အလုပ်သမားတွေက Dilumo လိုချင်တဲ့ ကမ်းခြေမြင်ကွင်းကို ပြုလုပ်ပေးလိုက်သည်။ Dilumo က သူ့ကိုယ်သူ ကျွမ်းကျင်တဲ့သူတစ်ယောက်လို အပြစ်ရှာပြီး ပြောဆိုနေသည်။ အလုပ်သမားတွေကလည်း မျက်နှာသေနဲ့ သူပြောတာမှန်သမျှကို သည်းခံနားထောင်နေပြီး မျက်စောင်းထိုးချင်စိတ်ကို ဖိနှိမ်ထားကြသည်။
ရိုက်ကူးရေးစတော့ Dilumo က အဖြူရောင်သဲသောင်ပြင်ပေါ်မှာ ရေကူးဘောင်းဘီနဲ့ လျှောက်လာသည်။ သူက ဆံပင်ကို ကစားနေပြီး ကင်မရာဘက်မျက်နှာမူကာ သူ့ကိုယ်သူ ကြည့်လို့အကောင်းဆုံးလို့ ယူဆထားတဲ့ ပို့စ်ကို ပေးနေသည်။ သူပို့စ်ပေးတာ ပြဿနာ မရှိပေမယ့် သူတောင်းဆိုထားတဲ့ ကင်မရာရွေ့လျားမှုရဲ့ မြင်ကွင်းက ဒါရိုက်တာကို မျက်မှောင်ကျုံ့စေသည်။
ရိုက်ကူးရေးပြီးတော့ Dilumo က video ကို လာကြည့်သည်။ ကြည့်ပြီးတော့ ချက်ချင်းပြောသည်။ '' ဘာဖြစ်သွားတာလဲ။ ငါပြောသလိုကော ရိုက်ရဲ့လား။''
ဒါရိုက်တာက Dilumo ကို လျစ်လျူရှုထားသည်။ ဒါရိုက်တာ့ လက်ထောက်က '' မင်းပြောသလို ရိုက်ထားတာပဲလေ။''
" မဖြစ်နိုင်ဘူး။'' Dilumo က မကျေနပ်စွာပြောသည်။ '' ငါပြောသလို ရိုက်တာဆိုရင် မြင်ကွင်းက ဒီလိုဖြစ်နေမှာ မဟုတ်ဘူးလေ။ အခုတော့ ကြည့်ပါဦး။''
" ဒီလောက်တောင် ဖြစ်တာ။ မင်းဘာသာမင်း ရိုက်ပါလား။'' ဒါရိုက်တာက စိတ်မရဗည်စွာပြောသည်။ ကိုယ့်ကိုကိုယ် အထင်ကြီးလွန်းတဲ့သူတွေ အမုန်းဆုံးပဲ။
" ငါရိုက်ရင် မင်းထက်ကောင်းမှာဘဲ။ ငါအရင်က ရိုက်တဲ့ကြော်ငြာတွေက ဒါရိုက်တာကို ငါညွှန်ကြားခဲ့တာတွေပဲ။ မင်းတို့မှာ အလုပ်သမားကျင့်ဝတ်တွေ မရှိဘူးလား။ ငါ့ဘာသာရိုက်လို့ မရဘူးဆိုတာသိရဲ့သားနဲ့ ငါကိုပြောလိုက်သေးတယ်။'' ဒီလို ရလဒ်မကောင်းတာကို Dilumo က ဒါရိုက်တာနဲ့ ရိုက်ကူးအဖွဲ့ကို အပြစ်ပုံချသည်။ ဒီလူတွေက သူ့ကို အမှတ်မြင့်မြင့်ပေးမှာ မဟုတ်မဲ့အတူတူ သူ့ပရိတ်သတ်တွေ ရင်ထဲမှာ သူက တော်နေရင် ရပြီ။
ရိုက်ကူးရေးအလုပ်သမားတွေက နောက်ဆုံးတော့ မျက်စောင်းထိုးတော့သည်။ အရှက်မရှိတဲ့လူတွေ မြင်ဖူးပါတယ်။ ဒီလူက အရှက်မရှိဆုံးပဲ။
YOU ARE READING
အရံဇာတ္ေကာင္၏လွည့္ျဖားျခင္း system
Fantasyကမ႓ာ႓ၻေပါင္းမ်ားစြာရဲ႕ အရံဇာတ္ေကာင္အျဖစ္ ဝင္စားဖို႔တြန္းအားေပးျခင္းကို သူခံရတယ္။ သူဒါကိုလံုးဝဆန္႔႔က်င္တယ္။ အရံဇာတ္ေကာင္ထက္စာရင္ ဗီလိန္ဘဝက ပို၍သာလြန္ဦးမယ္ အရံဇာတ္ေကာင္ဆိုတာ ဇာတ္လိုက္ရဲ႕ နင္းခံရတဲ့ ေက်ာက္တံုးဘဝသာသာပဲ။ သူ...
