#فى_غرام_أفعى
#ياسمين_احمد-----------------------------------------
... تبعته وهى تجهل تماماً سبب جذبه لها بهذا الشكل فى هذا الزقاق المظلم ، لحظات من السير حتى دخلوا إلى مكان أوسع بقليل أرضيته مرصوفة يوجد به عمود إنارة يتدلى منه مصباح ينير المكان بخفوت ، وقف بعد قليل تاركاً يدها ملتفتاً ليواجهها ، كان يبدو عليه التوتر فحثته قائلة :
- دارين :- مالك يابنى ؟ وجايبنى هنا ليه ؟ .
- فيجو بتوتر :- أنا عايز أقولك حاجة كدة بس متردد .
- دارين بقلق :- قول متخوفنيش .
- فيجو مستجمعاً شجاعته :- بصراحة كدة انا عندى احساس ا.........
... صمت حين شعر بحركة من خلفه ليستدير فواجهه أربعة شباب ضخام البنية يبدو على وجوههم علامات الإجرام ، إبتلع لعابه وغمغم قائلاً :
- فيجو :- انا عندى احساس أننا هنتنفخ .
... سدوا عليهم الطريق فأصبح لا مفر لديهم منهم ، نظروا إليهم كذئاب جائعة حصلت للتو على وجبة دسمة ، إلتوى ثغر أحدهم - والذي يبدو أنه زعيمهم - بسخرية قائلاً :
- شخص 1 :- بصوا يا رجالة جوز القطاقيط الحلوين دول .
- شخص 2 :- عشانا الليلة يا معلم ، إيه اللى جابكم هنا حلوين ؟ .
- شخص 3 بضحكة مقززة :- دول تلاقيهم يا عينى معندهمش مُكنة ، صح ياض ؟ .
... وجه سؤاله الأخير إلى فيجو الذي أومأ بطاعة قائلاً بأدب غير مناسب للموقف :
- فيجو :- مظبوط يا معلم .
- شخص 1 :- طب اعلى بقي يا حيلتها باللى فى جيبك .
- فيجو :- والله يا معلم وما ليك عليا حلفان ما فيه في جيبى تلاتة مليم حتى .
- شخص 3 بعنف :- لما كبيرنا يقولك طلع اللى في جيبك تطلعه من غير غلبة ، بدل ما نعلم عليك ونخلى منظرك هزأ قصاد المزة اللى معاك .
- فيجو بتعجب :- مزة ! مزة مين ؟ .
- شخص 4 :- بلاش استعباط ياض انت ، انت شكلك ولبسك بيقول انك واد مقرش ومدفى .
- فيجو بغباء :- دفا ايه فى الحر ده ؟! وربنا ما لابس حاجة غير التيشيرت اللى عليا .
- شخص 3 :- يا معلم انا رأيي نبطل مناهدة معاه ، هو ياخد العلقة التمام ويتقلب ونسيبه هنا جمب أى صفيحة زبالة ، وناخد البت اللى معاه دى كمان .
- فيجو :- ياعم أهدى ده انت بوتجاز 7 شعلة ، بص أنا هعمل معاك اتفاق حلو ، انت تاخد الساعة اللى معايا دى حلوة وهتنفعك لأن والله لو نفضتنى مش هنزل خمسة جنية مجمدة .
... هنا ولم تتحمل الصمت أكثر ، كانت فى البداية تتركه كى يتصرف بما أنه الرجل ولكن محاولته للإتفاق مع هؤلاء الشرذمة جعلتها تثور هادرة فيه قائلة :
أنت تقرأ
فى غرام أفعى
Action... سارت إلى جواره تأكل حبات الترمس بملل وتدفع قشرها من فمها بقوة لتسبقها مسافة جيدة ثم قالت : - ياسمين :- تصدق بالله ! أنا أول مرة شوفتك فيها حسيت انك أهبل ، لكن لما قولتلى انك بتحبنى ساعتها بس إتأكدت من إحساسي ده ، يا راجل حد فى الدنيا يحبنى أنا...