#فى_غرام_افعى
#ياسمين_احمد
----------------------------------------------
... شعر حورس فى الماء بتوتر الأجواء على الشاطئ بين الفتيات فإقترب من فيجو متحدثاً إليه وعيناه على الشاطئ حتى لا تنفلت الأمور :
- حورس :- واد يا فيجو الظاهر الدنيا متكهربة على الشط .
- فيجو بلهاث من أثر السباحة :- متكهربة ازاى يعنى ؟ .
- حورس :- هيكون ازاى يعنى اكيد صدف وياسمين ، ما تطلع تشوف الدنيا فيها ايه قبل ما القوات تشتبك .
- فيجو :- اشطا تعالى نشوف فيه ايه ؟ .
- حورس وهو يسبح بعيداً عنه :- لا يا عم خد حد تانى ماليش فيه .
... كان علي يسبح بالقرب منهما وسمع ما قاله حورس فإقترب من فيجو قائلاً :
- علي :- تعالى يا فيجو انا جاى معاك أصلاً تعبت من الماية .
- حورس وهو ينظر له بغيظ :- وهى الماية وحشة ولا تتعب يابنى ! .
- علي وهو يخرج مع فيجو :- خلاص خليك شوية .
- حورس بإستنكار :- شوية ! ده انا هبات هنا يا جدع .
- فيجو وهو ينظر له مبتسماً بتعجب :- عيل كابوريا .
... خرج علي وفيجو من الماء مقتربين من الفتيات وقد ألقوا نظرات سريعة على الفتيات ليجدوا أنهن جميعهن منشغلات فكانت ياسمين تقرأ كتاب ، أما نجف تجلس تلعب فى هاتفها مع شيرين ، ودارين تضع سماعات أذن وتستمع إلى موسيقي صاخبة وتهز رأسها معها بعنف ، بينما صدف تجلس بملامح عابسة تعقد وراعيها على صدرها بحنق كبير ، تقدم علي ووقف يأخذ منشفة من حقيبته التى ولسوء الحظ كان بجوار الكرسي الخاص بياسمين أما فيجو فتقدم ونحى الحقيبة التى بجوار دارين وجلس مكانها ليأخذ منشفته منها يجفف جسده وينظر إلى دارين رافعاً أحد حاجبيه فقامت بخلع سماعاتها ناظرة له ببسمة متسائلة بعينيها عن سبب غضبه فرد عليها قائلاً :
- فيجو بضيق :- انتى رابطة شعرك ليه هو هيطفش منك ؟ .
- دارين مبتسمة :- وانت شاغل بالك ليه بشعرى ما تخليك فى حالك .
- فيجو وقد التقت قميصه يرتديه :- أنا بدأت أشك انك قرعة وحاطة باروكة ورابطاها عشان متقعش من على راسك وتتفضحى .
- دارين وهى تضربها على صدره :- وأنت مالك ياض أنت ، وبعدين ده عشان طابع الجدية .
- فيجو :- بقولك ايه بلا طابع جدية بلا طابع بريد ، فكى شعرك وانفضيه لورا كدة زى بتوع السيما .
- دارين :- بس يا فيجو الله يهديك ، بقولك طابع الجدية يا جدع .
- فيجو بحوقلة وهو يضرب كفيه في بعضهما :- لا حول ولا قوة الا بالله ، طابع جدية ايه دانو انتى اتهبلتى ! هو ايه دخل شعرك فى الجد والهزار يعنى .
أنت تقرأ
فى غرام أفعى
Actie... سارت إلى جواره تأكل حبات الترمس بملل وتدفع قشرها من فمها بقوة لتسبقها مسافة جيدة ثم قالت : - ياسمين :- تصدق بالله ! أنا أول مرة شوفتك فيها حسيت انك أهبل ، لكن لما قولتلى انك بتحبنى ساعتها بس إتأكدت من إحساسي ده ، يا راجل حد فى الدنيا يحبنى أنا...
