أولا : اسفة طبعاً على الإنقطاع المفاجئ بس كان عندى مشكلة فى الموبايل عشان كدة معرفتش ينشر الفترة اللى فاتت .
ثانياً : الرواية هترجع تتنشر مرتين بس فى الإسبوع اللى هما الاثنين والخميس الساعة 9 وهحاول أطول الحلقات على قد ما أقدر .
ثالثاً : ياريت بقي تفاعل كويس عشان أطول فى الحلقات بشكل أكبر فضلا يعنى اللى معملش ڤوت يعدى على الحلقات من البداية لحد هنا ويعمل ڤوت ⭐😍
----------------------------------
- دارين وهى تنظر لياسمين :- مالها صاحبتى ما هى كويسة أهى ، أه خايفة شوية منكم وده عندها حق فيه وانتوا ترعبوا كتيبة بحالها بس شوية وهتتعود ان شاء الله .
- نجف بغمزة :- طب إيه !! مش هنشوف اللى ورانا ؟ .
- صدف بتهكم :- وانتى وراكى ايه ان شاء الله .
- نجف بسخرية من طريقتها التهكمية :- ورايا مثلاً أبوكى اللى هيسلخنا عشان اتأخرنا .
- صدف ببساطة :- لا متقلقيش مش هيتكلم مدام أنا معاكى .
- حورس بمرح :- حد يخاف والسبع معاه برضه يا نوجا ! .
- صدف بحدة وقد نظرت له بعينين تطلق الشرر :- قصدك إيه ؟!! .
- حورس وهو يرفع يديه أمامه بمزاح :- مقصدش يا ريس ... أنى أسف .
- دارين :- وبعدين يا نجف إتأخرتوا إيه ده انتوا ساكنين فى أول الشارع ! .
- نجف :- انتى عارفة انى مش بحب أتأخر .
- دارين :- طيب طيب .. فين فيجو ؟! .
- قاسم :- جوا في المطبخ .
- دارين بصوت عالى :- فيجووو .. فيجووو .
- فيجو من الداخل :- أيوة يا دانو ثانية وجاى .
- قاسم بتعجب :- هو بيعمل ايه كل ده جوا ؟!! .
- دارين :- فيشو فين ؟ .
- قاسم :- مع فيجو جوا .
- فيجو بعد أن خرج من المطبخ مع أخيه :- ايه يا دانو .
- دارين بنظرة ذات مغزى وهى تناوله ما بيدها :- خد يا فيجو الأكياس دى دخلها جوا .
- فيجو وهو يأخذ الأكياس وقد فهم مقصدها :- تمام .
- فيشو :- هاااا مش هنخلص بقي ولا إيه ؟ .
... نظرت إليهم دارين بتفحص فقد كانوا يقصدون ياسمين بحديثهم ، يبدو أن فيجو لم يعلمهم ما هو سبب وجودها هنا معهم الأن وهذا جيد بالنسبة لها فهى تريد إخبارهم بنفسها لترى ردة فعل كل واحد منهم وكيف سيقابل الأمر حتى تتمكن من وضع خططها بناءاً على ذلك .
- دارين وهى تجلس بهدوء :- لسة فيه حد ناقص مش هنقدر نبدأ من غيره .
- سيف بتعجب :- منو هاد !! .
أنت تقرأ
فى غرام أفعى
Action... سارت إلى جواره تأكل حبات الترمس بملل وتدفع قشرها من فمها بقوة لتسبقها مسافة جيدة ثم قالت : - ياسمين :- تصدق بالله ! أنا أول مرة شوفتك فيها حسيت انك أهبل ، لكن لما قولتلى انك بتحبنى ساعتها بس إتأكدت من إحساسي ده ، يا راجل حد فى الدنيا يحبنى أنا...
