#فى_غرام_أفعى
#ياسمين_احمد
----------------------------------------------
... إنتبه إليها الجميع ورسم كلٌ منهم ملامح الجدية على وجهه منتظرين أن تكمل الحديث وتسرد عليهم تفاصيل مهمتهم القادمة فأكملت هى بهدوء قائلة :
- دارين :- المهمة المرة دى بسيطة خالص مجرد ملفات هنجيبها من مكتب واحد من الناس التقال فى البلد .
- ياسمين بتعجب :- ودى حاجة بسيطة ؟! .
- فيجو بتوضيح :- بالنسبة للى بنعمله كل مرة أه دى بسيطة جداً .
- قاسم :- وهتبقي أبسط لو دارين قالت لنا التفاصيل بتاعة العملية أكتر .
- دارين بتوضيح :- مدير شركة (.....) للسياحة .
- قاسم بإستفسار :- ماله ؟ .
- دارين :- الراجل ده بيشتغل فى حاجات خارجه عن القانون .
- ياسمين :- حاجات زى إيه بقي ؟ مخدرات يعنى ولا .....
- دارين بمقاطعة :- سلاح .
- ياسمين بدهشة :- يا صلاة العيد ومتقبضش عليه ؟!! .
- دارين ببساطة :- مفيش دليل ضده .
- ياسمين :- ولما هو مفيش دليل إنتوا عرفتوا منين .
- دارين :- واضح جداً لما فجأة وفى أقل من خمس سنين يتحول من حتة تاجر بسيط فى أسواق المنيا بيتاجر فى أى حاجة تقع تحت إيده لرجل أعمال مهم الفكرة بقي انه لما كان لسة فقير كان بيشتغل فى حاجات كتيرة الا السياحة فمن الأولى لما يفتح شركة تكون ليها علاقة بالحاجات اللى يعرفها وبيفهم فيها مش فى حاجة عمره ما أشتغل فيها .
- ياسمين :- ما يمكن حب يجرب حاجة جديدة .
- صدف بضيق :- فيه حد يجرب براس مال يعدى الملايين فى حاجة مش فاهمها إلا إذا كان معتوه ! .
- دارين بتكملة :- أو انه ضامن لو الفلوس دى راحت هيقدر يجيب غيرها وبسهولة جداً .
- فيجو بشرح :- وإيه فى البلد دى يحقق ربح سريع وسهل غير الطرق الملتوية والغير مشروعة زى السلاح .
- ياسمين :- وإشمعنى السلاح يعنى ؟ .
- دارين :- لأنه كان بيتاجر فيه أصلاً وهو لسه صغير بس كان بيتاجر قطاعى يعنى يبيع مسدس أو شوية طلق أو حتة بندقية حاجات بسيطة يعنى وخصوصاً إنه من الصعيد وده أكتر مكان بيستعمل السلاح سواء مرخص أو لأ عشان عمليات التار وكمان عشان يحيوا بعض بيه فى الأفراح ده غير إن كان الهدف الأساسي منه هو الحماية ضد الحيوانات المفترسة اللى بتبقي موجودة فى الجبل زي الديابة والكلام ده وكمان حماية الأراضي والبيوت من الناس اللى بتهرب من السجون وتنزل تستخبي هناك .
- ياسمين :- وليه يختار السياحة عشان تغطى أفعاله دى ؟ ما يختار حاجة بيفهم فيها زى ما انتى قولتى عشان محدش يشك فيه .
أنت تقرأ
فى غرام أفعى
Acción... سارت إلى جواره تأكل حبات الترمس بملل وتدفع قشرها من فمها بقوة لتسبقها مسافة جيدة ثم قالت : - ياسمين :- تصدق بالله ! أنا أول مرة شوفتك فيها حسيت انك أهبل ، لكن لما قولتلى انك بتحبنى ساعتها بس إتأكدت من إحساسي ده ، يا راجل حد فى الدنيا يحبنى أنا...
