បល្ល័ង្កស្នេហ៍ (រដូវកាលទី ០២ : SELFISH LOVE) [ ចប់ ]

ភាគទី៥៧

បល្ល័ង្កស្នេហ៍ 💔
ភាគទី៥៧
(ជាអូនពិតមែនរឺ?)

"គេទៅណាបាត់ទៅហើយ?"រាងកាយខ្ពស់ប្រញាប់បោះជំហានរត់ត្រឡប់មកវិញដោយត្រូវឆ្លងកាត់ស្ពានខណ្ឌចែកវីឡាធំជាមួយនឹងវីឡាតូចផ្ទះទឹកដែលមានចម្ងាយឆ្ងាយនឹងគ្នាគួរសមដែរទើបបានជាបណ្ដាលឲ្យនាយកម្លោះយើងត្រូវប្រើកម្លាំងជើងរត់មកឲ្យទាន់បានប្រាប់ពីតម្រុយដែលខ្លួនរកឃើញតែបែរជាបាត់មិនឃើញសូម្បីតែស្រមោលនាយត្រកូលអាល់ម៉ាឌីសោះ
"អូ!លោកឧត្តមសេនីយ៍"គាប់ជួនជាពេលនោះក៏មានអ្នកបម្រើម្នាក់ដើរមកក្នុងដៃក៏មានកាន់កន្ត្រកសម្លៀកបំពាក់ជាប់ផងប្រហែលទើបតែមកពីសារសម្លៀកបំពាក់ទើបយ៉ុនហ្គីមិនបានចាប់អារម្មណ៍សួរនាំច្រើនបន្ត..
"និយាយចឹងអ្នកប្រុសរបស់ឯងទៅណាបាត់ទៅ?ខ្ញុំមានការសំខាន់ចង់និយាយប្រាប់គេ"យ៉ុនហ្គីងាកភ្នែកសម្លឹងមើលទៅបរិវេណក្នុងផ្ទះមុននឹងប្រទះឃើញមានឡានមួយឈប់សំចតនៅរបងផ្លូវក្រោយវីឡាខាងនោះជាពិេសសនោះគឺគេបានឃើញនារីម្នាក់ដែលរត់គេចអម្បាញ់មិញនោះ នាយរហ័សងាកខ្លួនរត់ទៅតាមប្រភពបានឃើញ
ជ្រឹប!ជ្រឹប!ជ្រឹប អឹក
កាំបិតចុងស្រួចចាក់ចូលសាច់របស់នាយឧត្តមសេនីយ៍ត្រង់ចំណុចពោះជាច្រើនលើកច្រើនសារដល់ថ្នាក់រាងកាយមាំទាំមានកម្លាំងពេញកំណត់បែរជាថមថយកម្លាំងទៅតាមចរន្តឈាមដែលហូរធ្លាយពោះចំណុចពោះមកខាងក្រៅ តាមពិតអ្នកបម្រើដែលឈរនិយាយនោះឯងជាជនបង្កប់ខ្លួននឹងចូលកៀកជិតនាយដើម្បីចាត់ការតាមផែនការដែលគេបានបញ្ជា យ៉ុនហ្គីដួលគ្រេងទៅលើស្មៅខៀវស្រងាត់ក្បែរនោះទាំងមិនអស់ចិត្ត...
(យ៉ាងមិចទៅហើយការងារដែលឲ្យធ្វើ?)
"បានសម្រេចហើយចៅហ្វាយ!"
(ល្អ!ចាត់ចែងតាមដែលយើងប្រាប់ ធ្វើឲ្យប្រាកដថាវានឹងមិនអាចហាមាត់ចោទឡេនបាន)
"បាទ៎ចៅហ្វាយ"ការនិយាយឆ្លើយឆ្លងតាមទូរសព្ទ័ក៏ត្រូវកាត់ផ្ដាច់ភ្លាម បុរសជាជនលាក់កំបាំងនោះក៏រហ័សចាត់ចែងតាមអ្វីដែលចៅហ្វាយខ្លួនបានបញ្ជា ដៃមាំៗមានស្នាមសាក់ពីដើមដៃដល់ចុងដៃចាប់ទាញក្របួចអូសករអាវយ៉ុនហ្គីឲ្យដើរទៅតាមនាយ កែវភ្នែកស្រអាប់បែកផ្សែងរបស់យ៉ុនហ្គីបើកបង្ហើបស្រាលៗទាំងចុកពើតអស់កម្លាំងរួចក៏ងាកប្រទះព្រាលៗនឹងស្នាមសាក់នៅលើដៃរបស់បុរសនោះ...
"ឥន...ឥន្ទ្រី"
ប្រូង!
សម្លេងខ្សោយបន្លឺឡើងស្របនឹងរាងកាយរបស់នាយត្រូវគេបោះទម្លាក់ទាំងស្រុងចូលទៅក្នុងទឹកស្រៈក្បែរនោះជាកន្លែងតែមួយដែលជនសង្ស័យច្រានទម្លាក់នាងល្អិតអែមមីអម្បាញ់មិញនេះ រាងកាយនាយធ្លាក់លឹបចូលទៅក្នុងទឹកស្រៈខ្មៅល្អក់នោះ កែវភ្នែកទាំងគូទម្លាក់ចុះស្រាលៗទាំងមិនអស់ចិត្តសោះ នេះគេត្រូវបញ្ចប់ដោយបែបនេះមែនដែរទេ?