#فى_غرام_أفعى
#ياسمين_احمد
------------------------------------------
... تركت دارين ما بيدها وإنتفض فيجو من مجلسه متوجهين ناحيتها يطالعون ما تحمله من ملفات ، وقفت بجانبها دارين وخلفها فيجو يقرأون ما تم تدوينه بالأوراق وما هى إلا دقائق حتى توسعت أعينهم بصدمة ، وضع فيجو يده اليسري فوق رأسه وأخذ يضرب فوقها بيده الأخرى بحركة متتالية قائلاً :
- فيجو بما يشبه العويل :- يا دى الوكسة .. يا دى الوكسة .. هو احنا كنا ناقصين ياربي .
... نظرت له ياسمين بتساؤل فهى إلى الأن تحاول تكذيب ما تقرأ لذا بادرت بسؤاله قائلة :
- ياسمين :- هو اللى أنا فهمته ده صح ؟ .
- دارين بجمود وملامح سوداء :- أيوة صح .
- ياسمين بذهول :- يعنى الراجل ده فعلاً عايز يستورد أسلحة وقنابل من النوع ده .. يا نهار مش فايت دى كارثة ده غير ان الأسلحة دى فتاكة بشكل كبير كمان الكمية اللى عايز يدخلها البلد ضخمة جداً .
- فيجو :- الواطى عايز يولع الدنيا عشان يكسب وخلاص ده بيبيع السلاح لأطراف متنازعة .
- ياسمين :- يعنى ايه ؟ .
- فيجو بشرح :- يعنى مثلاً لو واحد زى سيف عنده عداوة مع واحد زى قاسم يقوم صاحبك ده يروح لسيف يبيعله سلاح يساعده ضد قاسم وبعدين يروح لقاسم يقوله ان سيف اشترى سلاح ولازم هو كمان يشترى سلاح عشان يواجهه وطبعاً يبعيله سلاح والطرفين يضربوا فى بعض وهو الوحيد الكسبان .
- ياسمين بتقزز :- ده شيطان .
- دارين :- من ناحية الشر فهو مش أشر واحد بالعكس ده أقل واحد فى الشر .
- فيجو :- احنا شوفنا ألعن منه بكتير .
- ياسمين :- طب هنعمل إيه ؟ .
- دارين بعزم :- هناخد نسخ من كل الفايلات دى طبعاً .
- ياسمين :- أيوة وبعدين يعنى ؟ .
- فيجو :- لا ده شغل دارين والقادة الكُبار بقي مش تبعنا ده .
- ياسمين :- تمام .
... عاد كل منهم إلى مكانه ، أخذت ياسمين صور لكل الأوراق التى بحوزتها بواسطة هاتفها وكذلك فعلت دارين وقام فيجو بنسخ جميع الملفات التى على الحاسوب فى فلاشة صغير حتى تلك التى لم يفتحها ، نظرت دارين فى هاتفها لتجد رسالة من صدف تخبرها بها أن الأمور لديها على مايرام وأنها أنجزت العمل المكلفة به لتنظر دارين إلى صديقيها قائلة :
- دارين :- ها يا شباب كله تمام ولا لسة ؟ .
- فيجو وهو يغلق الحاسوب :- أنا عن نفسي خلصت .
- ياسمين :- وانا كمان خلصت .
- دارين :- كويس أوى صدف كمان خلصت وسبقتنا على برا كل واحد يتأكد ان كل حاجة زى ما كانت ويلا عشان نطلع من هنا .
أنت تقرأ
فى غرام أفعى
Action... سارت إلى جواره تأكل حبات الترمس بملل وتدفع قشرها من فمها بقوة لتسبقها مسافة جيدة ثم قالت : - ياسمين :- تصدق بالله ! أنا أول مرة شوفتك فيها حسيت انك أهبل ، لكن لما قولتلى انك بتحبنى ساعتها بس إتأكدت من إحساسي ده ، يا راجل حد فى الدنيا يحبنى أنا...
