#فى_غرام_أفعى
#ياسمين_احمد
-----------------------------------
... كان الموقف شائك للغاية ، ياسمين تنظر إلى حورس بعيون تطلق الشرر وحورس يجلس على كرسيه منكمشاً خوفاً وتعجباً من تغيرها المفاجئ الذي لا يعلم ما هو سببه أما فيجو فقد شعر بها وكأن بينهم رابط يجعله يفهم ما يدور بخلدها أو بالأصح ما يدور فى قلبها ، كان يعلم بأنها متحمسة لهذا التدريب ويعلم أيضاً مدى الاحباط الذي غلف روحها حين أخبرها حورس بأنه لن يقوم بتدريبها اليوم بل سيكتفى ببعض الدروس النظرية والتى لن تُشبع حماسها وفضولها أبداً لذلك تعامل مع الأمر ببرود فلم يحاول تهدئتها فهى بالتأكيد ستهدأ بمفردها بعد بعض الوقت وعلى حورس الإختيار بين أمرين إما الثبات على وجهة نظره وإقناعها بها أو تغيير رأيه وتدريبها اليوم ، كانت ياسمين تظر إلى حورس بعدائية شديدة متناسية أنها كانت فَرِحة منذ قليل للقائه وهتفت بضيق :
- ياسمين :- يعنى ايه مفيش تدريب هو أى كلام وخلاص ! .
- حورس وقد ضم أصابعه معاً مشيراً لها :- اهدى بس وانا هفهمك .
... هنا أدرك فيجو بأن صديقه لا ينوى التراجع فى قراره وانه الأن اما سيقنعها به أو يرغمها عليه بينما جلست ياسمين مرة اخرى على مقعدها حين لاحظت ان جميع من حولهم ينظرون نحوهم بفضول وترقب
لذا تراجعت مرة اخرى على كرسيها تنظر إليه نظرة شر حاول حورس ألا يتركها تخيفه أو تثنيه عن قراره وقال وهو يهندم من ملابسه :
- حورس بجدية :- إهدى بس كدة وصلى على النبي أنا عامل كدة عشان أريحك مش أكتر .
- ياسمين بضيق :- تريحنى ليه هو انت شايفنى داخلة على نقالة ما انا زى الفل اهو و100 فل وعشرة .
- حورس :- وهو انا لازم الاقيكى جاية خلصانة عشان أرحمك .. يابنتى انا واحد حسيس برضه وبعدين انا مش فاهم انتى مستعجلة على الهم ليه ما الأيام جاية كتير .
- ياسمين بتصميم :- لا دلوقتى .
- حورس مرة أخرى وهو يحاول ان يُفهمها :- يابنتى انا بالذات شغلى تقيل لو أخديته النهاردة بعد قاسم وفيجو وبالذات ان ده اول يوم ليكى ولسة مش متعودة والله هتموتى .
- ياسمين :- ياعم لو مت ابقى اتكلم .
- حورس بإستهجان :- أتكلم مع مين ما انتى هتبقي موتى خلاص .
- ياسمين :- متشغلش بالك هو انا اللى هموت ولا انت ! .
- حورس :- وانا أشيل ذنبك ليه هو انا ناقص ذنوب .
- فيجو بهدوء وقد تدخل فى الحوار :- ياسمين اسمعى كلامه هو خايف عليكى وبلاش النهاردة .
- ياسمين بعناد :- لا ماليش دعوة انا عايزة أتعلم النهاردة .
- حورس وقد تغيرت نبرته إلى الحزم :- طب بصي بقي يا حلوة أنا شغل النهاردة مش شغال وصدقينى لو جبتيلى أبويا نفسه من قبره يقنعنى مش هيقدر ولازم تعرفى ان المدرس هو اللى بيختار طريقة ونظام التعليم مش الطالب وانتى هنا كل اللى عليكى انك تسمعى كلامى وتنفذيه وتكونى تلميذة مطيعة وبس غير كدة مالكيش فيه ، أمين ؟ .
أنت تقرأ
فى غرام أفعى
Acción... سارت إلى جواره تأكل حبات الترمس بملل وتدفع قشرها من فمها بقوة لتسبقها مسافة جيدة ثم قالت : - ياسمين :- تصدق بالله ! أنا أول مرة شوفتك فيها حسيت انك أهبل ، لكن لما قولتلى انك بتحبنى ساعتها بس إتأكدت من إحساسي ده ، يا راجل حد فى الدنيا يحبنى أنا...
