#فى_غرام_افعى
#ياسمين_احمد
--------------------------------------
... دلف إلى مكتبه بهدوء يبصره جالس على كرسيه يطالع بعض الأوراق التى تخص العمل ، اغلق الباب خلفه ثم حمحم ليلفت نظره إلى وجوده ، رفع نظره إلى مصدر الصوت لتنفرج أساريره مبتسماً بترحاب قائلاً :
- محمود وهو يقف من على مقعده :- أهلاً أهلاً بحبيب عمه ، ايه يا واد المفاجأة الحلوة دى ! .
- فيجو وهو يصافحه ويحتضنه :- حبيبي يا حودا وحشتني والله .
- محمود :- يا واد انت هتشتغلنى ، ده انا بشوفك فى الشهر مرة ، ده حتى البيت بنتقابل فيه بالصدفة .
- فيجو بضحك :- احمد ربنا انك بتشوفنى أصلاً .
- محمود :- اممم وأى رياح طيبة حدفتك عليا ؟! .
- فيجو :- وحشتني يا جدع الله .
- محمود بمكر :- مفيش الكلام ده يا فيجو أنا حافظك صم ، خلص وقول ايه الحاجة المهمة اللى تخليك تجى الشركة اللى انت بتكره حتى تعدى من الشارع بتاعها .
- فيجو بضحك :- مقدرش أحور عليك خالص ، دايماً كاشفنى .
- محمود :- أخلص .
- فيجو :- انت عارف اونكل رؤوف المنوفى صح ؟ .
- محمود بتعجب :- أيوة عارفه ، ماله ده ؟! .
- فيجو بصراحة :- انا بحب بنته وعايز أعرفه .
- محمود بصدمة :- بتـ إيه ! بتحب ! أنت بتحب ! .
- فيجو بتعجب من ردة فعله :- ايوة هو فيه ايه ! هى المشكلة دلوقتى أنى بحب ! يعنى المشكلة فيا انا ! أيوة بحب ما انا بنى أدم وعندي مشاعر وعندي دم وبحب ولا هو انت فاكرنى انسان براس قط بلدى ؟! .
- محمود :- يا عم لا بلدى ولا افرنجى ، انا بس استغربت لأنك عمرك ما جيت قولتلى انك بتحب دى .
- فيجو بمزاح :- عمرى ايه بس يا محمود هو انا عمرى ده كام سنة بس ! انت محسسنى انى عندى ستين سنة ، يا عمى ده هو ده وقته انت ناسي أن انا فى فترة المراهقة ولا ايه ؟! .
- محمود :- عارف ، وكويس أن انت كمان عارف ، عارف بقي التقلبات العاطفية اللى بتحصل للشباب في السن ده ؟ .
- فيجو وهو يعقد حاجبيه :- عارفها اه ، بس دى ايه علاقتها بموضوعى .
- محمود وهو يضرب وجهه بغيظ :- انت مش لسة قايل انك مراهق بالفعل ، حبيبي انت متأكد انك بتحبها مش مجرد تعود أو اعجاب .
- فيجو :- اعجاب ايه بس ما انا شوفت بنات كتير وقليل اشمعنى دى يعنى .
- محمود :- يمكن عشان أصحاب ، يمكن عشان مش بترتاح غير معاها وهى اكتر واحدة فاهماك ، فى حاجات كتيرة غير الحب .
أنت تقرأ
فى غرام أفعى
Aksi... سارت إلى جواره تأكل حبات الترمس بملل وتدفع قشرها من فمها بقوة لتسبقها مسافة جيدة ثم قالت : - ياسمين :- تصدق بالله ! أنا أول مرة شوفتك فيها حسيت انك أهبل ، لكن لما قولتلى انك بتحبنى ساعتها بس إتأكدت من إحساسي ده ، يا راجل حد فى الدنيا يحبنى أنا...
