#فى_غرام_أفعى
#ياسمين_أحمد-----------------------------------------------
... كانت ياسمين تستمع إليها وهى مشوشة فقد إكتشفت أن الأمر أكبر من كل تخيلات وتصورات عقلها المريض فهذا حتماً جنون أو أنها فى مصيبة لا تدرى كيف التخلص منها ، إنتظرت دارين ردها ولكنها لم ترد وظلت صامتة ومنصدمة مما سمعت فبادرتها دارين مجدداً :
- دارين بتعجب من صمتها المريب :- ما تردى يا بنتى إنتى نزل عليكى سهم الله كدة ليه ؟! .
- ياسمين بتوهة :- أرد أقول إيه ؟ .
- دارين :- قولى رأيك فى اللى قولتلك عليه .
- ياسمين وقد شعرت بالتخبط :- مش عارفة .
- دارين :- طب إنتى موافقة تبقي معانا ؟ .
- ياسمين بتوهة أكبر :- مش عارفة .
- دارين بتأفف وقد بدأ صبرها ينفذ :- أووووف هو إيه اللى مش عارفة يا ماما ما تفوقى شوية .
- ياسمين بنزق :- ما انا مش فاهمة .
- دارين وقد إنعقد ما بين حاجبيها متعجبة من حالتها المتخبطة :- كل ده ومش فاهمة ؟! طيب ياستى خلينى معاكى للأخر ، عايزة تفهمى إيه وأنا أفهمهولك ؟ .
- ياسمين وهى تنظر لها بجدية وسألتها بريبة قائلة :- أهم حاجة دلوقتى عايزة أعرفها إنتى بتتكلمى جد ولا بتهزرى ؟! .
- دارين بنفور من سؤالها الغبي :- أكيد مش سايبة شغلى وكل اللى ورايا وجيباكى هنا عشان أهزر معاكى .. ولا إيه ؟ .
- ياسمين بإقتناع طفيف :- وجهة نظر برده .. أصل بصراحة أنا مش مصدقاكى .
- دارين وهى تحاول ان تكون عملية اكثر :- طب أثبتلك إزاى يعنى ؟! .
- ياسمين وقد رفعت كتفيها للأعلى ثم أنزلتهم :- مش عارفة .
- دارين :- إنتى مش عارفة حاجة خالص .. إستنى .
... أخرجت دارين مسدساً من درج مكتبها ووضعته على سطح المكتب ففزعت ياسمين عند رؤيته وقالت بخوف :
- ياسمين وهى فزعة من شكل السلاح :- هو..هو البتاع ده حقيقى ؟! .
- دارين بهدوء :- أيوة حقيقي . ده سلاحى الخاص اللى أنا بشتغل بيه .. هاا صدقتينى ؟ .
- ياسمين وهى تنظر لها برهبة :- آه كدة تمام اوى .
- دارين :- طيب تمام موافقة بقي تبقي معانا ؟ .
- ياسمين بحسم :- لأ .
- دارين وهى مترقبة لإجابتها :- ليه ؟! .
- ياسمين :- ما انا قولتلك أنا مش بدخل فى حاجة مش مضمونة .
- دارين بحذر وترقب :- وإيه اللى مش مضمون فى كدة ؟! .
أنت تقرأ
فى غرام أفعى
حركة (أكشن)... سارت إلى جواره تأكل حبات الترمس بملل وتدفع قشرها من فمها بقوة لتسبقها مسافة جيدة ثم قالت : - ياسمين :- تصدق بالله ! أنا أول مرة شوفتك فيها حسيت انك أهبل ، لكن لما قولتلى انك بتحبنى ساعتها بس إتأكدت من إحساسي ده ، يا راجل حد فى الدنيا يحبنى أنا...