បល្ល័ង្កស្នេហ៍ (រដូវកាលទី ០២ : SELFISH LOVE) [ ចប់ ]

ភាគទី៤៧

បល្ល័ង្កស្នេហ៍💔              
ភាគទី៤៧

"អត់ទេ ហ៊ឹកមិនទៅជាមួយប៉ាៗទេ"នាងល្អិតអែមមីរើបម្រាស់គេចចេញពីការអោបក្រសោបរបស់ឪពុករួចប្រញាប់រត់មកជ្រុងម្ខាងដែលមានវត្តមានរបស់បងស្រី ហ្វីលីណាក៏លូកដៃអោបក្រសោបប្អូនកាលបើបានឃើញនាងរត់ស្ររមកអោបខ្លួនទាំងយំសស្រាក់បែបនេះ ហូស៊ុកក៏បានតែឈរទ្រឹងសម្លឹងមើលកូនស្រីដែលមើលទៅដូចជាស្អប់ខ្ពើមមិនចង់នៅក្បែរខ្លួន ក្នុងទ្រូងក៏ធ្ងន់ត្រដុកដូចជាសង្កត់ថ្មទម្ងន់ធ្ងន់មួយចឹង កាលបើឃើញសភាពការណ៍មើលទៅតានតឹងបែបនេះជូហ្វីនាងក៏ខិតខ្លួនបន្តិចទៅជិតក្មួយស្រីដែលកំពុងតែយំនោះរួចក៏លោទាញនាងឡើងពរជាប់នឹងចង្កេះរួចក៏បោះជំហានចាកចេញទៅព្រោះគិតថាបើសិនជានៅទីនេះក៏មិនអាចជួយអ្វីបានឡើយ អែមមីនាងច្បាស់ជាយំទាល់តែឈឺជាមិនខាន
"ធ្វើចិត្តឲ្យត្រជាក់ទៅអែមមីអាចនៅទីនេះសិនបាន នាងនៅក្មេងនៅមិនទាន់អាចធ្វើចិត្តបាននៅឡើយទេ ម៉្យាងនាងក៏នៅតែគិតថាម្ដាយនាងនៅមានជីវិតរស់រាន ទុកពេលឲ្យនាងសិនទៅ"នាយសម្លាញ់ក៏ដើរមកជិតហូស៊ុករួចក៏ទម្លាក់ដៃដាក់លើស្មានាយព្យាយាមនិយាយពន្យល់នាយឲ្យបានស្ងប់ចិត្តទោះជាគេដឹងថាសម្លាញ់ម្នាក់នេះមានចិត្តក្ដៅប៉ុណ្ណាក៏ដោយ។
"មកតាមយើង"ណាមជុនក៏អូសទាញសម្លាញ់នៅឈរធ្មឹងឲ្យមកតាមខ្លួនទៅកាន់កញ្ចុះដែលមាននាយកម្លោះយ៉ុនរង់ចាំទីនោះជាស្រេចបានហូស៊ុកមកក៏ហាក់ដូចជាបានសាក្សីសំខាន់ថ្មីម្នាក់ទៀតចឹងព្រោះមានតែគេប៉ុណ្ណោះដែលដឹងថាស្កាលេតមានបញ្ហាអ្វីរឺក៏អ្នកណាដែលធ្លាប់ទាស់ទែងជាមួយនាងកន្លងមក។
"សួស្ដីលោកអាល់ម៉ាឌី"យ៉ុនហ្គីនិយាយស្វាគមន៍វត្តមានអ្នកទើបមកដល់នោះ ហូស៊ុកបានតែញញឹមស្ងួតបន្តិចរួចក៏អង្គុយចុះនឹងកៅអីទល់គ្នាជាមួយយ៉ុនហ្គីនឹងណាមជុន
"ខ្ញុំមានរឿងចង់ពិភាក្សាជាមួយនឹងលោកព្រោះថាខ្ញុំរកបានតម្រុយខ្លះទាក់ទងនឹងជនល្មើសដែលបានដាក់ថ្នាំអ្នកនាងស្កាលេតមុនពេលឈានដល់អ្នកនាងលេតធ្វើអត្តឃាត"គ្រាន់ពាក្យមួយឃ្លាថាអត្តឃាតនេះបន្លឺឡើង ទ្រូងខាងឆ្វេងរបស់នាយហូស៊ុកសឹងតែរបូតធ្លាក់ចេញមកខាងក្រៅទៅហើយ ដៃមាំទម្លាក់ចុះលូកកាន់ក្រសោបភ្លៅខ្លួនឯងព្យាយាមទប់អារម្មណ៍កម្សួលកំពុងធ្វើទុក្ខនោះ ណាមជុនដឹងស្ថានការណ៍គេក៏ដាក់ដៃទម្លាក់គោះស្មាហូស៊ុក ងក់ក្បាលតិចៗប្រាប់គេឲ្យសម្រួលអារម្មណ៍ដើម្បីស្ដាប់មើលរឿងទាំងអស់ដែលកើតឡើងលើលេត បើសិនជាគេមិនបានបំពេញតួនាទីជាស្វាមីមួយរូបសាកសមសម្រាប់នាងយ៉ាងហោចណាស់ក៏គេអាចស្វែងរកយុត្តិធម៌ឲ្យនាងដែរ។
"នេះជាគណនីរបស់ជនអានាមិកដែលខាងប៉ូលីសស៊ើបបាន ពួកយើងកំពុងតែព្យាយាមតាមដានជនសង្ស័យដែលបញ្ជាទិញថ្នាំនោះហើយគេក៏ជាមនុស្សតែមួយដែលបង្ហាញខ្លួននៅថ្ងៃដែលអ្នកនាងជេនត្រូវបានគេសម្លាប់នោះ"
"ចឹងបានន័យថាមានមនុស្សផ្សេងទៀតដែលនៅពីក្រោយរឿងទាំងអស់នេះហើយជេនក៏..."
"អ្នកនាងជេនក៏ត្រូវគេបោកប្រើហើយក៏សម្លាប់នាងដើម្បីបំបិទភស្តុ័តាង"
"អ្នកនៅពីក្រោយរឿងនេះគិតគូរបានល្អខ្លាំងណាស់"ណាមជុនសង្គ្រឺតធ្មេញក្រតៗនឹកខឹងដល់អ្នកដែលធ្វើរឿងទាំងអស់នេះ ប្រាកដណាស់ទោះបីជាត្រូវចំណាយអស់ប៉ុន្មានក៏ដោយគេសន្យាថានឹងរកអ្នកនៅពីក្រោយរឿងនេះមកដាក់ទោសឲ្យទាល់តែបាន។
"លេតត្រូវគេធ្វើបាបគ្រប់ពេលកន្លងមកតែខ្ញុំបែរជាមិនដឹង គួរឲ្យអស់សំណើចខ្លាំងណាស់"រាងក្រាស់ដែលនៅអង្គុយចាំស្ដាប់ក្បែរនោះក៏លាន់មាត់ឡើងទាំងហួសចិត្តនឹងខ្លួនឯង ហូស៊ុកញញឹមចំអកឲ្យខ្លួនឯង ដៃមាំលូកក្ដាប់ក្រដាសនោះសឹងតែដាច់រហែកអស់ព្រោះតែកំហឹងក្រោធក្រាធ...
(បងនឹងអូសក្បាលវា...អូសវាមកកាត់ទោសឲ្យបាន)