បល្ល័ង្កស្នេហ៍ (រដូវកាលទី ០២ : SELFISH LOVE) [ ចប់ ]

ភាគទី៥៨

បល្ល័ង្កស្នេហ៍ 💔
ភាគទី៥៨

    ផាំងៗ
សម្លេងគ្រាប់កាំភ្លើងបាញ់ឡើងផ្ទួនគ្នាដល់ទៅពីរដងបន្លឺចេញពីកាណុងកាំភ្លើងខ្លីរបស់នាយសង្ហាឈរនៅផ្លូវម្ខាងក្បែរនោះទុកជាការគម្រាម កែវភ្នែកស្រស់ថ្លាប្រែប្រួលមកជាកំណាចវិញវាសដោយកំហឹងស្ទើរតែប្រេះរាងកាយ បំណងត្រឡប់មកវិញយកសោរផ្ទះមកឲ្យប្អូនស្រីគេដើរចេញទៅតែមួយភ្លែតប៉ុណ្ណោះតែបែរជាមានមនុស្សម្នាក់លបលួចចូលមក ជាមនុស្សដែលគេស្អប់...
"ហូស៊ុកអាល់ម៉ាឌី!"រ៉ាហ្វែលឧទានឈ្មោះនាយសង្ហាដែលកំពុងតែព្យាយាមឈោងក្រសោបប៉ះពាល់រាងកាយប្អូនស្រីខ្លួន ជំហានជើងបោះវែងដៃឈានចាប់ទាញករអាវហូស៊ុកផ្នែកខាងក្រោយឲ្យគេក្រោកថយក្រោយសឹងតែអស់ជំហរ ហូស៊ុកងាកបែរសម្លឹងមើលទៅរ៉ាហ្វែលតែបែរជាត្រូវគេម៉ាត់មួយកណ្ដាប់ដៃដួលខ្ពោកទៅលើដីប្រឡាក់ប្រឡូសខ្លួនសក្បុសសុទ្ធតែធូលី...
"បងហ្វែលហ៊ឹក"រាងតូចស្រែកបន្លឺហៅឈ្មោះបងប្រុស ជើងកង់រទេះបន្លឺព្រោះកម្លាំងបង្វិលរបស់ស្កាលេតឲ្យបម្លាស់ទីមកកៀកជិតបងប្រុសទឹកមុខនាងហាក់មើលទៅភ័យខ្លាចនឹងវត្តមានអ្នកទើបមកដល់ម្នាក់នេះណាស់ រ៉ាហ្វែលរហ័សលូកកាន់ក្រសោបថ្ពាល់រួចក៏រុញនាំនាងបំណងចូលក្នុងផ្ទះវិញ
"អឹស ហ៊ឹសលេត..ហ៊ឹសៗ"ដៃមាំប្រឡាក់ដោយធូលីដីព្យាយាមលើកទប់កង់រទេះភរិយាមិនឲ្យទៅ រាងកាយទ្រុឌទ្រោមដោយសារតែកម្លាំងដាល់រ៉ាហ្វែលបង្កឲ្យបបូរមាត់ស្រស់សង្ហាគេដាបហូរឈាមមករឹមៗមើលទៅគួរឲ្យអាណិតតែវាហាក់មិនបានរង្គោះរង្គើពួកគេទាំងពីរទាល់តែសោះជាពិសេសនោះគឺស្កាលេត នាងសម្លឹងមើលមកគេទាំងក្រសែភ្នែកទទេស្អាតហាក់មិនបានចងចាំអ្វីរឺក៏មានភាពនឹករលឹកដូចជាគេមានមកលើនាងឡើយ។
"ឯងមានសិទ្ធិស្អីមកដល់ទីនេះ?"
"យើង..ហ៊ឹស!យើងមក...ឌឹប"
ហូស៊ុកនិយាយមិនទាន់ចប់ឃ្លាប្រយោគផងក៏ត្រូវរ៉ាហ្វែលហក់ម៉ាត់មួយដៃថែមដួលខ្ពោកនៅលើដីក្រួសខាងមុខផ្ទះ ឈាមហូររហាចកាត់លើបបូរមាត់គេ រ៉ាហ្វែលដាល់គេស្ទើរតែស្លាប់នឹងកន្លែងទៅហើយតែបែរជាមិនអាចសូម្បីតែពន្លឺកំហឹងក្នុងខ្លួននាយបានព្រោះថារឿងកន្លងដែលម្សៀរត្រកូលអាល់ម៉ាឌីនេះប្រព្រឹត្តវាច្រើនលើសលុបពីពាក្យថាទារុណកម្មនេះទៅទៀត...
"ឯងគ្មានសិទ្ធិមកជាន់ទីនេះរឺក៏បង្ហាញមុខឲ្យប្អូនស្រីយើងឃើញទៀតនោះទេ បើមានលើកក្រោយទៀតយើងច្បាស់ជាសម្លាប់ឯងប្រាកដណាស់ហូស៊ុក អាល់ម៉ាឌី ហ៊ឹស"រ៉ាហ្វែលយារជើងទាល់រាងកាយទ្រុឌទ្រោមដេកស្ដឹងលើដីក្រួសឲ្យខ្ទាតប៉ើងទៅកន្លែងមួយផ្សេងទៀត កែវភ្នែកស្រទន់របស់នាងល្អិតនៅលើរទេះងាកសម្លឹងមើលគេទាំងស្ងៀមស្ងាត់មុននឹងរាងកាយឃ្លាតឆ្ងាយទៅតាមការរុញច្រានរទេះរបស់បងប្រុស....
(លោកមិនគួរមកទេ...)