#فى_غرام_أفعى
#ياسمين_أحمد
-----------------------------------------
- سيف بإستنكار :- هو احنا بنعزمك على الغذا عشان تقولى خلينى مرة تانية !! .
- ياسمين بعناد :- لو سمحت أنا مش بكلمك أنت .. خليك فى حالك .
- دارين :- ما هو عنده حق برضه يا ياسمين وده شئ طبيعى انك تبقي معانا .. اللى أنا مش فاهماه انتى مقلقة ليه ؟ .
- ياسمين بإستنكار :- لا أبداً يمكن عشان أنا رايحة أموت .
- سيف بضيق :- تموتى إيه هو إحنا واخدينك نقدمك قربان لكهنة معبد الإله تحوت !! ما تهدى .
- دارين بنزق :- لماضتك ملهاش حل .
- سيف وهو يشيح بيديه بلامبالاة :- أنا كدة وإن كان عاجب .
- دارين بضيق :- طب سمعنى صمتك بقي ( ثم وجهت حديتها إلى ياسمين ) انتى لازم تنزلى معانا بكرة عشان تدخلى فى المود .
- ياسمين :- طب ما تدخولوا انتوا وأنا أفضل واقفة أتفرج عليكوا من برا .
- دارين بتعجب :- ندخل فين ؟!! .
- ياسمين :- فى المود .
... مسحت دارين وجهها بكف يدها فى ضيق كبير وتنهدت محاولة ضبط أعصابها حتى لا تنفجر فى الجميع وخاصة تلك التى لا تبالى بأهمية الأمر ، زفرت مستعيدة رابطة جأشها قائلة :
- دارين :- إيه اللى إنتى بتقوليه ده يا حبيبتى هو إحنا رايحين نتفسح !! ده احنا عندنا شغل .
- ياسمين فى محاولة للفرار :- طب مينفعش يتأجل ؟ .
- فيجو بحزم وهو ينظر فى عينيها :- لا مينفعش يتأجل وإجمدى كدا ها إجمدى إنتى مش لوحدك وكلنا معاكى فبلاش خوف وإتكلى على اللى خلقك .
- ياسمين بخضوع :- طيب حاضر .
- دارين بزفير :- خلاص كدة فاضل بس نوزع الأدوار .. فيشو عليك الكميرات وهتكون على تواصل مع فيجو أول ما تخلص تدينا إشارة عشان ندخل .
- فيشو بإيماءة :- تمام .
- دارين :- سيف وقاسم هتفضلوا برا تحمونا وهكون على تواصل معاكم عشان لو إحتاجتكم فى حاجة ولو حصل أى حاجة برا تقولولى .
- سيف :- إشطا تمام .
- دارين :- أنا وفيجو ياسمين هندخل مكتبه نطلع الورق منه وهنخرج على طول ( نظرت فى ساعتها ) الساعة دلوقتى 5 ، هنبدأ نجهز وكل واحد يظبط اللى هيحتاجه عشان ساعتها ميحصلش أى حاجة غلط ونضفوا أسلحتكم عشان لو إضطرينا نستعملهم .
... أومأ الجميع بطاعة وإنفض المجلس كلٌ الى غرفته يهيئ حاله إلى تلك المهمة التى هى بسيطة من وجهة نظرهم بثقة إستمدوها من خبرتهم الكبيرة فى التعامل مع تلكم المواقف أما ياسمين فبدت تائهة قليلاً كطفل تركه والده فى زحام ليأتى له بالمثلجات فلم يحصل على المثلجات ولم يحصل على والده مرة أخرى ، إقتربت منها دارين تربت على كتفها بهدوء قائلة :
أنت تقرأ
فى غرام أفعى
Action... سارت إلى جواره تأكل حبات الترمس بملل وتدفع قشرها من فمها بقوة لتسبقها مسافة جيدة ثم قالت : - ياسمين :- تصدق بالله ! أنا أول مرة شوفتك فيها حسيت انك أهبل ، لكن لما قولتلى انك بتحبنى ساعتها بس إتأكدت من إحساسي ده ، يا راجل حد فى الدنيا يحبنى أنا...
