Dilumo က Conley အိမ်နားမှာ ဝိုင်းနေတဲ့ သတင်းထောက်တွေကို ဂရုမစိုက်ပဲ အိမ်ထဲကို တွန်းတိုးဝင်လာသည်။
" မင်းလုပ်တာမလား။ ဗီဒီယိုတွေ မီဒီယာကို ပေးလိုက်တာ မင်းလား။'' Dilumo က Conley ကော်လံကို ဆောင့်ဆွဲပြီး မျက်နှာက ဒေါသကြောင့် ရှုံ့တွနေသည်။
" ငါ မဟုတ်ဘူး။'' Conley က Dilumo ကို တွန်းလွှတ်ပြီး ပြန်အော်သည်။ ''ငါက ဒီဗီဒီယိုတွေ မီဒီယာကို ဘာလို့ပေးရမှာလဲ။ ငါအခြေအနေက ဒီလောက်တောင် ဆိုးဝါးနေတာ မင်းကို ဖျက်ဆီးလိုက်လို့ ငါ့အတွက် ဘာအကျိုးရှိမှာလဲ။''
" ဒါဆို ဘာလို့ မီဒီယာက ဗီဒီယိုတွေ တွေ့သွားတာလဲ ပြောစမ်းပါဦး။ ပြောလေ။''
" ငါ့ဖုန်းပျောက်နေတာ တော်တော်ကြပြီ။ အဲ့နေ့က စတူဒီယိုမှာ သတင်းထောက်တွေ ငါ့ကို တွန်းတော့ ကျပျောက်သွားပြီး တစ်ယောက်ယောက် ကောက်သွားသွားတာနေမှာ။''
" မင်းလိမ်နေတာ။'' Dilumo က မယုံပေ။ '' မင်းဖုန်းကို တစ်ယောက်ယောက် ကောက်သွားတယ်ဆိုရင်တောင် ဖုန်းက ဘာလို့ အလွယ်တကူ ဖွင့်လို့ရနေတာလဲ။ မင်းကရော ဘာလို့ ခိုးပြီးရိုက်ထားတာလဲ။ ငါ့ကို အစကတည်းက ထောင်ဖမ်းချင်လို့ အကွက်ဆက်ခဲ့တာမလား။''
" ငါ့ထွက်ပေါက်ကို ရှာထားတာလေ။'' Conley က ဆိုဖာပေါ် အားလျော့စွာ ထိုင်လိုက်ပြီး မျက်နှာကို ပွတ်သပ်နေသည်။ '' ငါက မင်းကို မှီခိုပြီး ပိုက်ဆံရှာနေရတော့ တစ်ခုခုကို ဆုပ်ကိုင်ထားမှ ဖြစ်မယ်။ မဟုတ်ရင် မင်းငါ့ကို တစ်နေ့မှာ စွန့်ပစ်သွားရင် ငါအားလုံးဆုံးရှုံးသွားလိမ့်မယ်။ ဒီလိုဖြစ်လာမှန်း ငါမသိခဲ့ဘူး။ ငါလည်း မဖြစ်စေချင်ဘူး။''
" မဖြစ်စေချင်ဘူး ဟုတ်လား။'' Dilumo ရဲ့ မျက်နှာက ဒေါသကြောင့် ဖြူဆုတ်သွားသည်။ '' မဖြစ်စေချင်ရင် ဘာလို့ ဗီဒီယိုတွေ ခိုးရိုက်ထားတာလဲ။ မဖြစ်စေချင်ရင် ဘာလို့ ဗီဒိယိုတွေကို ဖော်ထုတ်လိုက်တာလဲ။ မင်းအခု ကျေနပ်ပြီမလား။ ရှင်းရှင်းလင်းလင်းပြောစမ်းပါ မင်း Arthur Yang နဲ့ ပေါင်းကြံထားတာမလား။''
" အဓိပ္ပါယ်မရှိတာတွေ မပြောနဲ့။ ငါ တံခါးဝကနေ ထွက်လို့တောင်မရဘူး။ ဘယ်လိုလုပ် သူနဲ့ ပေါင်းကြံလို့ရမှာလဲ။ သူက ငါ့ကို ခွင့်လွတ်ပြီး ငါနဲ့ ပူးပေါင်းမယ်များ ထင်နေလား။''
YOU ARE READING
အရံဇာတ္ေကာင္၏လွည့္ျဖားျခင္း system
Fantasyကမ႓ာ႓ၻေပါင္းမ်ားစြာရဲ႕ အရံဇာတ္ေကာင္အျဖစ္ ဝင္စားဖို႔တြန္းအားေပးျခင္းကို သူခံရတယ္။ သူဒါကိုလံုးဝဆန္႔႔က်င္တယ္။ အရံဇာတ္ေကာင္ထက္စာရင္ ဗီလိန္ဘဝက ပို၍သာလြန္ဦးမယ္ အရံဇာတ္ေကာင္ဆိုတာ ဇာတ္လိုက္ရဲ႕ နင္းခံရတဲ့ ေက်ာက္တံုးဘဝသာသာပဲ။ သူ...
