយលេងសើចបណ្តើរចិត្តឆ្អួលឆ្អៅទោសៈកំពុងតែរួបរឹតឲ្យកើតជាភ្លើងប្រច័ណ្ឌហើយ ។ Sugaសម្លឹងតែមកគូរប្រពន្ធដោយមិនខ្វល់ពីមនុស្សស្រីដែលរាំជាមួយឡើយ គេព្រលែងYanieចេញពីរង្វង់ដៃ។ ដើរចេញពីកន្លែងរាំទាំងក្តៅចិត្តមិនស្ទើរ។
'' ចង្រៃយ៎..'' Yanieទន្រាំជើងខាំមាត់ខឹងណាស់តែមិនដឹងធ្វើយ៉ាងណា មានតែខ្មាសអ្នករាំក្បែរខ្លួនប៉ុណ្ណោះ។
'' ប្រឹប..''
សម្លេងឆោឡោរបស់អ្នកគ្រប់គ្នាស្រែកឡើងព្រោះតែភ្លើងនៅក្នុងកម្មពិធីដាច់ងងឹតស្លុបមើលអ្វីក៏មិនឃើញ។
'' Taehyung ''
'' ខ្ញុំនៅត្រង់នេះកាន់ដៃខ្ញុំឲ្យជាប់''
'' អ្អាយ៎..'' និយាយមិនទាន់ទាំងដឹងអ្វីផង នាងត្រូវគេអូសកញ្ឆក់កញ្ឆែងចេញពីTaehyung យ៉ាងលឿន ។ Taehyung គេដឹងច្បាស់ណាស់ថាជាអ្នកណាទើបមិនដេញតាមទៅរករឿងប្តីប្រពន្ធគេកុំចេះដឹង។
'' លែងអ្នកណានិងលែងខ្ញុំ''
'' បិតមាត់ស្រីហាច់'' នាងដឹងច្បាស់បំផុតសម្លេងបែបនេះគ្មានអ្នកណាទៀតឡើយ គេអូសនាងចេញពីក្នុងកម្មពិធីស្ទើរតែផ្កាប់មុខ ស្បែកជើងកែងចោតផងចេះតែអូសផ្កាប់មុខអស់ធ្មេញមិនខាន។
'' លែងដៃខ្ញុំ''
'' កុំមកបញ្ជាខ្ញុំជាប្តីនាងមានសិទ្ធិលើនាងគ្រប់យ៉ាងចាំទុកក្នុងខួរ'' គេងៀកមកសម្លុតឲ្យនាងមិនថ្នមសម្លេងធ្វើឲ្យទឹកភ្នែកនាងស្រក់មកវាជៀសមិនដែលផុតឡើយ ។
'' លែងខ្ញុំទៅ Yoongi លោកឆ្កួតហើយ..ហ្អឺកៗ..'' Sugaលើកនាងបីម្តងបើអូសអញ្ចឹងយឺតណាស់ទ្រាំលែងបានឥលូវហើយ។
'' ដាក់ខ្ញុំចុះ..លែងទៅ..'' នាងទធាក់រមៀលរមួលចង់ចុះតែគេមិនព្រមជាមួយឡើយប្រច័ណ្ឌឡើងញ័រសាច់ហើយនាងទ្រោមខ្លួនមិនខានយប់នេះ។
'' ងុឺត..'' គេញត់នាងចូលក្នុងឡានរួចថយឡានបើកចេញទៅយ៉ាងលឿនមិនបានត្រឡប់ទៅផ្ទះវិញឡើយគឺទៅខនដូរវាងាយស្រួលជាងចង់នាងស្រែកដល់បែកបំពង់ករក៏គ្មានដឹងលឺជាមួយឡើយ ។
'' Yoongi ឈប់ឡានកុំបើកលឿនពេក..ហ្អឺកៗ..ខ្ញុំសុំអង្វរ..ហឺកៗ..Yoon...Gi !'' laacy ដង្ហក់ខ្យល់និយាយលែងចេញសន្លប់បាត់មាត់ឈឹង ក៏ដឹងហើយថាបើស្លុតពេកជំងឺរបស់នាងប្រាកដជារើឡើង ។
'' Laacy '' Sugaឈប់ឡានត្រកងរាងកាយរបស់នាងមកក្នុងដៃគេទះថ្ពាល់នាងតិចៗឲ្យដឹងខ្លួនយកការបូបរបស់នាងយកថ្នាំចេញមក គេបាញ់វាចូលក្នុងមាត់របស់នាង ហើយក៏បានផលពិតមែននាងបើកភ្នែកព្រឹមៗតែក៏សន្លប់ទៅវិញទៀត ។

____

Suga បោះរ៉ូបរបស់នាងទម្លាក់ចុះមកក្រោមបន្ទាប់ពីជូតខ្លួនឲ្យនាងរួចថាយកមកដាក់ទោសតែអត់ដដែលនាងសន្លប់មិនទាន់ដឹងខ្លួនទៀត។
គេក៏ចូលទៅងូតទឹកសម្អាតខ្លួនពេលចេញមកវិញក៏ឃើញLaacy បម្រុងបើកទ្វាររត់ទើបគេស្ទុះទៅចាប់នាងបោះមកលើពូកវិញ ចាក់គន្លឹះទ្វារមកឈរច្រត់ចង្កេះក្តាប់មាត់សម្លក់មុខនាង។
'' ល្បិចពេញខ្លួនធ្វើពុទជាសន្លប់មិនទាន់ដឹងខ្លួន..ហឹស..ខ្ញុំមិនគួរចាញ់បោកនាងទេ'' នាងក៏ទើបតែដឹងខ្លួនមុននេះដែរទើបរត់ធ្លោយឲ្យគេចាប់បាន ។
'' លោកចង់ធ្វើអីខ្ញុំទៀតហើយ? សុំអង្វរកុំធ្វើបាបខ្ញុំអីណា៎..ខ្ញុំមិនចង់ត្រូវឈឺខ្លួយនទៀតទេ'' នាងរំកិលជង្គង់អង្រួនដៃអង្វរករដល់លោកប្តីដែលចិត្តខ្មៅមុខងាប់ព្យាយាមចង់ដាក់ទោសនាងដោយការរំលោភ ។
'' ខ្ញុំស្អប់នាងដែលចូលចិត្តទៅស្និទ្ធស្នាលជាមួយTaehyung ..'' គេគ្រលាស់ដៃចេញពីនាងដើរវាងទៅអង្គុយជិតក្បាលដំណេក ខឹងមែនទែនហើយឬទើបក្រញ៉ូវដល់ថ្នាក់នេះ។
'' ខ្ញុំ..ខ្ញុំ..ហ្អឺកៗ..លោកកុំធ្វើបាបខ្ញុំដោយបែបដូចធ្វើរាល់ដងអីណា៎..ខ្ញុំខ្លាចហើយ'' នាងអាចក្រាបក្បាលដល់បាតជើងគេបាន ប្រសិនបើគេឈប់ធ្វើបែបនោះដាក់នាង ។
'' មកជិតខ្ញុំហើយសន្យាថាមិនធ្វើឲ្យខ្ញុំខឹងទៀតពីរឿងនេះ..ជាពិសេសរឿងក្បែរប្រុសផ្សេង'' laacy អង្គុយបត់ជើងអោនមុខចុះក្បែរដៃរបស់គេ លែងហ៊ានហាស្តីព្រោះកំពុងតែភ័យខ្លាច។
Suga យកដៃទៅប៉ះនាង ក៏នាងភ្ញាក់ដែរឡើងមុខស្លេកសម្លឹងមកគេ។
'' ខ្ញុំមូលដៃអាវឲ្យនាង..មិនបានចង់ធ្វើអីទេ'' នាងសម្លឹងមើលដៃអាវដែលវែងហៀរលើសម្រាមដៃ នាងពាក់អាវរបស់គេប្រុងរត់ចេញក្រៅមិនបានមើលអ្វីឡើយសម្បីតែឡេវអាវក៏បិតមិនគ្រប់ឲ្យគេបង្គប់ថែមដែរ។